ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ

ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - 85520 - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ
ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - AGL banner - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ

ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ໃຫ້ຮູ້ວ່າ: ການແພ່ລະບາດພະຍາດໂຄວິດ-19 ຮອບສອງປີນີ້, ໄດ້ສົ່ງຜົນກະທົບຕໍ່ແຮງງານ ແລະ ຫົວໜ່ວຍທຸລະກິດຢ່າງໜັກ ເຮັດໃຫ້ມີແຮງງານຖືກໂຈະວຽກເຖິງຫລາຍກວ່າ 50.000 ຄົນ, ສະເພາະຢູ່ນະ ຄອນຫລວງວຽງຈັນ ມີຫົວໜ່ວຍແຮງງານຈໍານວນໜຶ່ງໄດ້ຢຸດກິດຈະການຄື: ໂຮງງານຕັດຫຍິບ 11 ແຫ່ງ, ໂຮງງານຜະລິດເຫລັກ 2 ແຫ່ງ ແລະ ມີແຮງງານ 10.000 ຄົນຖືກໂຈະວຽກ. ແນ່ນອນເມື່ອ ບໍ່ໄດ້ເຮັດວຽກ ລາຍຮັບກໍ່ບໍ່ມີ ຈຶ່ງສົ່ງຜົນກະທົບຢ່າງໜັກຕໍ່ການດໍາລົງຊີວິດຂອງເຂົາເຈົ້າ. ສໍາລັບແຮງງານ ທີ່ຢູ່ລະບົບປະກັນສັງຄົມ ຫລື ເປັນສະມາຊິກປະກັນສັງຄົມແມ່ນໄດ້ຮັບການຊ່ວຍເຫລືອ ຕາມລະບຽບການຂອງກະຊວງແຮງງານ ແລະ ສະຫວັດດີການສັງຄົມ. ແຕ່ສິ່ງທີ່ໜ້າເປັນຫວງແມ່ນແຮງງານນອກລະບົບທີ່ມີເກືອບ 2 ພັນຄົນ ຈະໄດ້ຮັບການຊ່ວຍແນວໃດ.

ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - 23365 300x235 - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ

ມາຮອດປັດຈຸບັນຂະແໜງການທີ່ກ່ຽວຂ້ອງພາຍໃຕ້ການນຳພາ-ຊີ້ນຳ ຂອງກະຊວງແຮງງານ ແລະ ສະຫວັດດີການສັງຄົມ ໄດ້ລົງເກັບກຳຈຳນວນຕົວເລກ ແຮງງານນອກລະບົບປະກັນສັງຄົມ ແລະ ປະຊາຊົນທຸກຍາກທີ່ໄດ້ຮັບຜົນກະທົບ ແລະ ມີຄວາມເດືອດ ຮ້ອນຂາດເຂີນປັດໄຈ ໃນການດໍາລົງຊີວິດປະຈໍາວັນ ເນື່ອງຈາກການລະບາດຂອງເຊື້ອພະຍາດໂຄວິດ-19 ໃນຮອບໃໝ່ນີ້ ຕາມແຈ້ງການຂອງກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 1531/ຮສສ ລົງວັນທີ ພຶດສະພາ 2021 ທີ່ຜ່ານມາເຊິ່ງປະຕິບັດໄດ້ເກືອບຄົບທຸກແຂວງແລ້ວ ຍັງປະມານ ຫາ ແຂວງເທົ່ານັ້ນທີ່ຍັງບໍ່ທັນໄດ້ສົ່ງຂໍ້ມູນມາ ໂດຍສັງລວມໄດ້ປະຊາຊົນທີ່ທຸກຍາກ ມີ 84.000 ກວ່າຄົນ ແລະ ແຮງງານນອກລະບົບປະກັນສັງຄົມ ຫລາຍກວ່າ 1.700 ຄົນ ແລະ ພວກເຮົາກໍາລັງລວບລວມຂໍ້ມູນໃຫ້ສຳເລັດໂດຍໄວ ເພື່ອຫາທາງແກ້ໄຂ ແລະ ຊ່ວຍເຫລືອຮີບດ່ວນ.

ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - Wave100S AD to Website 2020 0 - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ

