ອົງການກາແດງລາວໄດ້ຊ່ວຍເຫຼືອປະຊາຊົນ 13 ພັນກວ່າຄົນທີ່ປະສົບໄພນ້ຳຖ້ວມ 6 ແຂວງພາກກາງ ແລະ ພາກໃຕ້
ຫົວໜ້າກອງຊ່ວຍເຫຼືອບັນເທົາທຸກອົງການກາແດງລາວ ໄດ້ລາຍງານກ່ຽວກັບການເຄື່ອນໄຫວ ແລະ ຊ່ວຍປະຊາຊົນ 6 ແຂວງພາກໃຕ້ ແລະ ພາກກາງທີ່ປະສົບໄພນ້ຳຖ້ວມໃນໄລຍະຜ່ານມາວ່າ: ພາຍຫຼັງ ເກີດນ້ຳນອງໄຫລຖ້ວມເຮືອນຊານບ້ານຊ່ອງໃນ 6 ແຂວງໃນຕົ້ນເດືອນກັນຍາຜ່ານມາເຊັ່ນ: ຄຳມ່ວນ,ສະຫວັນ,ສາລະວັນ,ຈຳປາສັກເຊກອງແລະອັດຕະປື ,ມີ 44ຕົວເມືອງ, 1.525 ບ້ານ , 153.799 ຄອບຄົວ 764.936 ຄົນທີໄດ້ຜົນກະທົບຢ່າງໜັກ .
ດັ່ງນັ້ນ ອົງການກາແດງລາວ ແຕ່ງຕັ້ງຄະນະຮັບຜິດຊອບ, ປະຕິບັດຕາມພາລະບົດບາດການຊ່ວຍເຫຼືອສຸກເສີນໃຫ້ແກ່ຜູ້ປະສົບໄພ, ໄດ້ແຕ່ງຕັ້ງຫນ່ວຍກູ້ໄພ 2 ຈຸດລົງໄປຊ່ວຍເຫຼືອຍົກຍ້າຍປະຊາຊົນຈາກບ່ອນທີ່ມີຄວາມສ່ຽງໄປຢູ່ເຂດທີ່ປອດໄພ, ໄດ້ຕິດຕັ້ງເຄື່ອງກອງນ້ຳສະອາດ ເອພີ 700 ທີ່ຂາດເຂີນນໍ້າດື່ມນໍ້າໃຊ້ໃນ 6 ເມືອງ, 14 , 1,589 ຄອບຄົວ, 6923 ຄົນ ໄດ້ຊ່ວຍເຫຼືອ ເຂົ້າ , ອາຫານແຫ້ງ, ເຄື່ອງຮັບໃຊ້ປະຈຳວັນ ແລະ ນ້ຳດື່ມ ໃນ 6 ແຂວງ 15 ເມືອງ 30 ບ້ານ 3,298 ຄອບຄົວ 16,695 ຄົນ . ເປັນມູນຄ່າ 1 ຕື້ກວ່າກີບ ແລະ ມີ 6 ບໍລິສັດທີ່ປະກອບສ່ວນນຳເອົາເງິນ ແລະ ວັດຖຸສິ່ງຂອງເຂົ້າໃນການຊ່ວຍນ້ຳຖ້ວມ 6 ແຂວງພາກກາງ ແລະ ພາກໃຕ້ໃນຄັ້ງນີ້ເຊັ່ນ: ບໍລິສັດພູເດັນໂຊປະກັນໄພ, ບໍລິສັດລົງທຶນພັດທະນາລາວ, ບໍລິສັດກໍ່ສ້າງລົງທຶນຖືຮຸ້ນຢູນານ, ບໍລິສັດຄອນຊັບ ແລະ ບໍລິສັດຊາວອິດເອເຊຍທາວເວີ.
