ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້

ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້ - advert banner 728 90 728x90 - ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້

      ສະກາ​ຍສະປອດ ສື່​ກິລາ​ຂອງ​ອັງກິດ ລາຍ​ງານ​ກ່ຽວ​ກັບສະຖານະ​ການ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ​ໂດຍ​ບອກ​ວ່າ: ໜ້າ​ຮ້ອນ​ນີ້​ອາດ​ຈະ​ມີ​ນັກ​ເຕະ​ຍ່າງ​ອອກ​ຈາກ​ທີ​ມ​ເຖິງ 6 ຄົນ ​ເຊິ່ງຈະ​ຖື​ເປັນ​ການ​ໂລະ​ນັກ​ເຕະ​ຄັ້ງ​ໃຫຍ່​ທີ່​ສຸດ​ຂອງ​ທີ​ມ ນັບ​ແຕ່​ຊ່ວງ​ໜ້າ​ຮ້ອນ ປີ 2015.

ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້ - new3 - ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້

      ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ​ເວທີ ພຣີ​ເມຍ​ລີກ ອັງກິດ ອາດ​ຈະ​ເສຍ​ນັກ​ເຕະ​ໃນ​ທີ​ມຊຸດ​ໃຫຍ່​ເຖິງ 6 ຄົນ​ໃນ​ຊ່ວງ​ໜ້າ​ຮ້ອນ​ນີ້ ປະກອບ​ມີ: ອັນ​ເດ ​ເອ​ເຣຣາ, ຂວນ ມາ​ຕ້າ, ອາ​ເລັກ​ຊິ​ສ ຊານ​ເຊຊ, ອັນ​ໂຕ​ນິ​ໂອ ວາ​ເລນ​ເຊຍ, ມາກ​ອສ ​ໂຣ​ໂຮ ​ແລະ ມັດ​ເຕ​ໂອ ດາ​ມຽນ.

      ສ່ວນ ​ເອ​ເຣຣາ ​ເຖິງ​ວ່າ​ຈະ​ເປັນ​ກຳລັງ​ສຳຄັນ​ຂອງ​ທີ​ມ​ໃນ​ຕອນ​ນີ້ ​ແຕ່ ​​ແມນ​​ເຊັສ​ເຕີ ຢູ​ໄນ​ເຕັດ ຍັງບໍ່​ສາມາດ​ບັນລຸ​ຂໍ້​ຕົກລົງ​ເລື່ອງ​ຕໍ່​ສັນຍາ​ກັບ​ລາວ​ໄດ້​ເທື່ອ ທັງ​ທີ່​ລາວ​ຈະ​ໝົດ​ສັນຍາ​ໃນ​ຊ່ວງ​ໜ້າ​ຮ້ອນ​ນີ້​ແລ້ວ, ຈົນ​ຫລ້າ​ສຸດ​ລື​ກັນ​ວ່າ ລາວ​ບັນລຸ​ເງື່ອນ​ໄຂ​ກັບ ປາຣີ ​ແຊງ​ແຊກ​ແມງ ​ໄດ້​ເປັນ​ທີ່​ຮຽບຮ້ອຍ​ແລ້ວ. ຂະນະ​ທີ່ ມາ​ຕ້າ ວ່າ​ກັນ​ວ່າ​ກຳລັງ​ຢູ່​ລະຫວ່າງ​ການ​ເຈລະຈາ​ເພື່ອ​ຍ້າຍ​ໄປ​ຢູ່​ກັບ ບາ​ເຊ​ໂລ​ນາ ​ໂດຍ​ລາວ​ກໍ​ເປັນ​ອີກ​ຄົນ​ໜຶ່ງ​ທີ່​ຈະ​ໝົດ​ສັນຍາ​ກັບ​ທີ​ມຫລັງ​ຈົບ​ລະດູ​ການ​ນີ້.

