ກະຕໍ້ລາວ ຫວັງຫຼຽນໃດໜຶ່ງກະຕໍ້ຊິນຫຼົງ ໃນຊີເກມ ຄັ້ງທີ 29 ທີ່ປະເທດມາເລເຊຍ

- advert banner 728 90 728x90 - ກະຕໍ້ລາວ ຫວັງຫຼຽນໃດໜຶ່ງກະຕໍ້ຊິນຫຼົງ ໃນຊີເກມ ຄັ້ງທີ 29 ທີ່ປະເທດມາເລເຊຍ

- 1294 300x200 - ກະຕໍ້ລາວ ຫວັງຫຼຽນໃດໜຶ່ງກະຕໍ້ຊິນຫຼົງ ໃນຊີເກມ ຄັ້ງທີ 29 ທີ່ປະເທດມາເລເຊຍສະຫະພັນກະຕໍ້ລາວແຫ່ງ ຊາດລາວ ພ້ອມສົ່ງທັບນັກກິລາ ກະຕໍ້ທີມຊາດລາວ ແລະ ກະຕໍ້ຊິນ ລົງ ທີມຊາດລາວ ຈຳນວນ 20 ຄົນ, ຍິງ 6 ຄົນ ຕັ້ງເປົ້າໝາຍຈະ ຄວ້າຫຼຽນໃດຫຼຽນໜຶ່ງ ໃນງານ ມະຫະກຳກິລາຊີເກມ ຄັ້ງທີ 29 ຫຼື ກົວລາລຳເປີ ເກມ ທີ່ປະເທດ ມາເລເຊ ຮັບກຽດເປັນເຈົ້າພາບ ລະຫວ່າງວັນທີ 19-31 ສິງຫາ ທີ່ຈະມາເຖິງນີ້.
ຕາມການໃຫ້ສຳພາດຂອງ ທ່ານ ອານຸສອນ ເຄນກິຕິສັກ ຮອງປະທານ ສະຫະພັນກິລາກະ ຕໍ້ແຫ່ງຊາດລາວ ໃຫ້ຮູ້ວ່າ: ໃນ ການເຂົ້າຮ່ວມງານມະຫະກຳ ກິ ລາຊີເກມ ທີ່ມາເລເຊຍ ຄັ້ງນີ້ ຈະໄດ້ສົ່ງນັກກິລາກະຕໍ້ ທີມຊາດ ລາວ ແລະ ກະຕໍ້ຊິນຫຼົງ ທີຊາດ ລາວ ຈຳນວນ 20 ເຂົ້ວຮ່ວມ ແຂ່ງຂັນ ໃນປະເພດກະຕໍ້ມີ 12 ຄົນ, ຍິງ 6 ຄົນ ລົງແຂ່ງຂັນ 5 ລາຍການ ສຳລັບປະເພດຊາຍ 3 ລາຍການປະກອບມີ ທີມດ່ຽວ, ທີມຄູ່ ແລະ ທີມ 4 ຄົນ, ປະເພດ ຍິງ 2 ລາຍການ ມີ ທີມຄູ່ ແລະ ທີມ 4 ຄົນ. ສ່ວນກະຕໍ້ຊິນຫຼົງ 8 ຄົນ ຮ່ວມແຂ່ງຂັນ 2 ລາຍການຄື: ປະເພດລາຍການທີ 2 ແລະ ປະ ເພດລາຍການທີ 4 ປັດຈຸບັນນັກກິ ລາ 20 ຄົນ ໄດ້ເກັບໂຕເຝິກຊ້ອມ ທີ່ສະໂມສອນກິລາໃນຮົ່ມ ໂອ ແລມປາເຊ ວິທະຍາເຂດດົງໂດກ ເມືອງໄຊທານີ ນະຄອນຫຼວງ ວຽງຈັນ ໂດຍມີອາຈານຊາວໄທ ເປັນຄູເຝິກ ຄາດວ່າໃນວັນທີ 10 ກໍລະກົດນີ້ ຈະໄດ້ອອກເດີນທາງ ໄປເກັບໂຕເຝິກຊ້ອມຢູ່ ແຂວງອຸ ດອນທານີ ຣາຊະອານາຈັກໄທ ໃນໄລຍະ 1 ເດືອນ ກ່ອນຈະເຂົ້າ ຮ່ວມແຂ່ງຂັນໂຕຈິງ. ແນວໃດກໍດີ ໃນໄລຍະ 1 ເດືອນ ນັກກິລາກະ ຕໍ້ທີມຊາດລາວ ຈະມີການເຄື່ອນ ໄຫວແຂ່ງຂັນກັບບັນດາສະໂມ ສອນ ທີ່ປະເທດໄທ ເພື່ອເປັນທົດ ສອບຄວາມສາມາດ ເຊິ່ງຊຸດນີ້ ເຊື່ອໝັ້ນນັກກິລາກະຕໍ້ລາວ ຈະ ສາມາດສ້າງຜົນງານໄດ້ດີຢ່າງ ແນ່ນອນ ໂດຍສະເພາະກະຕໍ້ຊິນ ຫຼົງ ປີນີ້ ຄາດວ່າມີໂອກາດຄວ້າ ຫຼຽນໃດຫຼຽນໜຶ່ງໃຫ້ທັບນັກກິລາລາວ ໃນ ກົວລາລຳເປີ ເກມ.
ສຳລັບທັບນັກກິລາກະຕໍ້ ທີມຊາດລາວ 20 ຄົນເຂົ້າຮ່ວມ ກິລາຊີເກມ ຄັ້ງທີ 29 ທີ່ປະເທດ ມາເລເຊຍ ຄັ້ງນີ້ ປະເພດກພຕໍ້ ຊິນຫຼົງ ຊາຍປະກອບມີ ສາຍຄຳ, ອາດົງ ຜູ້ມີສິນ, ອານຸສອນ ສູນດາ ລາ, ອານຸສອນ ວິລະວົງສາ, ຈັນທະລັກ ຈັນທະວົງ, ໂຍທິນ ສົມ ບັດພູທອນ, ວິລິຍັນ ສົມບັດພູທອນ ແລະ ພິດທະຊັນ ບຸນປະເສີດ ສ່ວນ ນັກກິລາກະຕໍ້ປະເພດຊາຍປະ ກອບມີ: ດາວວີ ຊະນະວົງໄຊ, ຈັກກະພັນ ກຸນລະສຸດ, ແສງວັນ ຂຸນບູລົມ, ສົມເພັດ ໄຊຍະແສງ ແລະ ກັນຕະນາ ນາມພິເສນ ຂະ ນະທີ່ປະເພດຍິງປະກອບມີ: ສອນ ສະຫວັນ ແກ້ວສຸລິຍາ, ສັນຕິສຸກ ຈັນດາລາ, ປະລິດາ ດວງມາລາ ຈຽບ ບັນຊາວັງ, ໜໍ່ຄຳ ວົງໄຊ ແລະ ນວນດຳ ວໍລະບຸດ.
ຂ່າວຈາກ:laosportnews.com.

- new3 - ກະຕໍ້ລາວ ຫວັງຫຼຽນໃດໜຶ່ງກະຕໍ້ຊິນຫຼົງ ໃນຊີເກມ ຄັ້ງທີ 29 ທີ່ປະເທດມາເລເຊຍ
- lattana 1 - ກະຕໍ້ລາວ ຫວັງຫຼຽນໃດໜຶ່ງກະຕໍ້ຊິນຫຼົງ ໃນຊີເກມ ຄັ້ງທີ 29 ທີ່ປະເທດມາເລເຊຍ
error: Content is protected !!