ແຮງງານລາວທີ່ຍັງຄ້າງຢູ່ຕ່າງປະເທດຫລາຍກວ່າ 45.000 ຄົນ

ໃນວັນທີ 17 ສິງຫານີ້, ກົມພັດທະນາສີມືແຮງງານ ແລະ ຈັດຫາງານກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ສຳພາດຕໍ່ນັກຂ່າວໜັງສືພິມລາວພັດທະນາວ່າ: ກ່ອນການລະບາດຂອງເຊື້ອໄວຣັສໂຄວິດ-19 ມີຜູ້ອອກແຮງງານລາວທີ່ເຮັດວຽກຢ່າງຖືກຕ້ອງຕາມກົດໝາຍຢູ່ປະເທດຫລາຍກວ່າ 214.000 ຄົນ, ໃນນັ້ນ, ຢູ່ປະເທດໄທ ມີຈໍານວນ 213.153 ຄົນ, ຢູ່ປະເທດຍີ່ປຸ່ນ 527 ຄົນ ແລະ ປະເທດ ສ.ເກົາຫລີ 320 ຄົນ, ລວມແລ້ວ 45.179 ຄົນ.

ໃນນັ້ນ, ກຸ່ມແຮງງານທີ່ເຂົ້າໄປເຮັດວຽກຢູ່ປະເທດໄທ ຕາມລະບົບ MOU ທີ່ຄົບວາລະ 4 ປີ ມີຈໍານວນ 22.000 ກວ່າຄົນ ແລະ ກຸ່ມຜູ້ອອກແຮງງານລາວທີ່ໄດ້ຮັບການປັບສະຖານະພາບບຸກຄົນ ມີປະມານ 22.500 ຄົນ; ຜູ້ອອກແຮງງານລາວທີ່ຍັງເຮັດວຽກຢູ່ປະເທດຍີ່ປຸ່ນຖືກຕ້ອງຕາມກົດໝາຍ ມີຈໍານວນ 376 ຄົນ, ຢູ່ ສ.ເກົາຫລີ ແບບຖືກຕ້ອງຕາມກົດຫມາຍ ມີຈໍານວນ 303 ຄົນ.