ໄຂງານວາງສະແດງຮູບພາບສາຍພົວພັນຫວຽດນາມ-ລາວ

- photo show - ໄຂງານວາງສະແດງຮູບພາບສາຍພົວພັນຫວຽດນາມ-ລາວ
- Untitled design - ໄຂງານວາງສະແດງຮູບພາບສາຍພົວພັນຫວຽດນາມ-ລາວ

ງານວາງສະແດງຮູບພາບພາຍ​ໃຕ້​ຫົວ​ຂໍ້: “ສາຍ​ພົວພັນຫວຽດນາມ-ລາວໜັກ​ແໜ້ນ, ຍືນ​ຍົງ​ກວ່າ​ພູ​ເຂົາ​ກ້າ, ກວ່າ​ແມ່ນ້ຳລຳ​ເຊ”. ເພື່ອສະເຫລີມສະຫລອງ 2 ວັນປະຫວັດສາດຄື: ວັນສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ 55 ປີ (5 ກັນຍາ 1962-5 ກັນຍາ 2017) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມຄົບຮອບ 40 ປີ (18 ກໍລະກົດ 1977-15 ກໍລະກົດ 2017) ໄດ້ໄຂຂຶ້ນຢ່າງເປັນທາງການໃນວັນທີ 6-9 ທັນວານີ້, ທີ່ຫໍວັດທະນາທໍາແຫ່ງຊາດນະຄອນຫລວງວຽງຈັນ, ໂດຍມີທ່ານ ຫງວຽນ ດຶກ ເລີ້ຍ ກໍາມະການສູນກາງພັກກອມມູນິດຫວຽດນາມ ຜູ້ອໍານວຍການໃຫຍ່ສໍານັກຂ່າວສານຫວຽດນາມ, ທ່ານ ສະຫວັນຄອນ ຣາຊະມົນຕຣີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ສູນທອນ ຄັນທະວົງ ອໍານວຍການໃຫຍ່ສໍານັກຂ່າວສານປະເທດລາວ, ພ້ອມດ້ວຍການນໍາພັກ-ລັດ, ພາກສ່ວນກ່ຽວຂ້ອງ ແລະ ມວນຊົນເຂົ້າຮ່ວມຈໍານວນຫລາຍ.

ທ່ານອໍານວຍການໃຫຍ່ສໍານັກຂ່າວສານຫວຽດນາມ ໄດ້ມີຄໍາເຫັນຕໍ່ພິທີວ່າ:  ປີ 2017 ແມ່ນປີມິດຕະພາບລາວ-ຫວຽດນາມ-ຫວຽດນາມ-ລາວ, ເພື່ອໃຫ້ສະມາຊິກພັກ-ພະນັກງານ ແລະ ປະຊາຊົນສອງຊາດໄດ້ເຂົ້າໃຈເລິກເຊິ່ງຕໍ່ສາຍພົວພັນມິດຕະພາບດັ່ງກ່າວ, ດັ່ງນັ້ນ, ສໍານັກຂ່າວສານຫວຽດນາມ-ລາວ ຈຶ່ງໄດ້ຮ່ວມກັນຈັດງານວາງສະແດງຮູບພາບຄັ້ງນີ້ຂຶ້ນ, ໂດຍໄດ້ຄັດເລືອກເອົາຮູບພາບທີ່ມີຄວາມໂດດເດັ່ນ ແລະ ມີຄວາມໝາຍປະຫວັດສາດຫລາຍກວ່າ 100 ພາບມາວາງສະແດງ ແລະ ກ່ອນໜ້ານີ້, ຮູບພາບດັ່ງກ່າວແມ່ນໄດ້ຖືກວາງສະແດງຢູ່ນະຄອນຫລວງຮ່າໂນ້ຍ ສສ ຫວຽດນາມ, ຊຶ່ງສາມາດດຶງດູດຄວາມສົນໃຈຈາກບັນດາການນໍາພັກ-ລັດ ແລະ ປະຊາຊົນຫວຽດນາມຢ່າງຫລວງຫລາຍ.

ທ່ານຮອງລັດຖະມົນຕີກະຊວງຖະແຫລ່ງຂ່າວ, ວັດທະນາທໍາ ແລະ ທ່ອງທ່ຽວ ສະຫວັນຄອນ ຣາຊະມົນຕຣີ ໄດ້ມີຄໍາເຫັນວ່າ: ງານວາງສະແດງຮູບພາບ ຄັ້ງນີ້, ບໍ່ພຽງແຕ່ສະແດງໃຫ້ເຫັນໄຊຊະນະ ແລະ ໝາກຜົນແຫ່ງການພົວພັນຮ່ວມມືທີ່ເປັນມູນເຊື້ອລະຫວ່າງສອງປະເທດລາວ-ຫວຽດນາມເທົ່ານັ້ນ, ຍັງສ່ອງແສງໃຫ້ເຫັນການຮ່ວມມືຢ່າງສະໜິດສະໜົມລະຫວ່າງສໍານັກຂ່າວສານປະເທດລາວ ແລະ ຫວຽດນາມ ທີ່ມີມາແຕ່ດົນນານນັບແຕ່ສະໄໝຕໍ່ສູ້ກູ້ຊາດໃນເມື່ອກ່ອນ ກໍຄືໄລະຍະແຫ່ງການປົກປັກຮັກສາ ແລະ ສ້າງສາປະເທດຊາດໃນປັດຈຸບັນ.