ສຳລັບເປົ້າໝາຍທີ່ຈະໃຫ້ການຊ່ວຍເຫລືອຮີບດ່ວນ ໃນທົ່ວປະເທດ ແມ່ນກຸ່ມຄົນທີ່ຖືກຢຸດວຽກບໍ່ໄດ້ຮັບເງິນເດືອນ ຫລື ຖືກເລີກຈ້າງ ມີຄວາມເດືອດຮ້ອນຂາດເຂີນບໍ່ມີອັນຢູ່ອັນກິນຂາດທີ່ເພິ່ງພາອາໄສ ໃນໄລຍະປະຕິບັດເຂັ້ມງວດມາດຕະການຂອງລັດຖະບານນີ້ໂດຍໄດ້ຮັບການຢັ້ງຢືນຈາກບ້ານເປັນຄົນລາວ ທີ່ມີສໍາມະໂນຄົວ ຫລື ໃບອະນຸຍາດພັກເຊົາຢູ່ບ້ານ ໃນເວລາເກັບກໍາຂໍ້ມູນເປັນຄອບຄົວທີ່ບໍ່ແມ່ນພະນັກງານ-ລັດຖະກອນທະຫານຕໍາຫລວດພະນັກງານບໍານານ ແລະ ຜູ້ທີ່ໄດ້ເຂົ້າລະບົບປະກັນສັງຄົມ ໂດຍສະເພາະແມ່ນ ພະນັກງານ-ລູກຈ້າງ ຂອງບັນດາຜູ້ປະກອບການ ທີ່ໄດ້ຖືກສັ່ງປິດກິດຈະການຊົ່ວຄາວເພື່ອປ້ອງກັນການລະບາດຂອງໂຄວິດ-19 (ສະຖານບັນເທິງຮ້ານນວດສູນອອກກໍາລັງກາຍຮ້ານເສີມສວຍຮ້ານຕັດຜົມອື່ນໆ)ຜູ້ທີ່ຮັບຈ້າງ-ອອກແຮງານລາຍວັນ ແຕ່ໄລຍະນີ້ບໍ່ມີວຽກເຮັດງານທໍາຜູ້ທີ່ຢູ່ຫ້ອງເຊົ່າຫໍພັກຂາດທີ່ເພິ່ງພາອາໄສຢູ່ໃນບັນດາຕົວເມືອງໃຫຍ່ນັກສຶກສາທີ່ຂາດເຂີນທຶນຮອນ ດ້ານການສຶກສາທີ່ຢູ່ຫ້ອງເຊົ່າ-ຫໍພັກ ທີ່ກໍາລັງສຶກສາຢູ່ສະຖາບັນການສຶກສາຂອງລັດ (ອາໄສການເຮັດວຽກໃນຍາມຫວ່າງ ໂດຍການຫາລາຍໄດ້ລາຍວັນເສີມ ຈາກການເປັນພະນັກງານເສີບ-ອະນາໄມຕາມພັດທະຄານຮ້ານອາຫານສະຖານບັນເທີງອື່ນໆ) ທີ່ຖືກສັ່ງປິດກິດຈະການ ໃນໄລຍະການລະບາດຂອງພະຍາດໂຄວິດ-19.

ທັງໝົດນັ້ນ ສະແດງໃຫ້ເຫັນວ່າ ພາກລັດ ບໍ່ເຄີຍເມີນເສີຍຕໍ່ຄວາມເດືອດຮ້ອນຂອງປະຊາຊົນ ກໍຄື ບັນດາແຮງງານທີ່ໄດ້ຮັບຜົນກະທົບຈາກວິກິດພະຍາດໂຄວິດ-19 ແລະ ຂໍຊົມເຊີຍຢ່າງຈິງໃຈຕໍ່ປະຊາຊົນຄົນລາວ ກໍຄື ຜູ້ທີອາໄສຢູ່ໃນຜືນແຜ່ນດິນລາວ ທີ່ມີນ້ຳຈິດນ້ຳໃຈເອື້ອເຟື້ອເພື່ອແຜ່ ຊ່ວຍເຫລືອຜູ້ທີ່ໄດ້ຮັບຜົນກະທົບ ຜູ້ທີ່ຂາດເຂີນ ທຸກຍາກ ຍ້ອນພິດໂຄວິດແບບນີ້. ຍາມຫຍຸ້ງຍາກ ຈຶ່ງຮູ້ວ່າ ເນື້ອແທ້ຄົນລາວເປັນຄົນແນວໃດ ສໍາລັບຜູ້ທີ່ບໍ່ສາມາດຊ່ວຍເຫລືອຜູ້ອື່ນໄດ້ ກໍຂໍໃຫ້ສົ່ງກໍາລັງໃຈ ສົ່ງຄວາມຫວັງດີໃຫ້ເຂົາເຈົ້າ, ຄວນຫລີກທີ່ສຸດແມ່ນການສ້າງກະ ແສຍົວະ ຫລື ສຽດສີ ວ່າ ຜູ້ອື່ນ ພາກສ່ວນອື່ນບໍ່ເຮັດຫຍັງ ບໍ່ຊ່ວຍຫຍັງໂດຍທີ່ຕົນເອງບໍ່ຮູ້ເລິກເຖິງຖອງ ເພາະຈະເປັນການສ້າງຄວາມແຕກແຍກໃນສັງຄົມ.

ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - WhatsApp Image 2020 05 27 at 5 - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ
ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ - WhatsApp Image 2020 05 27 at 5 - ລັດ ພວມເລັ່ງຊ່ວຍເຫລືອແຮງງານນອກລະບົບ ແລະ ຜູ້ທຸກຍາກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!