ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ

ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ - 242350815 4417995998293626 3364698573746981147 n - ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ
ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ - AGL banner - ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ

ໂດຍ: ທິດກໍ່າ

ນັບວ່າເປັນເວລາເກືອບສອງປີແລ້ວທີ່ປະເທດຊາດຂອງພວກເຮົາຖືກຄຸກຄາມຈາກການແຜ່ລະບາດຂອງເຊື້ອພະຍາດໂຄວິດ-19. ຊ່ວງໄລຍະປີກວ່າຜ່ານມາ ໄດ້ພິສູດ ແລະ ທັງທົດສອບໃຫ້ເຫັນວ່າ ການຕໍ່ສູ້ຕ້ານສົງຄາມຮຸກຮານຈາກໂຄວິດ-19 ນັ້ນ ເປັນບັນຫາເປັນຕາຍ ແລະ ໃຫຍ່ໜັກໜ່ວງຂອງປະເທດຊາດ. ຜູ້ທີ່ຮັບພາລະໜັກໜ່ວງໂດຍກົງກັບພາລະກິດນີ້ກໍແມ່ນແພດໝໍທີ່ຕ້ອງໄດ້ເສຍສະຫລະເອົາໃຈໃສ່ປິ່ນປົວຜູ້ຕິດເຊື້ອຢ່າງທໍລະຫົດອົດທົນສົມກັບວ່າເປັນນັກຮົບເສື້ອຂາວ ແລະ ອີກສາຍານາມໜຶ່ງກໍແມ່ນແພດປະຕິວັດ. ສ່ວນອັນດັບສອງຮອງລົງມາກໍແມ່ນເຈົ້າໜ້າທີ່ຕຳຫລວດ, ທະຫານ, ອຳນາດການປົກຄອງ, ກອງຫລອນໃນແຕ່ລະບ້ານ, ແຕ່ລະເມືອງເຂດແຂວງທີ່ຕ້ອງໄດ້ເຮັດໜ້າທີ່ປົກປັກຮັກສາຄວາມເປັນລະບຽບຮຽບຮ້ອຍໃນຂອບເຂດບ້ານເຮືອນ ແລະ ເຂດແຂວງທີ່ຕົນຮັບຜິດຊອບໂດຍກົງ. ນີ້ກໍໃຫ້ຖືວ່າເປັນພາລະກິດອັນໃຫຍ່ຫລວງທີ່ພັກ-ລັດຖະບານ ແລະ ປະຊາຊົນບັນດາເຜົ່າໄດ້ມອບໝາຍໃຫ້.

ໄປຄຽງຄູ່ກັນນັ້ນ, ໃນໄລຍະສອງປີກວ່າທີ່ຜ່ານມາ ສິ່ງທີ່ມີຜົນກະທົບຕໍ່ອັນລວມຂອງປະເທດຊາດ ແລະ ປະຊາຊົນນັ້ນກໍແມ່ນດ້ານເສດຖະກິດ, ຊີວິດການເປັນຢູ່ຂອງປະຊາຊົນບັນດາເຜົ່າ ເປັນຕົ້ນການໄປມາຊອກຢູ່ຫາກິນ, ທຳການຜະລິດ, ທຸລະກິດຕ້ອງໄດ້ຢຸດສະງັກ ຍ້ອນມີການປິດບ້ານປິດເມືອງປິດແຂວງ ເພາະຢ້ານໂຄວິດ-19 ແຜ່ລະບາດ. ຈາກສາເຫດດັ່ງກ່າວ ຈຶ່ງເຮັດໃຫ້ລະບົບເສດຖະກິດຂອງຊາດຖືກຢຸດສະງັກຫລຸດຖອຍຢ່າງຫລີກລ່ຽງບໍ່ໄດ້. ໃນບັນດາຂະແໜງການທີ່ມີຜົນກະທົບໜັກກໍແມ່ນຂະແໜງການທ່ອງທ່ຽວ ເຊິ່ງແຕ່ລະປີລັດເຮົາມີລາຍຮັບຈາກດ້ານນີ້ບໍ່ຕໍ່າກວ່າ 4-5 ຮ້ອຍລ້ານໂດລາຕໍ່ປີ.

ອັນສອງມາກໍແມ່ນພາກບໍລິການ, ຮ້ານອາຫານ, ໂຮງແຮມ, ຮ້ານກິນດື່ມ ຕ້ອງໄດ້ອັດປະຕູຕີໄລໃສ່ກະແຈຍ້ອນຢ້ານໂຄວິດ-19. ນອກຈາກນີ້ແລ້ວ ກໍຍັງມີຂະແໜງການອື່ນໆຕ້ອງໄດ້ຮັບຜົນກະທົບໄປຕາມໆກັນ. ຈາກຕົວເລກທີ່ສະແດງໃຫ້ເຫັນການຫລຸດຖອຍເສດຖະກິດມະຫາພາກຕັ້ງເປົ້າໄວ້ 3,6% ແມ່ນໄດ້ພຽງ 3,3% ໃນປີ 2020. ສະເພາະປີ 2021 ຄາດກະ 3,7% ແມ່ນອາດຈະບໍ່ໄດ້ຕາມຄາດໝາຍ ເພາະພາຍຫລັງມີນະໂຍບາຍຮັບແຮງງານລາວກັບຄືນຖິ່ນ ເຮັດໃຫ້ມີການແຜ່ລະບາດໃນຊຸມຊົນຢ່າງໜັກໜ່ວງກວ້າງຂວາງຢູ່ຫລາຍແຂວງໃນທົ່ວປະເທດ ນັບທັງນະຄອນຫລວງວຽງຈັນ.

ຈາກສະພາບທີ່ໄດ້ກ່າວມານີ້ ບັນຫາຄົນຫວ່າງງານໄດ້ເພີ່ມຂຶ້ນເຖິງ 23,4% ຫລື ເທົ່າກັບ 3 ແສນ 2 ໝື່ນກວ່າຄົນ. ໃນຈຳນວນຄົນຫວ່າງງານທີ່ກ່າວມານີ້ ແມ່ນບໍ່ມີຫລັກຄ້ຳປະກັນທາງດ້ານສະຫວັດດີການສັງຄົມ. ສ່ວນດ້ານການສຶກສານັ້ນ ກໍຍິ່ງໄດ້ຮັບຜົນກະທົບ ຍ້ອນໂຮງຮຽນ ແລະ ສະຖາບັນການສຶກສາຖືກປິດການຮຽນການສອນເກືອບທົ່ວປະເທດ. ເຖິງວ່າຈະມີການຮຽນທາງອອນລາຍ ແຕ່ຢູ່ຊົນນະບົດ ແລະ ຜູ້ມີລາຍໄດ້ຕໍ່າແມ່ນບໍ່ສາມາດເຂົ້າເຖິງໄດ້. ນີ້ລະຄືຜົນກະທົບບາງຂົງເຂດທີ່ທິດກໍ່າໄດ້ຍົກມາໃຫ້ພວກເຮົາໄດ້ຮັບຮູ້ຜົນຮ້າຍຈາກພະຍາດລ້າງໂລກໂຄວິດ-19 ທີ່ພວກໃຈດຳອຳມະຫິດໄດ້ສ້າງມັນຂຶ້ນມາ.

ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ - lattana banner - ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ
ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ - lattana banner 1 - ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ
ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ -    AD conten website - ຜົນກະທົບຈາກໂຄວິດເຮັດໃຫ້ເສດຖະກິດຫລຸດຖອຍ
error: Alert: ເນື້ອຫາຂ່າວມີລິຂະສິດ !!