ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ

ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ - advert banner 728 90 728x90 - ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ

ໂດຍ: ທ່ຽງທຳ

ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ - new3 - ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ

ສະບາຍດີ, ເພື່ອນ ຜູ້ອ່ານ ທີ່ຮັກແພງ, ຫລາຍທ່ານຄົງ ຈະຮູ້ດີສະພາບນ້ຳຖ້ວມຢູ່ບັນດາແຂວງພາກກາງ ແລະ ພາກໃຕ້ເມື່ອທ້າຍອາທິດຜ່ານມາ, ອັນເນື່ອງມາຈາກພາຍຸ ລະດູ ຮ້ອນໂພດູ ແລະ ດີເປຣຊັນ, ສົ່ງຜົນໃຫ້ຊີວິດ, ຊັບສິນ, ເຮືອນຊານບ້ານຊ່ອງ, ໄຮ່ນາຮົ້ວສວນ, ພື້ນຖານໂຄງລ່າງ ການຄົມມະນາຄົມຂົນສົ່ງ, ລະບົບໄຟຟ້າ, ນ້ຳປະປາ ແລະ ຊົນລະປະທານຫລາຍໆ ແຫ່ງໄດ້ຮັບຄວາມເສຍຫາຍ, ຫລາຍບ້ານຫລາຍເມືອງຕ້ອງໄດ້ຍົກຍາຍໄປຢູ່ບ່ອນ ພັກ ຊົ່ວຄາວ, ເຊິ່ງເຂົາເຈົ້າມີຄວາມຕ້ອງການເຄື່ອງບໍລິ ໂພກ ແລະ ອຸປະໂພກຕ່າງໆ. ໂດຍສະເພາະແມ່ນອາຫານ ການກິນ, ນ້ຳດື່ມ ແລະ ຢາປົວ ພະຍາດທີ່ຈຳເປັນຄື: ສະເພາະ ຢູ່ແຂວງຈຳປາສັກ, ຕາມການລາຍງານຂອງຄະນະກຳມະການຄວບຄຸມ ແລະ ປ້ອງກັນ ໄພພິບັດຂັ້ນແຂວງໃຫ້ຮູ້ວ່າ: ເມືອງຈຳປາສັກມີ 34 ບ້ານຫລາຍກວ່າ 5.000 ຄອບຄົວ ລວມມີພົນລະເມືອງທັງໝົດ 21.100 ກວ່າຄົນຕ້ອງໄດ້ຍົກ ຍາຍໄປຢູ່ບ່ອນປອດໄພ.

+ ເມືອງຊະນະສົມບູນ ມີ 34 ບ້ານ, 8.400 ກວ່າຄອບ ຄົວ, ມີຈຳນວນພົນທັງໝົດ 36.300 ກວ່າຄົນ, ໃນນັ້ນ ຕ້ອງໄດ້ຍົກຍ້າຍອອກຈາກ ເຂດນ້ຳຖ້ວມໜັກເກືອບ 2.000 ຄົນໄດ້ຮັບຜົນກະທົບ.

+ ເມືອງໂພນທອງ ມີ 34 ບ້ານ ແລະ 2.200 ກວ່າຄອບ ຄົວມີ 10.600 ກວ່າຄົນໃນ ນັ້ນມີ 3.300 ກວ່າຄົນຕ້ອງ ໄດ້ຍົກຍ້າຍໄປຢູ່ເຂດປອດໄພ.

+ ເມືອງປາກຊ່ອງມີ 29 ບ້ານ, 400 ກວ່າຄອບຄົວ, ມີຈຳນວນພົນຫລາຍກວ່າ 1.200 ຄົນ.

+ ເມືອງປະທຸມພອນມີ 58 ບ້ານ, 4500 ກວ່າ ຄອບຄົວ, ມີຈຳນວນພົນ ທັງ ໝົດຫລາຍກວ່າ 31.000 ຄົນໄດ້ຮັບຜົນກະທົບ.

+ ເມືອງສຸຂຸມາ ມີ 28 ບ້ານ, 1.800 ກວ່າຄອບຄົວ, ມີຈຳນວນພົນຫລາຍກວ່າ 10.000 ຄົນ, ໃນນັ້ນມີ 10 ບ້ານ, 147 ຄອບຄົວ ຕ້ອງໄດ້ຍົກຍ້າຍໄປຢູ່ບ່ອນ ປອດໄພ.

ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ - lattana 1 - ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ

+ ເມືອງມູນລະປະ    ໂພກມີ 21 ບ້ານ, 2.300 ກວ່າ ຫລັງຄາເຮືອນ ແລະ 14.000 ກວ່າຄົວ, ໃນນັ້ນມີ 10 ບ້ານ, 10.000 ກວ່າຄົວ ຕ້ອງໄດ້ຍົກຍ້າຍອອກໄປຢູ່ ບ່ອນປອດໄພ.

ຄະນະກຳມະການຄຸ້ມ ຄອງໄພພິບັດຂັ້ນແຂວງຍັງ ໃຫ້ຮູ້ວ່າ: ສະຫລຸບ ແລ້ວໃນ ທົ່ວແຂວງຈຳປາສັກມີຫລາຍກວ່າ 37.100 ຄອບຄົວ ແລະ 167.700 ກວ່າຄົນທີ່ໄດ້ຮັບ ຜົນກະທົບໜັກຈາກໄພທຳມະຊາດຄັ້ງນີ້ ແລະ ປັດຈຸບັນ ເຂົາເຈົ້າມີຄວາມຕ້ອງການ ເຂົ້າ ກິນຫລາຍກວ່າ 2.000 ໂຕນເພື່ອຮອງຮັບໃນໄລຍະ ພຽງ 1 ເດືອນເທົ່ານັ້ນ.

ແຕ່ເພື່ອຕອບສະໜອງ ຄວາມຕ້ອງການດັ່ງກ່າວ,    ສິ່ງຫລີກລຽງບໍ່ໄດ້ກໍອາດ ແມ່ນການຊ່ວຍເຫລືອ ຂອງ ສັງຄົມ, ຫົວໜ່ວຍທຸລະກິດ  ແລະ ຫ້າງຮ້ານຕ່າງໆ ຈະຕ້ອງໄດ້ເປັນເຈົ້າການຊ່ວຍ ເຫລືອຜູ້ປະສົບໄພດັ່ງກ່າວ ໃຫ້ສາມາດຜ່ານພົ້ນວິກິດການນີ້ໄປໄດ້ໂດຍໄວ້./.

ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ - 44747 - ຜູ້ປະສົບໄພຢູ່ແຂວງຈຳປາສັກ ຕ້ອງການເຂົ້າກິນເດືອນລະຫລາຍພັນໂຕນ

error: Content is protected !!