ເວົ້າແລ້ວເວົ້າອີກເລື່ອງການຈັດສັນ ຄວາມເປັນລະບຽບຮຽບຮ້ອຍຂອງຕົວເມືອງຫລວງ

- advert banner 728 90 728x90 - ເວົ້າແລ້ວເວົ້າອີກເລື່ອງການຈັດສັນ ຄວາມເປັນລະບຽບຮຽບຮ້ອຍຂອງຕົວເມືອງຫລວງ

- 22 1 - ເວົ້າແລ້ວເວົ້າອີກເລື່ອງການຈັດສັນ ຄວາມເປັນລະບຽບຮຽບຮ້ອຍຂອງຕົວເມືອງຫລວງ

​ເພື່ອນ​ຜູ້​ອ່ານ​ຫລາຍ​ຄົນ​ກໍ​ຈະ​ດີ​ໃຈ ​ເມື່ອ​ໄດ້​ຍິນ​ຂ່າວ​ວ່າ: ອຳນາດ​ການ​ປົກຄອງ ​ແລະ ຂະ​ແໜງ​ການ​ກ່ຽວຂ້ອງ​ຕ່າງໆ​ຂອງ​ນະຄອນ ຫລວງ​ວຽງ​ຈັນ ຈະ​ຮ່ວມ​ກັນ​ແກ້​ໄຂ​ສະພາບ​ຄວາມ​ບໍ່​ເປັນ​ລະບຽບ​ຮ້ອຍ​ຮ້ອຍ​ຈາກ​ການ​ນຳ​ໃຊ້​ແຄມ​ທາງ​ເຂດ​ຕະຫລາດ​ເຊົ້າ ​ເບື້ອງ ເສັ້ນທາງ​ໜອງ​ບອນ ​ແລະ ​ເຂດ​ຕະຫລາດ​ຂົວ​ດິນ ​ເບື້ອງຄິວ​ລົດ ​ແລະ ​ເຂດ​ທາງ​ຄູ​ວຽງ​ເປັນ​ບ່ອນ​ຂາຍ​ເຄື່ອງ ​ແລະ ຈອດ​ລົດ​ຊະຊາຍ​ໃຫ້​ເດັດຂາດ​ໝົດ​ໄປ ​ແລະ ພາກສ່ວນ​ກ່ຽວຂ້ອງ​ກໍ​ໄດ້​ລະບຸ​ແຈ້ງວ່າ: ຂະ​ບວນການຈັດ​ສັນ​ດັ່ງກ່າວ​ແມ່ນ​ຈະ​ເລີ່​ມປະຕິບັດ​ນັບ​ແຕ່​ວັນ​ທີ 20 ມິຖຸນາ​ນີ້​ເປັນຕົ້ນ​ໄປ ​ເພື່ອ​ຍຸບ​ເລີກ​ການ​ຝາກ​ລົດ, ຈອດ​ລົດ, ​ເລີກ​ຮື້ຮ້ານ​ຂາຍ​ເຄື່ອງ​ຊະຊາຍ ​ແລະ ສິ່ງ​ກີດຂວາງ​ຕ່າງໆ​ອອກ​ຈາກ​ບໍລິ​ເວນ​ທາງ​ດັ່ງກ່າວ ​ແລ້ວ​ປັບປຸງ​ໃຫ້​ມີ​ຄວາມ​ເປັນ​ລະບຽບ​ຮຽບຮ້ອຍ ​ແລະ ງົດ​ງາມ, ​ເຮັດ​ໃຫ້ການ​ຈັດຕັ້ງປະຕິບັດ​ຄຳ​ຂວັນ 6ສ ຂອງ​ນະຄອນຫລວງ​ວຽງ​ຈັນ​ວາງ​ອອກ​ໃຫ້​ປາກົດ​ຜົນ​ເປັນ​ຈິງ ​ໂດຍ​ສະ​ເພາະ​ແມ່ນ ສ.ສະອາດ, ສ.ສະຫງົບ, ສ.ສະ​ເໜ່ ​ແລະ ສ.ສີວິ​ໄລ. ນີ້​ແມ່ນ​ໜ້າຊົມ​ເຊີຍ ​ແລະ ຍົກຍ້ອງ​ຫລາຍ, ​ແຕ່​ຄຽງ​ຄູ່​ກັບ​ບໍລິ​ເວນ​ນີ້​ກໍ​ຍັງ​ມີ​ອີກ​ຫລາຍ​ເສັ້ນທາງ​ທີ່​ຖືກ​ນຳ​ໃຊ້​ເປັນ​ບ່ອນ​ຝາກ​ລົດ​ເກັບ​ເງິນ​ຂອງ​ຄົນ​ບາງ​ກຸ່ມ, ​ເຮັດ​ເປັນ​ບ່ອນ​ຂາຍ​ເຄື່ອງ ​ແລະ ນຳ​ໃຊ້​ເຂົ້າ​ໃນ​ວຽກ​ບໍລິການ​ອື່ນໆ ອັນ​ເປັນສາ​ເຫດ​ຕົ້ນຕໍ​ເຮັດ​ໃຫ້ການ​ສັນຈອນ​ໄປມາ​ໃນ​ເຂດ​ນັ້ນ​ແອ​ອັດ ​ແລະ ມັກ​ກໍ່​ໃຫ້​ເກີດ​ອຸປະຕິ​ເຫດ. ດັ່ງ​ເຂດ​ແຄມ​ທາງ​ຕໍ່ໜ້າ​ຕະຫລາດ​ໂພນ​ຕ້ອງ​ຈອມ​ມະນີ, ​ເຂດ​ຕະຫລາດ​ທາດຫລວງ ​ແລະ ຫລາຍ​ບ່ອນ​ອື່ນໆ​ນັ້ນຈະ​ແກ້​ໄຂ​ແນວ​ໃດ ​ແລະ ​ເມື່ອ​ໃດ​ຈຶ່ງ​ຈະ​ແກ້​ໄຂ. ຖ້າ​ຈະ​ສ້າງ​ໃຫ້​ນະຄອນຫລວງ​ວຽງ​ຈັນ​ມີ​ຄວາມ​ສີວິ​ໄລ​ແທ້, ພາກສ່ວນ​ກ່ຽວຂ້ອງ​ກໍ​ຈະ​ຕ້ອງ​ໄດ້​ເອົາ​ໃຈ​ໃສ່​ທັບ​ມ້າງ​ສິ່ງ​ກີດຂວາງ​ນີ້​ໃຫ້​ໝົດ​ໄປ.

- Tiger Head 728x90 - ເວົ້າແລ້ວເວົ້າອີກເລື່ອງການຈັດສັນ ຄວາມເປັນລະບຽບຮຽບຮ້ອຍຂອງຕົວເມືອງຫລວງ
- 1 1 - ເວົ້າແລ້ວເວົ້າອີກເລື່ອງການຈັດສັນ ຄວາມເປັນລະບຽບຮຽບຮ້ອຍຂອງຕົວເມືອງຫລວງ
error: Content is protected !!