ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ

ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ - news20190218084198 - ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ
ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ - Untitled design - ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ

      ​ເດິ ຊັນ ສື່​ຂອງ​ອັງກິດ ລາຍ​ງານ​ວ່າ: ຄາຣດິຟ ​ເຖິງ​ຂັ້ນຮຽກຮ້ອງ​ໃຫ້ ຟີ​ຟາ, ​ເອັຟ​ເອ ​ແລະ ຕຳຫລວດ​ເຂົ້າມາ​ສອບ​ສວນ​ການ​ຍ້າຍ​ທີ​ມຂອງ ​ເອມິ​ເລຍ​ໂນ່ ຊາ​ລາ ​ແລ້ວ ​ແລະ ຍັງ​ຕັ້ງຄຳ​ຖາມ​ເອົາ​ໄວ້​ເຖິງ 10 ຂໍ້.

      ຄາຣດິຟ ຊິ​ຕີ້ ສະ​ໂມ​ສອນ​ໃນ ພຣີ​ເມຍ​ລີກ ອັງກິດ ຕ້ອງການ​ໃຫ້​ສະຫະພັນ​ບານ​ເຕະ​ນາໆ​ຊາດ (ຟີ​ຟາ), ສະມາຄົມ​ບານ​ເຕະ​ອັງກິດ (​ເອັຟ​ເອ) ​ແລະ ​ເຈົ້າໜ້າ​ທີ່​ຕຳຫລວດ​ລົງ​ມາ​ສອບ​ສວນ​ການ​ຍ້າຍ​ທີ​ມຂອງ ​ເອມິ​ເລຍ​ໂນ່ ຊາ​ລາ ອະດີດ​ກອງ​ໜ້າ​ຊາວ​ອາ​ເຈນ​ຕິ​ນາ ຫລັງ​ຈາກ​ພວກ​ເຂົາ​ເຊື່ອ​ວ່າ​ຕົນ​ເອງ​ບໍ່​ຈຳ​ເປັນ​ຕ້ອງ​ເສຍ​ເງິນ​ຄ່າ​ຕົວ​ທັງ​ໝົດ ຫລື ​ເສຍ​ພຽງ​ຈຳນວນ​ໜຶ່ງ.

      ຄາຣດິຟ ​ເບິ່ງ​ວ່າ: ຊາ​ລາ ຈະ​ຊ່ວຍ​ໃຫ້​ພວກ​ເຂົາ​ຫລຸດ​ຈາກ​ການ​ຕົກ​ຊັ້ນ​ໄດ້ ຈົນ​ທຸ້ມ​ເງິນ​ສູງ​ເປັນ​ສະຖິຕິສະ​ໂມ​ສອນ 15 ລ້ານ​ປອນ ​ເພື່ອ​ຄວ້າ​ລາວ​ມາ​ຈາກ ນ໊ອງ ​ແຕ່​ມັນ​ເກີດ​ເລື່ອງ​ບໍ່​ຄາດ​ຝັນ ​ເມື່ອ​ລາວ​ເສຍ​ຊີວິດ​ຈາກ​ອຸປະຕິ​ເຫດ​ຍົນ​ຕົກ ຫລັງ​ຫາ​ກໍ​ເຊັນ​ສັນຍາ​ກັບ​ທີ​ມ​ໄດ້​ພຽງ​ບໍ່​ເທົ່າ​ໃດ​ວັນ.

      ທັງ​ນີ້ ກ່ອນ​ໜ້າ​ນີ້ ນ໊ອງ ກ່າວ​ວ່າ: ຄາຣດິຟ ຍັງ​ຈຳ​ເປັນ​ຕ້ອງ​ຈ່າຍ​ຄ່າ​ຕົວ​ໃຫ້​ພວ​ກ​ເຂົາ​ຢູ່ ​ເພາະ​ຖື​ວ່າການ​ຍ້າຍ​ທີ​ມລຸ​ລ່ວງ​​ແລ້ວ ​ແລະ ຂູ່​ຈະ​ດຳ​ເນີນ​ເລື່ອງ​ທາງ​ກົດໝາຍ​ກັບ​ສະ​ໂມ​ສອນ​ຈາກ​ປະ​ເທດ​ເວລ ​ເພາະ ຄາຣດິຟ ຍັງ​ບໍ່​ຍອມ​ຈ່າຍ​ເງິນ​ຈຳນວນ​ທຳ​ອິດ ​ຈຳນວນ 5 ລ້ານ​ປອນ ​ໃຫ້​ພວກ​ເຂົາ ​ໂດຍ​ຫລັງ​ຈາກ​ນັ້ນ ຄາຣດິຟ ຢືນຢັນ​ວ່າ​ພວກ​ເຂົາ​ກຳລັງ​ກວດ​ສອບ​ລາຍ​ລະອຽດ​ທຸກ​ຢ່າງ​ຢູ່ ​ແລະ ຢືນຢັນ​ວ່າ​ຈະ​ເຮັດ​​ໃນ​ສິ່ງ​ທີ່​ຖືກຕ້ອງ.

ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ - Wave100S AD to Website 2020 0 - ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ

       ​ເຖິງ​ຢ່າງ​ໃດ​ກໍ​ຕາມ ຄາຣດິຟ ເຊື່ອວ່າພວກເຂົາບໍ່ຈຳເປັນຕ້ອງເສຍເງິນທັງໝົດ ຫລື ອາດຈະເສຍພຽງໜ້ອຍດຽວ ເພາະເບິ່ງວ່າພວກເຂົາຖືກຫລາຍຝ່າຍທີ່ກ່ຽວຂ້ອງໃນການຍ້າຍທີມຄັ້ງນີ້ຫລອກໃຫ້ເສຍເງິນຈຳນວນຫລາຍ ໂດຍສະເພາະ ວິລລີ່ ແມັກເຄ ເອເຢນຄົນດັງທີ່ຍອມຮັບວ່າຂີ້ຕົວະວ່າມີທີມອື່ນນອກເໜືອຈາກ ຄາຣດິຟ ສົນໃຈ ຊາລາ ເພື່ອຈະໂກ່ງຄ່າຕົວຂອງອະດີດນັກເຕະໄວ 28 ປີ ໂດຍຫລັກຖານຂອງເລື່ອງນັ້ນຄືອີເມວທີ່ ແມັກເຄ ສົ່ງໃຫ້ ຊາລາ ເຊິ່ງຫລຸດອອກມາ.

       ຄາຣດິຟ ຕ້ອງການ​ຫລີກ​ລ້ຽງ​ຈະ​ເສຍ​ເງິນ​ຈຳນວນ​ຫລາຍ​ເຖິງ​ຂັ້ນສົ່ງ​ຈົດໝາຍ​ໄປ​ຖາມ​ຫລາຍ​ທີ​ມວ່າ ພວກ​ເຂົາ​ສົນ​ໃຈ ຊາ​ລາ ​ແທ້ ຫລື ບໍ່ ​ແລະ ຕ້ອງການ​ໃຫ້ ນ໊ອງ ອອກ​ມາ​ຊີ້​ແຈງ​ເຖິງ​ເລື່ອງ​ການ​ຍ້າຍ​ທີ​ມ​ໃຫ້​ຈະ​ແຈ້ງ. ຫລ້າ​ສຸດ ​ເດິ ຊັນ ລະບຸ​ວ່າ: ຄາຣດິຟ ຕ້ອງການ​ໃຫ້ ຟີ​ຟາ, ​ເອັຟ​ເອ ​ແລະ ຕຳຫລວດ​ເຂົ້າມາ​ສອບ​ສວນ​ເລື່ອງ​ນີ້ ພ້ອມ​ຕັ້ງຄຳ​ຖາມ​ເອົາ​ໄວ້ 10 ຂໍ້ ​ໂດຍ​ພວກ​ເຂົາ​ຕ້ອງການ​ຄຳ​ຕອບ​ທີ່​ຈະ​ແຈ້ງ​ທັງ​ໝົດ​ກ່ອນ​ຈະ​ຕັດສິນ​ໃຈ​ວ່າ​ຈະ​ຈ່າຍ​ຄ່າ​ຕົວ​ຂອງ ຊາ​ລາ ຫລື ບໍ່.

ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ - WhatsApp Image 2020 05 27 at 5 - ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ
ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ - WhatsApp Image 2020 05 27 at 5 - ຄາຣດິຟ ຮ້ອງ ຟີຟາ, ເອັຟເອ ສອບສວນການຍ້າຍທີມ ຊາລາ
error: Alert: ເນື້ອຫາຂ່າວມີລິຂະສິດ !!