“ເມົ້າ” ຫມັ້ນໃຈ “ອັດຫົງ” ລົບອາຖັນເວມບລີ ຫຼັງເສຍຮອບຊີງດຳໃນລູກຫນັງເມືອງຜູ້ດີ 5 ຄັ້ງຕິດ

ເມສັນ ເມົ້າ ກອງກາງຂອງຕົວເກັ່ງຂອງເຊວຊີ ປະກາດວ່າຈະລົບລ້າງອາຖັນໃນການລົງຫຼີ້ນທີ່ສະຫນາມ ເວັມບລີ ຂອງຕົນເອງ ໃນເກມຮອບຊີງຊະນະເລີດ ເອຟເອ ຄັບ ທີ່ “ສິງບລູ” ຈະພົບກັບ “ຫົງແດງ” ໃນວັນທີ 14 ພຶດສະພາ ນີ້ ຫຼັງຈາກທີ່ດາວເຕະ “ສິງບລູ” ເສຍໃຫ້ ໃນເກມນັດຊີງຊະນະເລີດ ໃນລູກໜັງຂອງເມືອງຜູ້ດີໄປເຖິງ 5 ຄັ້ງແລ້ວ

ກ່ອນຫນ້ານີ້ ເມົ້າ ເຄີຍເສຍຢູ່ທີ່ສະຫນາມ ເວັມບລີ ໃນ ເດີ ແຊັມປຽນຊິບ ເພລອັອບ ຮອບຊີງຊະນະເລີດ ໃນທີ່ຍ້າຍໄປຫຼິ້ນໃຫ້ກັບ ເດີບີ້ເຄົາຕີ້ ລາວເຖິງເສຍໃນເກມ FA Cup ຮອບຊີງຊະນະເລີດ 2 ລະດູການກ່ອນຫນ້ານີ້ ເກມ Euro 2020 ກັບທີມຊາດອັງກິດໃນລະດູຮ້ອນທີ່ຜ່ານມາ. ແລະ ເມື່ອບໍ່ດົນມານີ້ ກໍ່ເສຍໃຫ້ກັບ “ຫົງແດງ” ໃນຮອບຊີງຂອງ ຄາຣາບາວ ຄັບ ລະດູການນີ້

ຢ່າງໃດກໍຕາມ ເມົ້າ ເຊີ່ງຍິງປະຕູໃຫ້ ສິງບລູ ຊະນະ ຄຣິສຕັນພາເລດ 2-0 ໃນ FA Cup ຮອບຮອງຊະນະເລີດໃນວັນອາທິດຜ່ານມານັ້ນ ປະກາດຂໍລົບອາຖັນສ່ວນຕົວໃນການໄປຫຼິ້ນຢູ່ ເວັມບລີ ໃຫ້ໄດ້ ໃນຮອບຊີງດຳໃນເດືອນຫນ້າ, ໂດຍກ່າວວ່າ: “ມັນເຖິງເວລາແລ້ວສໍາລັບພວກເຮົາທີ່ຈະຊະນະຮອບສຸດທ້າຍທີ່ ເວັມບລີ ຂ້ອຍເສຍໃນຮອບຊີງຊະນະເລີດທີ່ນີ້ມາ 5 ຄັ້ງແລ້ວ ແລະ ຕອນນີ້ມັນເຖິງເວລາແລ້ວທີ່ພວກເຮົາຈະແກ້ແຄ້ນ ລິເວີພລູ.”