ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19

ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19 - 196066 1 800x600 1 - ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19
ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19 - Untitled design - ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19

ຊ່ອງ​ທາງ​ທຳ​ມະ​ຊາດ​ກາຍ​​ເປັນ​ຈຳ​ເລີຍ​ສຳຄັນ​ຂອງ​ການ​ຕິດ​ເຊື້ອ​ໂຄ​ວິດ-19 ຢູ່​ໄທ. ຜ່ານ​ມາ​ຝ່າຍ​ຄວາມ​ໝັ້ນຄົງຢືນຢັນ​ເຖິງ​ຄວາມ​ເຂັ້ມງວດ​ໃນ​ການ​ເຝົ້າລະວັງ​ການ​ລັກລອບ​ເຂົ້າ-ອອກປະ​ເທດ​ຕາມ​ຊາຍ​ແດນ ​ໂດຍ​ສະ​ເພາະ​ຫລັງ​ໄດ້​ຮັບ​ລາຍ​ງານ​ການ​ລັກລອບ​ເຂົ້າ​ເມືອງ​ຜິດ​ກົດໝາຍ ​ແລະ ກາຍ​ເປັນ​ປັດ​ໄຈ​ສ່ຽງ​ແຜ່​ລະບາ​ດພະຍາດ​ໂຄ​ວິດ-19.

ການກວດ​ພົບ​ຜູ້​ຕິດ​ເຊື້ອ​ໂຄ​ວິດ-19 ຈາກ​ພາຍ​ໃນ​ປະ​ເທດ​ຍັງ​ມີ​ຕໍ່​ເນື່ອງ ​ເຊິ່ງ​ເປັນ​ບັນຫາ​ທີ່​ຕ້ອງ​ເຝົ້າລະວັງ​ຫລາຍ​​ເປັນ​ພິ​ເສດ ​ເພາະ​ຖ້າ​ບໍ່​ແກ້​ໄຂ​ໃຫ້​ດີ ອາດ​ຈະ​ເຮັດ​ໃຫ້ການ​ລະບາດ​ກະຈາຍ​ວົງ​ກວ້າງ​ໄດ້ ​ໂດຍ​ຂໍ້​ມູນ​ຫລ້າສຸດ​ວັນ​ທີ 6 ທັນວາ​ນີ້ ພົບ​ຜູ້​ຕິດ​ເຊື້ອ​ໃໝ່ 14 ຄົນ ​ໃນ​ຈຳນວນ​ນີ້​ເປັນ​ການ​ຕິດ​ເຊື້ອພາຍ​ໃນ​ປະ​ເທດ 1 ຄົນ, ​ເປັນ​ຜູ້​ເດີນທາງ​ມາ​ຈາກ​ຕ່າງປະ​ເທດ​ບໍ່​ເຂົ້າສະຖານ​ທີ່​ກັກ​ກັນ 3 ຄົນ ​ແລະ ​ເປັນ​ຜູ້ຢູ່​ໃນສະຖານ​ທີ່​ກັກທີ່​ລັດ​ຈັດ​ໃຫ້ 10 ຄົນ ​ໂດຍ​ຂໍ້​ມູນ​ສຳຄັນ​ທີ່​ມີ​ໄນ​ຕໍ່​ການວາງ​ແຜນ​ປ້ອງ​ກັນ ຄື​ຜູ້​ຕິດ​ເຊື້ອ 3 ຄົນ​ດັ່ງກ່າວ ​ເດີນທາງ​ມາ​ຈາກ​ມຽນມາ ​ເຊິ່ງມີ​ຜູ້​ຕິດ​ເຊື້ອຫລາຍ​ຄົນ​ກ່ອນ​ໜ້າ​ນີ້​ເດີນທາງ​ມາ​ຈາກ​ມຽນມາ​ເຊັ່ນ​ກັນ.

