ອົງການອະນາໄມໂລກຮຽກຮ້ອງກຸ່ມ ຈີ20 ສະໜັບສະໜູນຕ້ານໂຄວິດ-19
ແຫລງຂ່າວ ຊິນຮວາ ຂອງຈີນ ລາຍງານວ່າ: ທ່ານ ທີໂດຣສ ອັດຮານອມ ກີບຣີເຢຊຸສ ຜູ້ອຳນວຍການໃຫຍ່ ອົງການ ອະນາໄມໂລກ ຫລື WHO ຮຽກຮ້ອງໃຫ້ ປະເທດຕ່າງໆ ຂອງ ກຸ່ມ ຈີ20 ປະຕິບັດຕາມ ຫລັກວິທະຍາສາດ ແລະ ໃຫ້ການ ສະໜັບ ສະໜູນ ການຕໍ່ສູ້ກັບ ໂຄວິດ-19 ຕໍ່ໄປ.
ໃນວັນດຽວກັນນັ້ນ ທ່ານ ທີໂດຣສ ອັດຮາ ນອມ ກີບຣີເຢຊຸສ ຈັດກອງປະຊຸມ ທາງໄກ ກັບ ລັດຖະມົນຕີ ກະຊວງສາທາ ລະນະສຸກ ຂອງ ກຸ່ມ ຈີ20 ໂດຍສະແດງຄວາມຂອບໃຈ ອາຣັບບີ ຊາອຸດິດ ປະທານ ໝູນວຽນ ຂອງ ກຸ່ມ ຈີ 20 ທີ່ ບໍລິຈາກເງິນ ຈຳນວນ 500 ລ້ານໂດລາ ສະຫະລັດ ເພື່ອຕໍ່ສູ້ ກັບ ເຊື້ອໄວຣັດ ແລະ ຂອບໃຈ ຜູ້ນຳກຸ່ມຈີ 20 ທີ່ໃຫ້ຄຳໝັ້ນ ສັນຍາ ໃນການ ມອບສິດທິ ໃຫ້ແກ່ ອົງການອະນາໄມໂລກ ໃນການ ປະສານງານ ເພື່ອປ້ອງກັນ ໂຄວິດ-19. ໂດຍເນັ້ນ ວ່າ ມະນຸດ ພວມຜະເຊີນ ກັບ ວິກິດການທາງ ສາທາລະນະສຸກ ທົ່ວໂລກ ຢ່າງທີ່ ບໍ່ເຄີຍມີ ມາກ່ອນ, ພວມຜະເຊີນ ກັບ ໄວຣັດໃໝ່ ແລະ ຜະເຊີນກັບ ພາວະ ການແຜ່ລະບາດ ທີ່ກວ້າງຂວາງ ທີ່ສຸດ ຈາກໂຄວິດ-19, ເຖິງແມ່ນວ່າ ທຸກປະເທດ ຂອງກຸ່ມຈີ 20 ຈະໄດ້ຮັບ ຜົນກະທົບ ແຕ່ກໍ່ຢູ່ໃນ ຂັ້ນຕອນ ຕ່າງກັນ ແລະ ບາງປະເທດ ພວມວາງແຜນ ຈະຫລຸດຜ່ອນ ມາດຕະການ ຄວບຄຸມໄລຍະຫ່າງ ທາງສັງຄົມ.