      ຂະນະ​ທີ່ ຊານ​ເຊ​ຊ ຍັງ​ບໍ່​ສາມາດ​ໂຊ​ຟອມ​ເກັ່ງ​ໃຫ້​ທີ​ມ​ແບບ​ຕໍ່​ເນື່ອງ ນັບ​ແຕ່​ຍ້າຍ​ມາ​ຈາກ​ ອາ​ເຊ​ນອລ ​ໃນ​ເດືອນ​ມັງກອນ 2018 ​ໂດຍ​ເຊື່ອ​ກັນ​ວ່າ ​ໂອ​ເລ່ ກຸນ​ນາ ​ໂຊ​ລຊາ ຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ຄື​ຄົນທີ​່ມີ​ອຳນາດ​ຕັດສິນ​ໃຈຂັ້ນ​ເດັດຂາດ​ວ່າ​ດາວ​ເຕະ​ຊາວ​ຊິ​ລີ​ຈະ​ຍັງ​ໄດ້​ຢູ່​ກັບ​ທີ​ມຕໍ່​ໄປ ຫລື ບໍ່ ​ເຊິ່ງການ​ທີ່ ຊານ​ເຊຊ ຕັ້ງຄ່າ​ເມື່ອຍ​ຈຳນວນ​ຫລາຍ​ໃນ​ຕອນ​ນີ້​​ອາດ​ເຮັດ​ໃຫ້​ເປັນ​ອຸປະສັກ​ສຳລັບ​ທີ​ມອື່ນ​ທີ່​ຕ້ອງການ​ລາວ​ໄປ​ຮ່ວມ​ທັບ.

ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້ - lattana 1 - ແມນຢູ ອາດຈະເສຍ 6 ນັກເຕະຈາກທີມໜ້າຮ້ອນນີ້

       ສ່ວນ ວາ​ເລນ​ເຊຍ ​ເຊິ່ງ​ເປັນ​ອີກ 1 ນັກ​ເຕະ​ທີ່​ຈະ​ໝົດ​ສັນຍາ​ກັບ​ທີ​ມ​ໃນ​ໜ້າ​ຮ້ອນ​ນີ້ ອາດ​ຈະ​ຕ້ອງ​ບອກ​ລາ​ທີ​ມ​ເຊັ່ນ​ກັນ ຫລັງ​ຈາກ ​ແມນ​ເຊັສ​ເຕີ ຢູ​ໄນ​ເຕັດ ​ບໍ່​ໃຊ້​ອັອບຊັນ​ຂະຫຍາຍ​ສັນຍາ​ຂອງ​ລາວ, ສ່ວນ ​ໂຣ​ໂຮ​ ກັບ ດາ​ມຽນ ອາດ​ໝົດ​ອະນາຄົດ​ກັບ​ທີ​ມ ຫລັງ​ຈາກ​ບໍ່​ຄ່ອຍ​ໄດ້​ລົງ​ຫລິ້ນຫລາຍ​ເທົ່າ​ໃດ ​ໂດຍ ​ໂຣ​ໂຮ ມີ​ອາການ​ບາດ​ເຈັບ​ຢ່າງ​ຕໍ່​ເນື່ອງ​ນຳ​ອີກ.

      ຖ້າ ​ແມນ​ເຊັສ​ເຕີ ຢູ​ໄນ​ເຕັດ ຕ້ອງ​ເສຍ​ທັງ 6 ຄົນ​ນັ້ນ​ໄປ​​ແທ້ໆ ຈະ​ເປັນຄັ້ງທຳ​ອິດ​ນັບ​ແຕ່​ປີ 2015 ທີ່ ​ແມນ​ເຊັສ​ເຕີ ຢູ​ໄນ​ເຕັດ ມີ​ການ​ໂລະ​ນັກ​ເຕະ​ຂະໜາດ​ໃຫຍ່ ​ໂດຍ​ໃນ​ຕອນ​ນັ້ນ ​ແມນ​​ເຊັສ​ເຕີ ຢູ​ໄນ​ເຕັດ ຍຸກ​ຂອງ ຫລຸຍ ຟານ ກັລ ກໍ​ປ່ອຍ​ນັກ​ເຕະ​ອອກ​ໄປ 6 ຄົນ​ເຊັ່ນ​ກັນ​ຄື: ອັງ​ເຄລ ດິ ​ເມ​ເຣຍ, ​ໂຣບິນ ຟານ ​ເພີ​ຊີ ​ແລະ ຮ​າ​ເວ​ຍ ​ເອນານ​ເດຊ ​ເປັນຕົ້ນ.

error: Content is protected !!