ການ​ປົກ​ປິດ​ຂໍ້​ມູນ​ຂອງ​ຜູ້​ທີ່​ລັກລອບ​ເຂົ້າ​ເມືອງ​ເປັນ​ອຸປະສັກ​ສຳຄັນ​ຂອງ​ການ​ສອບ​ສວນ​ພະຍາດ ​ແລະ ການ​ປ້ອງ​ກັນ​ພະຍາດ ​ເຊິ່ງຜ່ານ​ມາ ກົມ​ຄວບ​ຄຸມພະ​ຍາດ​ລາຍ​ງານ​ວ່າ: ນັບ​ແຕ່​ທ້າຍ​ເດືອນ​ພະຈິກ​ຫາ​ວັນ​ທີ 6 ທັນວາ​ນີ້ ມີ​ຜູ້​ຕິດ​ເຊື້ອຈາກ​ພາຍ​ໃນ​ປະ​ເທດ 5 ຄົນ, ​ແຕ່​ຈາກ​ການ​ສອບ​ສວນ​ພະຍາດ​ທາງ​ເລິກ ພົບ​ວ່າ: ຜູ້​ຕິດ​ເຊື້ອມີ​ການ​ປົກ​ປິດ​ຄວາມ​ຈິງ 2 ຄົນ ​ແລະ ​ເຮັດ​ໃຫ້​ເຈົ້າໜ້າ​ທີ່​ຕ້ອງ​ໃຊ້​ເວລາ​ໃນ​ການ​ສອບ​ສວນ​ພະຍາດ ​ເພື່ອ​ຕິດຕາມ​ເສັ້ນທາງ​ກ່ອນ​ຈະ​ພົບ​ວ່າ​ຕິດ​ເຊື້ອ​ເພີ່ມ​ຂຶ້ນ ​ແລະ ຕ້ອງ​ໃຊ້​ຫລັກ​ຖານ​ຕ່າງໆຈຳນວນ​ຫລາຍ ຈຶ່ງ​ຈະ​ເຮັດ​ໃຫ້​ຜູ້​ຕິດ​ເຊື້ອຍອມຮັບ​ວ່າ​ເດີນທາງ​ກັບ​ຈາກ​ຕ່າງປະ​ເທດ ​ແລະ ຕິດ​ເຊື້ອຈາກ​ຕ່າງປະ​ເທດ.

ຊ່ອງ​ທາງ​ທຳ​ມະ​ຊາດ​ກາຍ​ເປັນ​ຈຳ​ເລີຍ​ສຳຄັນ​ຂອງ​ການ​ຕິດ​ເຊື້ອ​ໂຄ​ວິດ-19 ພາຍ​ໃນ​ປະ​ເທດ​ໄທ ​ໂດຍ​ຜ່ານ​ມາ​ຝ່າຍ​ຄວາມ​ໝັ້ນຄົງ​ໄດ້​ອອກ​ມາ​ຢືນຢັນ​ເຖິງ​ຄວາມ​ເຂັ້ມງວດ​ໃນ​ການ​ປ້ອງ​ກັນ ​ແລະ ​ເຝົ້າລະວັງ​ການ​ລັກລອບ​ເຂົ້າ-ອອກປະ​ເທດ​ຕາມ​ຊາຍ​ແດນ ລວມທັງ​ເພີ່ມ​ມາດ​ຕະການ​ເຝົ້າລະວັງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ​ໂດຍ​ສະ​ເພາະ​ໃນ​ພື້ນທີ່​ແຂວງ​ຊຽງ​ໃໝ່ ​ແລະ ຊຽງຣາຍ ຫລັງ​ຈາກ​ໄດ້​ຮັບ​ລາຍ​ງານ​ການ​ລັກລອບ​ເຂົ້າ​ເມືອງ​ຜິດ​ກົດໝາຍ ​ແລະ ກາຍ​ເປັນ​ປັດ​ໄຈ​ສ່ຽງ​ໃນ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19.

ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19 - Wave100S AD to Website 2020 0 - ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19

