ປີທ່ອງທ່ຽວຢ່າໃຫ້ມີສິ່ງອຸດຕັນ

- Picture 006 - ປີທ່ອງທ່ຽວຢ່າໃຫ້ມີສິ່ງອຸດຕັນ
- Untitled design - ປີທ່ອງທ່ຽວຢ່າໃຫ້ມີສິ່ງອຸດຕັນ

ສະບາຍດີ, ເພື່ອນຜູ້ອ່ານທີ່ຮັກແພງ, ກໍດັ່ງພວກເຮົາ ໄດ້ຮັບຮູ້ນຳກັນແລ້ວວ່າ ປີທ່ອງທ່ຽວລາວ 2018 ໄດ້ເປີດຂຶ້ນຢ່າງ ເປັນ ທາງການພ້ອມໆກັບມື້ເລີກງາມຍາມດີ ບຸນນະມັດສະການພະທາດຫລວງເມື່ອທ້າຍເດືອນຕຸລາ ຜ່ານມານີ້, ເປົ້າໝາຍຕົ້ນຕໍຂອງການເປີດປີທ່ອງທ່ຽວລາວກໍເພື່ອ ແນໃສ່ກະຕຸກຊຸກຍູ້ ແລະ ດຶງດູດ ແຂກບ້ານແຂກເມືອງ ເຂົ້າມາ ທ່ຽວລາວ ໃຫ້ຫລາຍຂຶ້ນ, ຕາມ ລະດັບຄາດໝາຍວາງໄວ້ແມ່ນ ເຮັດແນວໃດໃຫ້ສາມາດດຶງດູດ ນັກທ່ອງທ່ຽວໃຫ້ໄດ້ຢ່າງໜ້ອຍ 5 ລ້ານເທື່ອຄົນເຂົ້າມາທ່ຽວລາວ ແລະ ສ້າງລາຍ ຮັບຈາກປີທ່ອງທ່ຽວນີ້ໃຫ້ໄດ້ແຕ່ 900 ລ້ານຫາ ພັນລ້ານໂດລາ.

- 2910255020142 - ປີທ່ອງທ່ຽວຢ່າໃຫ້ມີສິ່ງອຸດຕັນ

+ ໜັງສືພິມ ແລະ ການຕະຫລາດ

+ ດີໃຈເຈົ້າໜ້າທີ່ຈະລາຈອນເຂັ້ມງວດຕໍ່ຈັນຍາບັນຜູ້ຂັບຂີ່

- Wave100S AD to Website 2020 0 - ປີທ່ອງທ່ຽວຢ່າໃຫ້ມີສິ່ງອຸດຕັນ

 

