ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2

ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2 - 750x422 828144 1551247755 - ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2
ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2 - Untitled design - ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2

      ​ໂຄສົກ​ຂອງ​ສະຫະ​ປະຊາ​ຊາດ (UN) ​ເປີດ​ເຜີຍ​ວ່າ: UN ສະ​ແດງ​ຄວາມ​ຍິນ​ດີ​ຕໍ່​ກອງ​ປະຊຸມ​ສຸດ​ຍອດ​ທີ່​ຈະ​ເກີດ​ຂຶ້ນລະຫວ່າງ ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ແລະ ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ. ສ່ວນ​ຈີນ​ຄາດ​ຫວັງ​ວ່າການ​ພົບ​ປະຄັ້ງນີ້​ຈະ​ປະສົບ​ຜົນສຳ​ເລັດ​ດ້ວຍ​ດີ, ຂະນະ​ທີ່ຣັດ​ເຊຍ​ເບິ່ງ​ວ່າ: ກອງ​ປະຊຸມ​ສຸດ​ຍອດ​ຄັ້ງທີ 2 ຈະ​ຊ່ວຍ​ບັນ​ເທົາ​ຄວາມ​ເຄັ່ງ​ຕຶງ​ໃນ​ພາກພື້ນ.

      ທ່ານ ສະ​ເຕຟານ ດູ​ຈາຣິດ ​ໂຄສົກ​ຂອງ​ເລຂາທິການ UN ຖະ​ແຫລ​ງຕໍ່​ສື່​ມວນ​ຊົນ​ວ່າ: ຮູ​້ສຶກຍິນ​ດີ​ສຳລັບ​ການ​ເຈລະຈາ​ລະຫວ່າງ ຜູ້ນຳ​ອາ​ເມ​ລິ​ກາ ​ແລະ ສປປ ​ເກົາຫລີ.

       ທັງ​ນີ້, ປະທານາທິບໍດີ ທຣຳ ​ແລະ ທ່ານ ກິມ ຈ໋ອງອຸນ ມີ​ກຳນົດ​ຈະ​ພົບ​ກັນ​ຢູ່​ນະຄອນຫລວງ​ຮ່າ​ໂນ້ຍ ສສ ຫວຽດນາມ ສຳລັບ​ກອງ​ປະຊຸມ​ສຸດ​ຍອດ​ຄັ້ງທີ 2 ​ໂດຍ​ຄາດ​ວ່າ​ທັງ​ສອງ​ຈະ​ພົບ​ກັນ​ຄັ້ງທຳ​ອິດ​ໃນ​ຄືນ​ວັນ​ທີ 27 ກຸມພາ ​ແລະ ຮ່ວມ​ຮັບ​ປະທານ​ອາຫານ​ຄໍ່າ​ນຳ​ກັນ, ຈາກ​ນັ້ນຈະ​ມີ​ການ​ອະພິປາຍ​ໃນ​ວັນ​ທີ 28 ກຸມພາ ພ້ອມ​ຕົວ​ແທນ​ຂອງ​ແຕ່ລະ​ຝ່າຍ.

       ຂະນະ​ທີ່​ສຳນັກ​ຂ່າວ​ຊິ​ນຮົວລາຍ​ງານ​ວ່າ: ບັນຫາ​ສຳຄັນ​ຄັ້ງນີ້​ໄດ້​ແກ່ ​ແຜນການ​ປົດ​ອາວຸດ​ນິວ​ເຄຼຍ, ການ​ຫລຸດຜ່ອນ​ມາດ​ຕະການ​ຂວ້ຳບາດ​ຂອງ ສປປ ​ເກົາຫລີ ​ແລະ ການ​ປະກາດ​ຢຸດ​ສົງຄາມ​ຢູ່​ແຫລມ​ເກົາຫລີ.

ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2 - Wave100S AD to Website 2020 0 - ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2

      ສ່ວນ​ລັດຖະບານຣັດ​ເຊຍ ຂານ​ຮັບ​ການ​ຈັດ​ກອງ​ປະຊຸມ​ສຸດ​ຍອດ​ຄັ້ງນີ້ ​ແລະ ​ເບິ່ງ​ວ່າ​ກອງ​ປະຊຸມ​ສຸດ​ຍອດ​ຄັ້ງນີ້​ຈະ​ຊ່ວຍ​ບັນ​ເທົາ​ຄວາມ​ເຄັ່ງ​ຕຶງ​ໃນ​ພາກພື້ນ ​ແລະ ຫລຸດຜ່ອນ​ຄວາມ​ກັງວົນ​ເລື່ອງ​ອາວຸດ​ນິວ​ເຄຼຍ​ຢູ່​ແຫລມ​ເກົາ​ຫລີ.

ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2 - WhatsApp Image 2020 05 27 at 5 - ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2
ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2 - WhatsApp Image 2020 05 27 at 5 - ບັນດາປະເທດຍິນດີ ທ່ານ ທຣຳ-ທ່ານ ກິມ ພົບປະຮອບ 2
error: Alert: ເນື້ອຫາຂ່າວມີລິຂະສິດ !!