ລັດຖະບານລາວ ປະດັບຫລຽນໄຊ ໃຫ້ແກ່ບັນດາການນຳລະດັບສູງຂອງຫວຽດນາມຫລາຍທ່ານ

ເນື່ອງໃນໂອກາດສອງຊາດຫວຽດນາມ-ລາວຈັດຕັ້ງສະເຫລີມສະຫລອງ 2 ວັນປະຫວັດສາດປີ 2022(ວັນສ້າງຕັ້ງສາຍພົວພັນການທູດຫວຽດນາມ-ລາວ ຄົບຮອບ 60 ປີ ແລະ ວັນເຊັນສົນທິສັນຍາການຮ່ວມມືຫວຽດນາມ-ລາວ ຄົບຮອບ 45 ປີ),

ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກປະຊາຊົນປະຕິວັດລາວ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງສາທາລະນະລັດປະຊາທິປະໄຕປະຊາຊົນລາວ ຕາງໜ້າລັດຖະບານລາວປະດັບຫລຽນໄຊຄຳ ຊຶ່ງເປັນຫລຽນໄຊສູງສຸດແຫ່ງຊາດລາວໃຫ້ບັນດາການນຳລະດັບສູງຂອງຫວຽດນາມ ຊຶ່ງລວມມີ: ທ່ານ ຟາມມິງຈິງ ກຳມະການກົມການເມືອງ, ນາຍົກລັດຖະມົນຕີ ແຫ່ງສາທາລະນະລັດສັງຄົມນິຍົມຫວຽດນາມ, ທ່ານ ເວືອງດິງເຫວະ ກຳມະການກົມການເມືອງ, ປະທານສະພາແຫ່ງຊາດຫວຽດນາມ

ນອກຈາກນີ້, ທ່ານ ບຸນທອງ ຈິດມະນີ ຍັງໄດ້ປະດັບຫລຽນໄຊເອກະລາດຊັ້ນໜຶ່ງໃຫ້ 11 ສະຫາຍໃນກຳມະການກົມການເມືອງສູນກາງພັກ ແລະ ເລຂາທິການສູນກາງພັກຄອມມິວນິດຫວຽດນາມສະໄໝທີ XIII ຊຶ່ງລວມມີ: ສະຫາຍ ເຈິນເກີມຕູ ກຳມະການກົມການເມືອງ, ເລຂາທິການສູນກາງພັກ, ປະທານກວດກາແຫ່ງລັດ, ສະຫາຍ ຟານດິງຈາກ ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການວຽກພາຍໃນຂອງສູນກາງພັກ, ສະຫາຍ ເຈິນຕວັນແອັງ ກຳມະການກົມການເມືອງ, ຫົວໜ້າຄະນະກຳມະການເສດຖະກິດຂອງສູນກາງ, ສະຫາຍ ຟານວັນຢາງ ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດ, ສະຫາຍ ຫງວຽນຊວັນທັງ ກຳມະການກົມການເມືອງ, ຫົວໜ້າສະຖາບັນການເມືອງແຫ່ງຊາດ ໂຮຈິມິນ, ປະທານທິດສະດີສູນກາງ, ສະຫາຍ ດິງຕຽນຢຸງ ກຳມະການກົມການເມືອງ, ເລຂາພັກນະຄອນຫລວງ ຮ່າໂນ້ຍ, ສະຫາຍ ຫງວຽນຈອ໊ງເງຍ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ສະຫາຍ ບຸຍຖິມິງຮວາຍ ເລຂາທິການສູນກາງພັກ, ປະທານຂົນຂວາຍປະຊາຊົນຂອງສູນກາງພັກ, ສະຫາຍ ວໍວັນຈຽນ ເລຂາທິການສູນກາງພັກ, ປະທານຄະນະກຳມະການແວໂຮມແຫ່ງຊາດຫວຽດນາມ, ສະຫາຍ ເລມິງຄ້າຍ ເລຂາທິການສູນກາງພັກ, ຮອງນາຍົກລັດຖະມົນຕີ, ສະຫາຍ ເລມິງຮຶງ ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ.

ແຫລ່ງຂ່າວ: ສຳນັກງານຂ່າວສານ ຫວຽດນາມ ແລະ ສາກົນ