ສື່ຝຣັ່ງຕີຂ່າວ ເມສຊີ່ ຂາດຊ້ອມກັບ ເປແອສເຊ ໂດຍບໍ່ມີສາເຫດ ທ່າມກາງ ກະແສຂ່າວການຍ້າຍທີມ

ວັນທີ 17 ມີນາ 2023, ເລີກິບ ສື່ດັງຂອງຝຣັ່ງລາຍງານວ່າ ລີໂອເນວ ເມສຊີ່ ດາວເຕະແຊ້ມໂລກ 2022 ຂອງ ປາຣີ ແຊັງແຊກແມັງ ຂາດການຝຶກຊ້ອມກັບທີມໂດຍບໍ່ຮູ້ສາເຫດທີ່ຊັດເຈນ. ໃນບັນດາຂ່າວລືກ່ຽວກັບການຍ້າຍທີມມາໂດຍຕະຫລອດ.

ເມສຊີ່ ເຮັດຜົນງານໄດ້ຢ່າງດີເລີດ. ຫລັງຍິງໄດ້ 18 ປະຕູ ແລະ 17 ແອສຊີສຈາກການລົງຫລິ້ນ 31 ນັດໃນລະດູການ 2022-23.

ໂດຍທາງສື່ດັ່ງກ່າວບໍ່ໄດ້ລະບຸວ່າຍ້ອນຫຍັງ ແລະ ກຳລັງກວດສອບກັບແຫລ່ງຂ່າວທີ່ໃກ້ຊິດຂອງ ເມສຊີ່ ເຊິ່ງກ່ອນໜ້ານີ້ມີຂ່າວລືວ່າຈະຍ້າຍທີມ. ນອກຈາກນັ້ນສັນຍາໃນປະຈຸບັນຍັງບໍ່ມີແນວໂນ້ມທີ່ຈະຂະຫຍາຍອອກໄປແຕ່ຢ່າງໃດ. ເຖິງແມ່ນວ່າສັນຍາຈະຫມົດອາຍຸຫລັງຈາກເດືອນມິຖຸນານີ້.