ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ

- advert banner 728 90 728x90 - ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ
- 96281523  96280621 gm ctv 02 003 - ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ
ພາບການທົດລອງລະບົບ GMD ຈາກຖານທັບອາກາດແວນເດນເບິກ ໃນປີ 2016

 

- new3 - ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ

ສຳນັກງານ​ປ້ອງ​ກັນ​ລູກ​ສອນ​ໄຟ (MDA) ຂອງ​ອາ​ເມ​ລິ​ກາ ຖະ​ແຫລ​ງວ່າ​ປະສົບ​ຜົນສຳ​ເລັດ​ໃນ​ການ​ທົດ​ລອງ​ໃຊ້​ລະບົບ​ປ້ອງ​ກັນ​ລູກ​ສອນ​ໄຟ​ຈາກ​ພາກພື້ນດິນ (GMD) ​ກວດ​ຈັບ ​ແລະ ທຳລາຍ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ.

ການ​ທົດ​ລອງ​ດັ່ງກ່າວ ​ເປັນ​ການ​ຍິງ​ທົດ​ລອງ​ຢ່າງ​ຮີບ​ດ່ວນ​ໃນ​ສະຖານະ​ການ​ຈຳລອງ​ເທື່ອ​ທຳ​ອິດ​ຂອງ​ລະບົບ​ປ້ອງ​ກັນ​ລູກ​ສອນ​ໄຟ GMD ​ໂດຍ​ລະບົບ​ດັ່ງກ່າວ​ເຊິ່ງຕັ້ງຢູ່​ຖານ​ທັບ​ອາກາດ​ແວນ​ເດນ​ເບິ​ກ ​ໃນ​ລັດ​ກາ​ລິ​ຟໍ​ເນຍ ສາມາດ​ຍິງ​ທຳລາຍ​ລູກ​ສອນ​ໄຟ​ຈຳລອງ​ທີ່​ຍິງ​ມາ​ຈາກ​ເກາະ​ມາຣ​​ແຊ​ລ ​ໃນ​ມະຫາ​ສະໝຸດ​ປາຊີ​ຟິກ​ໄດ້ ​ໂດຍ​ເຂົ້າສະ ກັດ ​ແລະ ​ເຮັດ​ໃຫ້​ລູກ​ສອນ​ໄຟ​ຈຳລອງ​ເກີດ​ລະ​ເບີດ​ຂຶ້ນ​ເໜືອ​ທະ​​ເລ.

ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ ​ແຈ້ງວ່າ: ​ໄດ້​ວາງ​ແຜນ​ທົດ​ລອງ​ລະບົບ​ປ້ອງ​ກັນ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ (ICBM) ໄວ້ກ່ອນໜ້ານີ້ເປັນເວລາດົນແລ້ວ, ແຕ່ການທົດລອງມີຂຶ້ນເໝາະກັບ ສປປ ເກົາຫລີ ຍິງລູກ ສອນໄຟສະກັດລົງທະເລຍີ່ປຸ່ນໃນສອງວັນກ່ອນ ເຊິ່ງຖືເປັນການຍິງທົດລອງລູກສອນໄຟທີ່ຝ່າຝືນມະຕິສະຫະປະ ຊາດຊາດເປັນຄັ້ງທີ 9 ແລ້ວໃນປີນີ້.

 

+ ອາເມລິກາເລັ່ງຍົກເລີກສາຍການບິນ ສປປ ເກົາຫລີ ກົດດັນໂຄງການນິວເຄຼຍ

+ ສປປ ເກົາຫລີ ຍິງລູກສອນໄຟສະກັດ ຕົກໃນນ່ານນ້ຳຍີ່ປຸ່ນ

- lattana 1 - ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ

+ ອາເມລິກາ-ສ.ເກົາຫລີ ເຕືອນຈະໃຊ້ແຜນຕອບໂຕ້ທັນທີ ຖ້າ ສປປ ເກົາຫລີ ທ້າທາຍອີກ

ພົນເຮືອໂທ ຈິມ ໄຊຣິງ ຜູ້ອຳນວຍການສຳນັກງານປ້ອງກັນລູກສອນໄຟຂອງອາເມລິກາ ລະບຸວ່າ: ຜົນສຳເລັດ ໃນການທົດລອງດັ່ງກ່າວຖືເປັນບາດກ້າວສຳຄັນ.

ໃນວັນທີ 30 ພຶດສະພານີ້, ອາເມລິກາ ລວມທັງຍີ່ປຸ່ນ ແລະ ສ.ເກົາຫລີ ໄດ້ຖະແຫລງປະນາມການທົດລອງລູກ ສອນໄຟຂອງ ສປປ ເກົາຫລີ ເທື່ອຫລ້າສຸດ ເຊິ່ງຕົກລົງໃນນ່ານນ້ຳເຂດເສດຖະກິດຈຳເພາະຂອງຍີ່ປຸ່ນ ໂດຍປະທາ ນາທິ ບໍດີ ໂດນັນ ທຣຳ ຂອງອາເມລິກາ ລົງຂໍ້ຄວາມທາງທະວິດເຕີວ່າ: ສປປ ເກົາຫລີ ໄດ້ສະແດງການຫລົບຫລູ່ ປະເທດໃກ້ ຄຽງ.

- x7t2n9r5 - ອາເມລິກາທົດລອງລະບົບປ້ອງກັນລູກສອນໄຟຂ້າມທະວີບ
ສປປ ເກົາຫລີ ຍິງລູກສອນໄຟຕົກນ່ານນ້ຳຍີ່ປຸ່ນ

ກ່ອນໜ້ານີ້, ຜູ້ຊ່ຽວຊານຂອງ ສ.ເກົາຫລີ ລະບຸວ່າ: ການຍິງລູກສອນໄຟສະກັດຂອງ ສປປ ເກົາຫລີ ອາດເປັນ ການທົດສອບປະສິດທິພາບຂອງເຄື່ອງຈັກຫລັກໃນຈະຫລວດນຳສົ່ງລູກສອນໄຟຂັ້ນທຳອິດ ເຊິ່ງຈະນຳໄປໃຊ້ກັບ ລູກສອນໄຟໄລຍະໄກຂ້າມທະວີບໄດ້.

ທັງນີ້, ສປປ ເກົາຫລີ ເຄີຍຍິງທົດລອງລູກສອນໄຟສະກັດມາແລ້ວເທື່ອໜຶ່ງ ໃນເດືອນເມສາຜ່ານມາ, ສ່ວນ ການຍິງທົດລອງລູກສອນໄຟສອງຄັ້ງກ່ອນໜ້ານີ້ ເປັນການທົດລອງລູກສອນໄຟໄລຍະກາງ ແລະ ໃກ້ ເຊິ່ງທ່ານ ກິມ ຈົງ ອິນ ຜູ້ນຳສູງສຸດຂອງ ສປປ ເກົາຫລີ ໄປເຂົ້າຊົມການທົດລອງດັ່ງກ່າວ ແລະ ຊີ້ວ່າເປັນຄວາມກ້າວໜ້າ ຂອງປະເທດໃນການພັດທະນາອາວຸດທີ່ສາມາດໂຈມຕີອາເມລິກາໄດ້.

error: Content is protected !!