ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ

- 1496738855985 960x0 - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ
- Untitled design - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ

- 96371101 9fa68f37 18ca 49ea ab74 ef6b590e76d7 - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ

ລອນ​ດອນ 6 ມິຖຸນາ: ຄວາມ​ໝັ້ນຄົງ​ປອດ​ໄພ​ໃນ​ລັດຖະບານ​ນາຍົກລັດຖະມົນຕີ ນາງ ​ເທ​ເຣຊາ ​ເມ ຖື​ເປັນ​ບັນຫາ​ສຳຄັນ​ໃນ​ການ​ເລືອກ​ຕັ້ງທົ່ວ​ໄປ​ຢູ່​ອັງກິດ​ໃນ​ວັນ​ທີ 8 ມິຖຸນາ​ນີ້, ພາຍຫລັງ​ເຫດ​ຄົນ​ຮ້າຍ​ໃຊ້​ລົດ​ຕູ້​ແລ່ນ​ຕຳຄົນ​ຍ່າງ ​ແລະ ຖື​ມີດ​ໄລ່​ແທງ​ຝູງ​ຊົນ ​ເສຍ​ຊີວິດ 7 ຄົນ​ຢູ່​ໃຈກາງ​ນະຄອນຫລວງ​ລອນ​ດອນ ​ໃນ​ວັນ​ທີ 3 ມິຖຸນາ.

ຕຳຫລວດ​ລະບຸ​ຊື່​ສອງ​ໃນ​ສາມ​ຂອງ​ກຸ່ມ​ຄົນ​ຮ້າຍ​ທີ່​ກໍ່​ເຫດ​ໄດ້ ​ເຊິ່ງໜຶ່ງ​ໃນ​ນັ້ນ​ເປັນ​ເປົ້າໝາຍ​ຂອງ​ໜ່ວຍ​ຄວາມ​ໝັ້ນຄົງ​ແລ້ວ ​ເຮັດ​ໃຫ້​ລັດຖະບານ​ພັກ​ອະນຸລັກ​ນິຍົມ​ຂອງ​ນາຍົກລັດຖະມົນຕີ ​ເມ ຜະ​ເຊີນ​ຄຳ​ຖາມ​ດ້ານ​ການ​ຮັກສາ​ຄວາມ​ໝັ້ນຄົງ​ປອດ​ໄພ ຈາກ​ກໍລະນີ​ທີ່ທ່ານ​ຫລຸດ​ງົບປະມານ​ຕຳຫລວດ ​ເຮັດ​ໃຫ້​ກຳລັງ​ພົນ​ຂອງ​ຕຳຫລວດ​ຫລຸດ​ລົງ. ສູນ​ວິ​ໄຈ​ເຊີ​ເວ​ຊັນ​ລາຍ​ງານ​ຜົນສຳ​ຫລວດ​ທາງ​ສະຖານີ​ໂທລະພາບ​ໄອ​ທີ​ວີ​ຫລັງ​ສຸດ​ວ່າ: ພັກ​ອະນຸລັກ​ນິຍົມ​ມີ​ຄະ​ແນນ​ນຳ​ຫລຸດ​ລົງ​ມາ​ເຫລືອ​ພຽງ 1 ຈຸດ​ຈາກ 6 ຈຸດ​ໃນ​ການ​ສຳ​ຫລວດ​ດຽວ​ກັນ​ອາທິດ​ກ່ອນ. ຕຳຫລວດ​ເປີດ​ເຜີຍ​ໃນ​ວັນ​ທີ 5 ມິຖຸນາ​ວ່າ: ໜຶ່ງ​ໃນ​ຜູ້​ກໍ່​ເຫດ​ຄື​ທ້າວ ຄູ​ຣາມ ບັດ ອາຍຸ 27 ປີ ຊາວ​ອັງກິດ​ທີ່​ເກີດ​ຢູ່​ປາ​ກິດ​ສະຖານ, ລາວ​ເປັນ​ເປົ້າໝາຍ​ເຝົ້າຕິດຕາມ​ຂອງ​ຕຳຫລວດ ​ແລະ ໜ່ວຍ​ຂ່າວ​ເອັມ​ໄອ 5 ​ແລ້ວ, ​ແຕ່​ຍັງ​ບໍ່​ສາມາດ​ສະກັດ​ກັ້ນ​ເຫດ​ຮ້າຍ​ຢູ່​ນະຄອນຫລວງ​ລອນ​ດອນ​ໃນ​ວັນ​ທີ 3 ມິຖຸນາ ທີ່​ມີ​ຜູ້​ເສຍ​ຊີວິດ 7 ຄົນ ​ແລະ ບາດ​ເຈັບ 50 ຄົນ ​ໃນ​ກຸ່ມ​ຜູ້​ເສຍ​ຊີວິດ​ເປັນ​ຊາວ​ກາ​ນາ​ດາ, ຝຣັ່ງ ​ແລະ ອັງກິດ, ສ່ວນ​ຜູ້​ບາ​ດ​ເຈັບ​ມີ​ຊາວ​ຝຣັ່ງ, ​ແອັສປາຍ, ອົດ​ສະຕຣາລີ ​ແລະ ນູ​ແວນ​ເຊ​ລັງ​ລວມຢູ່​ນຳ. ນາຍົກລັດຖະມົນຕີ ​ເມ ​ເອີ້ນ​​ເຫດການ​ດັ່ງກ່າວ​ວ່າ: ​ເປັນ​ການ​ກໍ່​ການ​ຮ້າຍ​ໂຈມ​ຕີ​ໂລກ​ເສລີ.

- Wave100S AD to Website 2020 0 - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ
- WhatsApp Image 2020 05 27 at 5 - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ
- WhatsApp Image 2020 05 27 at 5 - ຄວາມໝັ້ນຄົງເປັນບັນຫາສຳຄັນໃນການເລືອກຕັ້ງອັງກິດ
error: Alert: ເນື້ອຫາຂ່າວມີລິຂະສິດ !!