ສະຖານທີ່ທ່ອງທ່ຽວສຳຄັນ ສ.ເກົາຫລີ ຖືກໄຟໄໝ້

ສຳນັກຂ່າວຕ່າງປະເທດລາຍງານວ່າ: ສະຖານທີ່ໂດ່ງດັງ ຢູ່ ສ.ເກົາຫລີ ເຊິ່ງເປັນຈຸດຖ່າຍຮູບຍອດນິຍົມຂອງນັກເດີນປ່າ, ຄອບຄົວ ແລະ ຄູ່ຮັກນັກທ່ອງທ່ຽວ ຖືກໄຟໄໝ້ໝົດທັງຫລັງ.
ໄຟໄໝ້ສາລາ ເວລາ 00:20 ນາທີ ຂອງວັນທີ 2 ກຸມພາ 2025, ສາລາແປດຫລຽມຊັງເຈຮູ (Sangjaeru) ຕັ້ງຢູ່ ມູຈູ ດັອກຢູຊານ ຊອລຊອນ ບົງ ເຊິ່ງເປັນສະຖານທີ່ທ່ອງທ່ຽງສຳຄັນ ຈຸດຖ່າຍຮູບພາບ ສ້າງຂຶ້ນໃນປີ 1977 ເປັນສັນຍາລັກຂອງມູຈູ ດັອກຢູຊານ.
ສາລາໄມ້ດັ່ງກ່າວຕັ້ງຢູ່ທີ່ລະດັບຄວາມສູງຈາກໜ້ານ້ຳທະເລ 1,520 ແມັດ ເຮັດໃຫ້ເຈົ້າໜ້າທີ່ດັບເພີງເຂົ້າເຖິງສະຖານທີ່ດ້ວຍຄວາມຍາກລໍາບາກໃນການເຂົ້າດັບໄຟ. ປັດຈຸບັນ, ເຈົ້າໜ້າທີ່ກຳລັງສອບສວນຫາສາເຫດໄຟໄໝ້ຄັ້ງນີ້ ຍັງບໍ່ມີລາຍງານຜູ້ໄດ້ຮັບບາດເຈັບເພາະຕອນເກີດເຫດເປັນຕອນກາງຄືນ ບໍ່ມີນັກທ່ອງທ່ຽວ.
ພາຍຫລັງເກີດເຫດໄໝ້ ໃນໂຊຊຽວ ໄດ້ມີນັກທ່ອງທ່ຽວຈຳນວນຫລາຍໄດ້ໂພສພາບສະຖານທີ່ແຫ່ງນີ້ ຕອນທີ່ຍັງບໍ່ທັນຖືກໄຟໄໝ້ ແລະ ໄດ້ສະແດງຄວາມຕົກໃຈ ຕໍ່ເຫດການດັ່ງກ່າວ.
ທີ່ມາ: World Forum