WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ

WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ - WHO                                                                                       - WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ
WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ - 174233 - WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ

ຄະນະ​ຜູ້​ຊ່ຽວຊານ​ຈາກ​ອົງການ​ອະນາ​ໄມ​ໂລກ (WHO) ກ່າວ​ເຖິງ​ອັນຕະລາຍ​ຂອງ​ພະຍາດ​ໄຂ້ຫວັດ​ໃຫຍ່​ຕໍ່​ເດັກນ້ອຍ ​ແລະ ​ແມ່ຍິງ​ຖືພາ​ ລະຫວ່າງ​ເກີດ​ການລະບາດ​ໃຫຍ່​ຂອງ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ພ້ອມ​ຮຽກຮ້ອງ​ທຸກ​ຝ່າຍ​ເຝົ້າລະວັງ ​ແລະ ດຳ​ເນີນ​ການກວດ​ພະຍາດ​ຢ່າງ​ຈິງ​ຈັງ.

ວັນ​ທີ 3 ພະຈິກ​ນີ້, ທ່ານ ນາງ ມາ​ເຣຍ ​ແວນ ​ເຄິກ​ໂຮບ ຫົວໜ້າ​ຝ່າຍ​ເຕັກນິກ​ປະຈຳ​ໂຄງການ​ສະຖານະ​ການ​ສຸກ​ເສີນ​ທາງ​ສຸຂະພາບ​ຂອງ​ອົງການ​ອະນາ​ໄມ​ໂລກ ຖະ​ແຫລ​ງຂ່າວ​ວ່າ: ຍັງ​ບໍ່​ມີ​ໃຜ​ຮູ້​ວ່າ: ລະດູ​ໄຂ້ຫວັດ​ໃຫຍ່​ໃນ​ປີ​ນີ້​ທີ່​ກຳລັງ​ຈະ​ມາ​ເຖິງ​​ເບື້ອງ​ໂລກ​ເໜືອ​ໃນ​ບໍ່​ຊ້າ​ຈະ​ເປັ​ນ​ແນວ​ໃດ, ​ແຕ່​ປັດຈຸບັນ​ມີ​ການ​ເຝົ້າລະວັງ​ພະຍາດ​ໄຂ້ຫວັດ​ໃຫຍ່​ຢ່າງ​ຈິງ​ຈັງ​ແລ້ວ ​ເຖິງ​ວ່າ​ເປັນ​ໄລຍະ​ເກີດ​ການລະບາດ​ໃຫຍ່​ຂອງ​ໂຄ​ວິດ-19, ພ້ອມ​ແນະນຳ​ຜູ້​ທີ່​ສ່ຽງ​ເປັນ​ພະຍາດ​ໄຂ້ຫວັດ​ໃຫຍ່​​ເຂົ້າຮັບ​ການ​ສັກ​ວັກ​ຊີ​ນ​ໃນ​ປີ​ນີ້.

ທ່ານ ​ເຈ​ເນັດ ດິອາດ ຫົວໜ້າ​ຝ່າຍ​​ແກ້​ໄຂ​ທາງ​ຄລີ​ນິກຂອງ​ອົງການ​ອະນາ​ໄມ​ໂລກ ​​ເຫັນ​ກົງ​ກັບ​ທ່ານ ​ແວນ ​ເຄິກ​ໂຮບ ​ໂດຍ​ເນັ້ນວ່າ: ການ​ເຝົ້າລະວັງ​ຢ່າງ​ເຂັ້ມງວດ​ເປັນ​ເຄື່ອງມື​ສຳຄັນ​ໃນ​ການ​ຮັບ​ມື​ລະດູ​ໄຂ້ຫວັດ​ໃຫຍ່ ​ແລະ ​ເຖິງ​ວ່າ​ພະຍາດ​ໄຂ້ຫວັດ​ໃຫຍ່ ​ແລະ ​ໂຄ​ວິດ-19 ຈະ​ມີ​ອາການຄ້າຍຄື​ກັນ ​ແຕ່​ຍັງ​ມີ​ຄວາມ​ແຕກ​ຕ່າງ​ທີ່​ເຮັດ​ໃຫ້​ສາມາດ​ແບ່ງ​ແຍກ​ພະຍາດ​ທັງ​ສອງ​ໄດ້.

WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ - Wave100S AD to Website 2020 0 - WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ

ທ່ານ ດິອາດ ​ເນັ້ນວ່າ: ​ເດັກນ້ອຍ ​ແລະ ​ແມ່ຍິງ​ຖືພາ​ສ່ຽງ​ມີ​ອາການ​ປ່ວຍ​ຮ້າຍ​ແຮງ​ເມື່ອ​ເປັນ​ໄຂ້ຫວັດ​ໃຫຍ່ ​ແຕ່​ບໍ່​ສະ​ແດງ​ອາການ​ໜັກ​ຈາກ​ໂຄ​ວິດ-19 ຖ້າ​ຄົນ​ເຈັບ​ມີ​ອາການ​ຕິດ​ເຊື້ອ​ໃນ​ລະບົບ​ທາງ​ເດີນ​ຫາຍ​ໃຈ​ຮຸນ​ແຮງ ພວກ​ເຂົາ​ຄວນ​ເຂົ້າຮັບ​ການກວດ​ພະຍາດ​ກ່ອນ​ດຳ​ເນີນ​ການ​ປິ່ນປົວ ​ເນື່ອງ​ຈາກ​ພະຍາດ​ທັງ​ສອງ​ໃຊ້​ວິທີ​ການ​ປິ່ນປົວ​ທີ່​ແຕກ​ຕ່າງ​ກັນ.

ຄວາມ​ແຕກ​ຕ່າງ​ອີກ​ຢ່າງ​ໜຶ່ງ ຄື​ການ​ໃຊ້​ຄໍ​ຕິ​ໂຄສ​ເຕຍຣອຍ (corticosteroid) ​ເຊິ່ງປັດຈຸບັນ​ໃຊ້​ປິ່ນປົວ​ຜູ້​ຕິດ​ເຊື້ອ​ໂຄ​ວິດ-19 ​ເນື່ອງ​ຈາກ​ສາມາດ​ຫລຸດ​ຄວາມ​ສ່ຽງ​ການ​ເສຍ​ຊີວິດ​ຂອງ​ຜູ້​ຕິດ​ເຊື້ອ​ໂຄ​ວິດ-19 ອາການ​ຮຸນ​ແຮງ ​ແລະ ອາການ​ໜັກ​ຂັ້ນວິ​ກິດ ​ໂດຍ​ທ່ານ ດິອາດ ​ເຕືອນ​ຄວາມ​ສ່ຽງ​ຈາກ​ການ​ໃຊ້​ຄໍ​ຕິ​ໂຄສ​ເຕຍຣອຍປິ່ນປົວ​ໄຂ້ຫວັດ​ໃຫຍ່ ​ເນື່ອງ​ຈາກ​ອາດ​ເຮັດ​ໃຫ້​ເຊື້ອ​ໄວຣັສ​ຍິ່ງ​ເຕີບ​ໃຫຍ່ ​ແລະ ​ເພີ່ມ​ຈຳນວນ​ຂຶ້ນ.

WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ - WhatsApp Image 2020 05 27 at 5 - WHO ເນັ້ນເຖິງອັນຕະລາຍ “ໄຂ້ຫວັດໃຫຍ່” ຕໍ່ເດັກນ້ອຍ-ແມ່ຍິງຖືພາ ໄລຍະໂຄວິດ-19 ລະບາດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!