ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ

- 24167451 1931450383538261 1200191390 o - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ
- AGL banner - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ

ສະໂມສອນສົມສະໜຸກຟາມ ເອັຟຊີ ຍັງສາມາດຮັກສາການຫລິ້ນໄດ້ດີຄືເກົ່າ ພາຍຫລັງເອົາຊະນະ ນະຄອນຫລວງ ຢູໄນເຕັດ 4-1 ປະຕູໃນການແຂ່ງຂັນຟຸດຊໍ ລີກ ປະຈໍາປີ 2017 ເມື່ອທ້າຍອາທິດຜ່ານມາ ທີ່ສະໜາມກິລາຟຸດຊໍສະຫະພັນບານເຕະແຫ່ງຊາດ (ສຕລ) ພ້ອມທັງເກັບເພີ່ມເປັນ 6 ຄະແນນຈາກການລົງສະໜາມຄັ້ງທີ 2 ພ້ອມທັງຍຶດຜູ້ນໍາຕາຕະລາງຄະແນນລວມຕໍ່ໄປ.

ສະໂມສອນ ສົມສະໜຸກຟາມ ເອັຟຊີ ເດີນໜ້າສ້າງຜົນງານຢ່າງໂດດເດັ່ນ ລົງສະໜາມຄັ້ງທໍາອິດສາມາດເອົາຊະນະສະໂມສອນ ກຣິນ ໄລເດີ ເອັຟຊີ 13-2 ປະຕູ ເກັບ 3 ຄະແນນທໍາອິດ ແລະ ຫລ້າສຸດລົງສະໜາມພົບກັບ ນະຄອນລວງ ຢູໄນເຕັດ ອີກ 1 ຕົວເຕັງ ທີ່ມີ 3 ຄະແນນເທົ່າກັນ ຜົນປາກົດວ່າ ສົມສະໜຸກຟາມ ເອັຟຊີ ສ້າງຜົນງານໄດ້ຢ່າງໂດດເດັ່ນສາມາດເອົາຊະນະ ນະຄອນຫລວງ ຢູໄນເຕັດ ໄດ້ຢ່າງສະບາຍ 4-1 ຈາກການຍິງຂອງ ທ້າວ ນິດນິລັນ ຈັນຈະເລີນ, ທ້າວ ວິລັດ ຈັນທະວົງສາ ແລະ ທ້າວ ວັນນະສອນ ລຳໄຊ ຍິງ 2 ປະຕູ, ສ່ວນນະຄອນຫລວງ ຢູໄນເຕັດ ໄດ້ປະຕູຈາກ ຈັນສະໝອນ ພົມມະລີວົງ.

ສໍາລັບຜົນການແຂ່ງຂັນຂອງອີກ 3 ຄູ່ປະຈໍາອາທິດຜ່ານມາມີດັ່ງນີ້: ດີເຄ ເອັຟຊີ ຊະນະ ເອັຟຊີ ລັກກີ້ 9-3, ສູນກິລາສະເຕດ້ຽມ ເອັຟຊີ ຖະຫລົ່ມ ກຣີນ ໄລເດີ ເອັຟຊີ 11-4 ແລະ ເອັສທີທີ ເອັຟຊີ ຖະຫລົ່ມ ມະຫາວິທະຍາໄລ ວິທະຍາສາດ ສຸຂະພາບ 10-1.

ຈາກຜົນດັ່ງກ່າວ ເຮັດໃຫ້ ສົມສະໜຸກຟາມ ເກັບເພີ່ມເປັນ 6 ຄະແນນຈາກການຊະນະ 2 ຄັ້ງ ເທົ່າກັບ ສູນກິລາສະເຕດ້ຽມ ເອັຟຊີ ແລະ ດີເຄ ເອັຟຊີ, ແຕ່ ສົມສະໜຸກຟາມ ມີປະຕູໄດ້ເສຍດີກວ່າ ຍຶດທີມນໍາຕາຕະລາງຄະແນນລວມເປັນອາທິດທີ 2 ຕິດຕໍ່ກັນ.

ສ່ວນຕາຕະລາງການແຂ່ງຂັນ ຟຸດຊໍ ລີກ 2017 ອາທິດທີ 3 ມີດັ່ງນີ້:

- Wave100S AD to Website 2020 0 - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ

ວັນອັງຄານ 28 ພະຈິກ 2017 ເວລາ 17:00 ໂມງ ສະໂມສອນ ດີເຄ ເອຟຊີ ພົບ ສົມສະໜຸກຟາມ ເອຟຊີ; ເວລາ 18:20 ໂມງ ສູນກິລາສະເຕດ້ຽມ ເອຟຊີ ພົບ ວິທະຍາໄລ ລາວທ໋ອບ.

ວັນພຸດ 29 ພະຈິກ 2017; ເວລາ 17:00 ໂມງ ມວສ ພົບ ກຣີນ ໄລເດີ້ ເອຟຊີ; ເວລາ 18:20 ໂມງ ບຸນເກີດ ສຶກສາ ເອຟຊີ ພົບ ເອຟຊີ ລັກກີ້.

ວັນພະຫັດ 30 ພະຈິກ ເວລາ 17:00 ໂມງ ວິທະຍາໄລ ລາວທ໋ອບ ພົບ ດີເຄ ເອຟຊີ; ເວລາ 18:20 ສົມສະໜຸກຟາມ ເອັຟຊີ ພົບ ເອັສ ທີ ທີ ເອັຟຊີ ແລະ ເວລາ 19:40 ໂມງນະຄອນຫລວງ ຢູໄນເຕັດ ພົບ ສູນກິລາສະເຕດ້ຽມ ເອຟຊີ.

- WhatsApp Image 2020 05 27 at 5 - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ
- WhatsApp Image 2020 05 27 at 5 - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ
- WhatsApp Image 2020 05 27 at 5 - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ
- WhatsApp Image 2020 05 27 at 5 - ສົມສະໜຸກຟາມ ຍັງເປັນຜູ້ນໍາຕາຕະລາງຄະແນນ ອາທິດນີ້ຫລັງຊະນະ 2 ນັດຕິດຕໍ່ກັນ
error: Alert: Content is protected !!