ຫາລືການກຳນົດຄ່າແຮງງານຂັ້ນຕ່ຳສຸດໃນລາວ

ຫາລືການກຳນົດຄ່າແຮງງານຂັ້ນຕ່ຳສຸດໃນລາວ - advert banner 728 90 728x90 - ຫາລືການກຳນົດຄ່າແຮງງານຂັ້ນຕ່ຳສຸດໃນລາວ
ຫາລືການກຳນົດຄ່າແຮງງານຂັ້ນຕ່ຳສຸດໃນລາວ - Lablour - ຫາລືການກຳນົດຄ່າແຮງງານຂັ້ນຕ່ຳສຸດໃນລາວ

     ໃນວັນທີ 18 ກຸມພານີ້, ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ຮ່ວມກັບອົງການແຮງງານສາກົນ (ILO) ໄດ້ຈັດກອງປະຊຸມປຶກສາຫາລື ແຜນຍຸດທະສາດກ່ຽວກັບການສ້າງຄວາມເຂັ້ມແຂງໃຫ້ແກ່ຂັ້ນຕອນການກຳນົດຄ່າແຮງງານຕ່ຳສຸດໃນລາວ  ຂຶ້ນຢູ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ນາງ ວາລີ ເວດສະພົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ. 

ທ່ານ ນາງ ວາລີ ເວດສະພົງ ໃຫ້ຮູ້ວ່າ: ກອງປະຊຸມນີ້, ເພື່ອສືບຕໍ່ຈາກກອງປະຊຸມສາມຝ່າຍຂັ້ນສູນກາງ ກ່ຽວກັບສາຍພົວພັນແຮງງານ ຄັ້ງທີ 15 ໂດຍສູນກາງສະຫະພັນກຳມະການລາວ ເປັນເຈົ້າພາບ ເພື່ອຈະໄດ້ ຄົ້ນຄວ້າ ແລະ ລາຍງານໃນກອງປະຊຸມສາມຝ່າຍໃນ ຄັ້ງທີ 16 ທີ່ກະຊວງແຮງງານ ແລະ ສະຫວັດດີການສັງຄົມຈະເປັນເຈົ້າພາບ. ໃນໄລຍະຜ່ານມາ, ອົງການສາມຝ່າຍ ໄດ້ປັບປຸງລະດັບຄ່າແຮງງານຂັ້ນຕໍາສຸດຢູ່ ລາວ ປັດຈຸບັນໃນລະດັບ 1.100.000 ກີບ, ຄັ້ງນີ້ຖືເປັນຄັ້ງທີ 8 ນັບແຕ່ປີ 1991. 

ສຄອຊ ໄດ້ໃຊ້ວິທີແບບຈັດກອງປະຊຸມກັບບັນດານັກທຸລະກິດທັງພາຍໃນ ແລະ ຕ່າງປເທດ ເພື່ອສຶກສາດ້ານຜະລິດຕະພາບແຮງງານລາວ, ຄາດຄະເນຜົນກະທົບທີ່ຈະເກີດຂຶ້ນຕໍ່ການຈະເລີນເຕີບໂຕທາງດ້ານເສດຖະກິດຂອງປະເທດ ແລະ ແຂ່ງຂັນກັບສາກົນ ເຊັ່ນ: ອັດຕາເງິນເຟີ, ອັດຕາການຂະຫຍາຍຕົວຂອງເສດຖະກິດ, ການເພີ່ມຂຶ້ນຄ່າຄອງຊີບ ແລະ ສົມທຽບຄ່າແຮງງານຂັ້ນຕ່ຳຂອງບັນດາປະເທດອ້ອມຂ້າງ.

ຫາລືການກຳນົດຄ່າແຮງງານຂັ້ນຕ່ຳສຸດໃນລາວ - lattana 1 - ຫາລືການກຳນົດຄ່າແຮງງານຂັ້ນຕ່ຳສຸດໃນລາວ
ຫາລືການກຳນົດຄ່າແຮງງານຂັ້ນຕ່ຳສຸດໃນລາວ - 1 1 - ຫາລືການກຳນົດຄ່າແຮງງານຂັ້ນຕ່ຳສຸດໃນລາວ

ໃນກອງປະຊຸມຄັ້ງນີ້, ໄດ້ຮັບຟັງບົດຮຽນຈາກຊ່ຽວຊານທີ່ໄດ້ເຮັດການສຶກສາຄົ້ນຄວ້າແຮງງານຂັ້ນຕ່ຳສຸດ ແລະ ເພື່ອເປັນການປຶກສາຫາລື ການກຳນົດຫຼັກການໃນການກຳນົດຄ່າແຮງງານຂັ້ນຕ່ຳສຸດໃຫ້ສົມເຫດສົມຜົນ, ເພື່ອເປັນຜົນປະໂຫຍດໃຫ້ພາກທຸລະກິດ ກໍຄືຜູ້ໃຊ້ແຮງງານ ເພື່ອສະເໜີຕໍ່ກອງປະຊຸມສາມຝ່າຍ ໃນການກຳນົດຄ່າແຮງງານງານຂັ້ນຕ່ຳສຸດໃນອານາຄົດ ແລະ ເພື່ອເປັນບົດຮຽນໃນການສ້າງຫຼັກການທີ່ເປັນທິດສະດີ, ເປັນສູດຄິດໄລ່ ແລະ ເປັນນິຕິກໍາ ທີ່ອົງການສາມຝ່າຍຮັບໄດ້ໃນການປັບອັດຕາຄ່າແຮງງານຂັ້ນຕ່ຳໃນແຕ່ລະໄລຍະ ແລະ ເຮັດແນວໃດໃຫ້ລາຄາສິນຄ້າໃນທ້ອງຕະຫຼາດເໜັງຕີງໜ້ອຍລົງ.

error: Content is protected !!