ການ​ພົບ​ຜູ້​ຕິດ​ເຊື້ອ​ໂຄ​ວິດ-19 ຍ່ອມ​ສົ່ງ​ຜົນ​ກະທົບ​ຕໍ່​ສະຖານະ​ການ​ການທ່ອງທ່ຽວ ​ໂດຍ​ສະ​ເພາະ​ໃນ​ທ້າຍ​ປີ​ທີ່​ເປັນ​ລະດູ​ການທ່ອງທ່ຽວ​ຂອງ​ພາກ​ເໜືອ ​ເຊິ່ງນັກ​ທ່ອງ​ທ່ຽວ​ໄທ​ນິຍົມ​ເດີນທາງ​ໄປ​ທ່ອງ​ທ່ຽວ​ພາກ​ເໜືອ ​ເພື່ອ​ສຳຜັດ​ອາກາດ​ໜາວ​ເຢັນ​ຂອງ​ທຸກ​ປີ ທັງ​ແຂວງ​ຊຽງ​ໃໝ່ ​ແລະ ​ແຂວງ​ຊຽງຣາຍທີ່​ພົບ​ຜູ້​ຕິດ​ເຊື້ອ ລວມທັງ​ແຂວງ​ອື່ນໆ​ໃນ​ພາກ​ເໜືອ ​ເຊິ່ງຜ່ານ​ມາ​ຜູ້​ປະກອບ​ການທ່ອງທ່ຽວ​ຢູ່​ພາກ​ເໜືອ​ຕ່າງ​ຄາດ​ຫວັງ​ເຖິງ​ການ​ທະຍອຍ​ຟື້ນຕົວ​ໃນ​ທຸລະ​ກິດ​ທ່ອງ​ທ່ຽວ ຫລັງ​ຈາກ​ງຽບ​ເຫງົາ​ມາ​ດົນ ​ແຕ່​​ເມື່ອ​ພົບ​ສະຖານະ​ການ​ການ​ຕິດ​ເຊື້ອ​ໃນ​ປັດຈຸບັນ ​ເຮັດ​ໃຫ້​ຫລາຍ​ຄົນ​ກັງວົນ​ທີ່​ຈະ​ໄປ​ທ່ຽວ.

ຕ້ອງ​ຍອມຮັບ​ວ່າການ​ປ້ອງ​ກັນ​ຊ່ອງ​ທາງ​ທຳ​ມະ​ຊາດ​ບໍ່​ມີ​ທາງ​ຄວບ​ຄຸມ​ໄດ້ 100% ຈຶ່ງ​ເປັນ​ໜ້າ​ທີ່​ຂອງ​ທຸກ​ຄົນ​ທີ່​ຈະ​ຕ້ອງ​ຮ່ວມ​ກັນ ​ເພື່ອ​ປ້ອງ​ກັນ​ການລະບາດ​ຂອງ​ພະຍາດ​ໂຄ​ວິດ-19 ນັບ​ແຕ່​ຕົ​ວ​ເຮົາ​ເອງ​ທີ່​ຕ້ອງ​ມີ​ຄວາມ​ຮັບຜິດຊອບ​ຕໍ່​ສັງຄົມ​ໃນ​ການ​ດຳ​ເນີນ​ການ​ຕາມ​ກົດ​ລະບຽບ​ທີ່​ກ່ຽວຂ້ອງ​ກັບ​ການ​ເດີນທາງ​ເຂົ້າ-ອອກປະ​ເທດ ລວມທັງ​ການ​ກັກ​ຕົນ​ເອງ​ເພື່ອ​ເຝົ້າລະວັງ​ພະຍາດ ​ແລະ ​ໃນ​ຊຸມ​ຊົນ​ທີ່​ຕ້ອງ​ຮ່ວມກັນ​ເບິ່ງ​ແຍງ​ບຸກຄົນ​ທີ່​ມີ​ຄວາມ​ສ່ຽງ​ໃນ​ການ​ຈະ​ຕິດ​ເຊື້ອ ຫລື ຈະ​ແຜ່​ເຊື້ອ. ​ໃນ​ຂະນະ​ທີ່​ພາກ​ລັດ​ຈຳ​ເປັນ​ຕ້ອງ​ຕິດຕາມ​ຂໍ້​ມູນ​ເພື່ອ​ປ້ອງ​ກັນ​ການລະບາດ​ຢ່າງ​ເຂັ້ມງວດ ​ເພື່ອ​ໃຫ້​ປະ​ເທດ​ຄວບ​ຄຸມ​ການລະບາດ​ໃຫ້​ໄດ້​ຫລາຍ​ທີ່​ສຸດ.

ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19
ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ຊ່ອງທາງທຳມະຊາດ ເສັ້ນທາງຫລົບໜີເຂົ້າໄທ ຫລັງພົບຜູ້ຕິດເຊື້ອໂຄວິດ-19
error: Alert: ເນື້ອຫາຂ່າວມີລິຂະສິດ !!