ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ

ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ - 155 - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ
ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ - AGL banner - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ

ສູນຂໍ້ມູນຂ່າວສານທາງດ້ານການຄ້າໃຫ້ຮູ້ວ່າ: ລາວເຮົາ ຈະອອກໃບຮັບຮອງລາຍເຊັນເອເລັກໂຕຣນິກ, ເພື່ອການຄຸ້ມຄອງລາຍເຊັນດັ່ງກ່າວ ຂອງບຸກ ຄົນ, ນິຕິບຸກຄົນ ແລະ ການຈັດຕັ້ງ ໃຫ້ຖືກຕ້ອງຕາມລະບຽບຫລັກການ ແລະ ຖືກຕ້ອງ, ທັນສະໄໝ, ປອດໄພ ແລະ ວ່ອງໄວ ແນ່ໃສ່ປົກປ້ອງສິດຜົນປະໂຫຍດຂອງລັດ, ບຸກຄົນ, ນິຕິບຸກຄົນ ແລະ ການ ຈັດຕັ້ງ,  ຮັບປະກັນຄວາມໝັ້ນຄົງຂອງຊາດ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດມີປະສິດທິຜົນສູງຂຶ້ນ.

ລາຍເຊັນເອເລັກໂຕຣນິກ ແມ່ນຕົວອັກສອນ, ເຄື່ອງໝາຍ, ສັນຍາລັກຕົວເລກ, ສຽງ ຫລື ສິ່ງອື່ນໆທີ່ສ້າງຂຶ້ນໃນຮູບແບບເອເລັກໂຕຣນິກ ທີ່ຕິດກັບຂໍ້ມູນເອເລັກໂຕຣນິກ ເພື່ອບົ່ງບອກ ແລະ ຢັ້ງຢືນ ຕົວຕົນຂອງຜູ້ລົງລາຍເຊັນ ແລະ ຄວາມຖືກຕ້ອງຂອງຂໍ້ມູນດັ່ງກ່າວ. ໃນນັ້ນ, ຜູ້ໃຫ້ບໍລິການອອກໃບ ຮັບຮອງລາຍເຊັນເອເລັກໂຕຣນິກ ມີ 2 ລະດັບ ຄື: ຜູ້ໃຫ້ບໍລິການອອກໃບຮັບຮອງລາຍເຊັນເອເລັກໂຕຣນິກແຫ່ງຊາດ ແລະ ຜູ້ໃຫ້ບໍລິການອອກໃບຮັບຮອງລາຍເຊັນເອເລັກໂຕຣນິກຍ່ອຍ ຄື: ຜູ້ໃຫ້ບໍລິ ການ ທົ່ວໄປ, ຜູ້ໃຫ້ບໍລິການ ພາກລັດ, ຜູ້ໃຫ້ບໍລິການສຳລັບຕ່າງປະເທດ ແລະ ຜູ້ໃຫ້ບໍ ລິການອອກໃບຮັບຮອງລາຍເຊັນເອເລັກໂຕຣນິກສະເພາະ.ຊຶ່ງ ປະກອບມີ: ການຢັ້ງຢືນລາຍເຊັນເອເລັກໂຕຣນິກ, ການຢັ້ງຢືນລະບົບແມ່ຂ່າຍ, ການປະທັບເວລາ ແລະ ບໍລິການອື່ນໆ ຕາມການກໍານົດຂອງກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ. ດັ່ງນັ້ນຕ້ອງຂໍໃບອະນຸຍາດນໍາ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ຂໍໃບ ຮັບຮອງລາຍເຊັນເອເລັກໂຕຣນິກ ນໍາຜູ້ອອກໃບຮັບຮອງລາຍເຊັນເອເລັກໂຕຣນິກແຫ່ງຊາດ ແລະ ຕ້ອງປະກອບເອກະສານ ຄື: ໃບຄໍາຮ້ອງ, ຊີວະປະຫວັດຜູ້ບໍລິຫານ, ຊີວະປະ ຫວັດວິຊາການເຕັກນິກ ແລະ ໃບຢັ້ງຢືນການສຶກສາ, ສໍາເນົາໃບທະບຽນວິສາຫະກິດ ຫລື ໃບຢັ້ງຢືນການສ້າງຕັ້ງ, ໃບຢັ້ງຢືນທີ່ຕັ້ງສໍານັກງານ, ບົດວິພາກເສດຖະກິດ ແລະ ແຜນເຕັກນິກ, ກົດລະບຽບການໃຫ້ບໍລິການ, ໃບຢັ້ງຢືນຖານະການເງິນ ຈາກທະນາຄານ ສປປ ລາວ ແລະ ເອກະສານອື່ນໆ ທີ່ກ່ຽວຂ້ອງ.

ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ - Wave100S AD to Website 2020 0 - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ
ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ -    AD conten website - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ
ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ - lattana banner - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ
ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ - lattana banner 1 - ສປປ ລາວ ຈະອອກໃບຮັບຮອງລາຍເຊັນເອເລັກໂຕຣນິກ
error: Alert: ເນື້ອຫາຂ່າວມີລິຂະສິດ !!