ແຕ່ ເພື່ອບັນລຸຕົວ ເລກຄາດໝາຍດັ່ງກ່າວ, ມັນຈິ່ງ ຮຽກຮ້ອງໃຫ້ທຸກພາກສ່ວນໃນ ທົ່ວສັງຄົມເປັນເຈົ້າການສ້າງສິ່ງ ອຳນວຍຄວາມສະດວກຕ່າງໆ, ຕ້ອນຮັບແຂກບ້ານແຂກເມືອງ ດ້ວຍຮ້ອຍຍິ້ມແຫ່ງມິດຕະພາບ ອັນອົບອຸ່ນ ແລະ ສະໜິດສະໜົມ. ແຕ່ກໍໜ້າເສຍ ດາຍພາຍ ຫລັງ ເປີດ ປີທ່ອງທ່ຽວມາພຽງປະມານ 2 ເດືອນກໍມີຫາງສຽງຕ່າງໆສ່ອງ ແສງມາຫາເຈົ້າໜ້າທີ່ທ່ອງທ່ຽວ ເອງ, ໃນການສ້າງສິ່ງອຸດຕັນ ຕ່າງໆຄື: ການສະກັດກັ້ນບໍ່ໃຫ້ ລົດພາຍນອກເອົາແຂກຄົນເຂົ້າ ຊົມຫລືການຜ່ານໄປຖ່າຍຮູບໃນ ສະຖານທີ່ທ່ອງທ່ຽວຕ່າງໆ ໃນ ນະຄອນຫລວງວຽງຈັນເຊັ່ນ: ທາດຫລວງ, ອານຸສາວະລີ, ຫໍ ພະແກ້ວ ແລະ ວັດສີສະເກດເລົ່າ ນີ້, ຖ້າໃຜລະເມີດແມ່ນຈະຖືກ ປັບໄໝ, ບາງຄັ້ງກໍມີບິນ ແລະ ຫລາຍຄັ້ງແມ່ນບໍ່ມີບິນ ໂດຍອ່າງ ວ່າລະບຽບ, ຖ້າແມ່ນລົດທົວກໍ ຕ້ອງມີໄກນຳທ່ຽວ, ຖ້າບໍຈະ ແມ່ນປະເພດໃດກໍຈະຖືກປັບໄໝ ທັງນັ້ນ, ດັ່ງສອງອາທິດຜ່ານມາ ໃນບົດຂຽນຂອງ ໜັງສືພິມລາວ ພັດທະນາພວກເຮົາກໍໄດ້ເວົ້າເຖິງ ບັນຫານີ້ ແລະ ມີເພື່ອນຜູ້ອ່ານ ມີຄຳເຫັນສອງແສງມານັບ ເປັນ 200-300 ຄຳເຫັນໂດຍ ສ່ວນຫລາຍລ້ວນແລ້ວ ແຕ່ສ່ອງ ແສງເຖິງການ ປະພຶດທີ່ບໍ່ສອດ ຄ່ອງຂອງເຈົ້າໜ້າທີ່ຮັກສາ ຄວາມສະຫງົບດ້ານທ່ອງທ່ຽວ, ມີຫລາຍກໍລະນີເຈົ້າໜ້າທີ່ເລົ່າ ນັ້ນ ໄດ້ອອກໄປລັດກວດລົດຂອງ ນັກທ່ອງທ່ຽວຫລາຍຄົນເຂົ້າມາ ວຽງຈັນແຕ່ເພິ່ນມີປະສົງຢາກໄປ ທ່ຽວນ້ຳງື່ມ, ກິນອາຫານລ່ອງ ເຮືອທ່າງ່ອນ ແລະ ອື່ນໆ ກໍລ້ວນ ແຕ່ ຖືກ ສະກັດກັ້ນ ແລະ ປັບໄໝ ຈາກເຈົ້າໜ້າທີ່ເລົ່ານັ້ນ ແລະ ບາງ ຄຳເຫັນສ່ອງແສງມາວ່າ: ເປັນ ຫຍັງເບື້ອງມະຫາພາກ ຈິ່ງປະ ປ່ອຍໃຫ້ມີການ ເຄື່ອນໄຫວ ແລະ ການປະພຶດຂອງ ເຈົ້າໜ້າທີ່ແບບ ນີ້, ມັນເປັນສິ່ງສະກັດກັ້ນ ແລະ ອຸດຕັນການທ່ອງທ່ຽວລາວເຮົາ ຢ່າງແທ້ຈິງ. ດ່ັງນັ້ນຈິ່ງເຫັນສົມ ຄວນເບື້ອງລັດຈະຕ້ອງໄດ້ເລັ່ງ ແກ້ໄຂ, ກໍດັ່ງຢູ່ກອງປະຊຸມລະ ຫວ່າງພາກລັດເບື້ອງທ່ອງທ່ຽວ ແລະ ຜູ້ປະກອບການໂຮງແຮມ ທ່ອງທ່ຽວທີ່ໄດ້ຈັດຂຶ້ນຢູ່ນະຄອນ ຫລວງວຽງຈັນໃນຜ່ານມາໝໍ່ໆ ນີ້, ຫາງສຽງສ່ວນຫລາຍກໍ ສະເໜີໃຫ້ມີການແກ້ໄຂປະກົດ ການຫຍໍ້ທໍ້ນີ້ໃຫ້ໜົດໄປເພື່ອການ ທ່ອງທ່ຽວລາວຈະໄດ້ສົດໃສ ແລະ ເບີກບານຍິ່ງໆຂຶ້ນ.

 

- WhatsApp Image 2020 05 27 at 5 - ປີທ່ອງທ່ຽວຢ່າໃຫ້ມີສິ່ງອຸດຕັນ
- WhatsApp Image 2020 05 27 at 5 - ປີທ່ອງທ່ຽວຢ່າໃຫ້ມີສິ່ງອຸດຕັນ
error: Alert: ເນື້ອຫາຂ່າວມີລິຂະສິດ !!