ຮູບພາບ​ທີ່​ຊົງ​ຄຸນຄ່າ, ເຊິ່ງມີທັງຮູບສີ ​ແລະ ຂາວ​ດຳ ທີ່ນໍາມາວາງສະແດງນີ້, ​ລ້ວນແຕ່ສ່ອງ​ແສງ​ຄວາມ​ມີ​ຊີວິດ​ຊີວາ ​ແລະ ​ເລິກ​ເຊິ່ງ​ໃນ​ໄລຍະ​ເວລາ​ກວ່າ​ເຄິ່ງສະຕະວັດ​ທີ່​ມີ​ຄວາມ​ສະໜິດ​ຕິດ​ພັນ, ຄຽງ​ບ່າ​ຄຽງ​ໄຫລ່​ລະຫວ່າງ​ພັກ ​ແລະ ປະຊາຊົນ​ສອງ​ຊາດຫວຽດນາມ-ລາວ ​ໃນ​ການ​ຕໍ່ສູ້​ຍືດ​ເຍື້ອຍາວ​ນານ​ຕ້ານ​ພວກ​ລ່າ​ເມືອງ​ຂຶ້ນ, ຈັກກະພັດ​ຜູ້​ມາ​ຮຸກ​ຮານ, ປົດ​ປ່ອຍປະ​ເທດ​ຊາດ​ຂອງ​ແຕ່ລະ​ປະ​ເທດ ​ແລະ ສາຍ​ພົວພັນ​ໄມຕີ​ຈິດ​ມິດຕະພາບ, ຄວາມ​ສາມັກຄີ​ແບບ​ພິ​ເສດ​ລະຫວ່າງ​ສອງ​ປະ​ເທດ, ສອງ​ຊາດ​ອ້າຍ​ນ້ອງຫວຽດນາມ-ລາວ ທີ່​ເຄີຍ​ຜ່ານ​ການ​ທົດ​ສອບ, ຫລໍ່​ຫລອມ ​ແລະ ປັບປຸງ, ພັດທະນາ​ຢ່າງ​ບໍ່​ຢຸດ​ຢັ້ງຜ່ານ​ຊຸມ​​ປີ​ສົງຄາມ​ທີ່​ດຸ​ເດືອດ​ຮ້າຍ​ແຮງ ກໍ​ຄື​ໃນ​ພາລະກິດ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ​ໃນ​ປັດຈຸບັນ. ອັນພົ້ນເດັ່ນທີ່ຫາຊົມໄດ້ຍາກແມ່ນບັນດາ​ພາບ​ຖ່າຍ ປະທານ ​ໂຮ່ຈີ​ມິ​ງ ພົບ​ປະ​ແລກປ່ຽນ​ກັບ​ປະທານ ສຸພາ​ນຸວົງ ຢູ່​ເຂດ​ຕໍ່ຕ້ານ​ຫວຽດບັກໃນປີ 1949 ແລະ ກັບ​ເລຂາທິການ​ໃຫຍ່ ​ໄກສອນ ພົມວິຫານ ຢູ່​ຮ່າ​ໂນ້ຍປີ 1966, ຮູບ​ພາບ​ບັນດາ​ການ​ນຳ​ສອງ​ປະ​ເທດ​ລຸ້ນຕ່າງໆ​ໄດ້​ຄຽງ​ບ່າ​ຄຽງ​ໄຫລ່​ກັນ​ໃນ​ແຕ່ລະ​ໄລຍະ, ​ແຕ່​ລະສະ​ໄໝ​ຂອງ​ການ​ປະຕິວັດ, ບັນດາ​ສັນຍາ, ສົນທິສັນຍາ, ຂໍ້​ຕົກລົງ​ຮ່ວມ​ມື​ໄດ້​ຮັບ​ການ​ລົງ​ນາມ, ບັນດາ​ຜົນສຳ​ເລັດ​ທີ່​ໃຫຍ່​ຫລວງ​ໃນ​ທຸກ​ຂົງ​ເຂດ​ເຊັ່ນ: ການ​ເມືອງ, ປ້ອງ​ກັນຊາ​ດ, ປ້ອງ​ກັນ​ຄວາມ​ສະຫງົບ, ​ເສດຖະກິດ, ວັດທະນະທຳ, ສັງຄົມ ລະຫວ່າງ​ສອງ​ປະ​ເທດ ​ເຊິ່ງນັກ​ຂ່າວ​ສຳນັກ​ຂ່າວສານ​ຫວຽດນາມ​ບັນທຶກ​ໄວ້​ຢ່າງ​ມີ​ຊີວິດ​ຊີວາ ​ແລະ ຊື່​ຕົງ​ທີ່​ສຸດ​ ດ້ວຍ​ຄວາມ​ສາມາດ ​ແລະ ນ້ຳຈິດ​ນ້ຳ​ໃຈ​ຂອງ​ຕົນ, ປະກອບສ່ວນ​ຢືນຢັນ​ຄວາມ​ສາມັກຄີ, ມິດຕະພາບ​ແບບ​ພິ​ເສດ, ການ​ຮ່ວມ​ມື​ຮອບດ້ານ, ​ເປັນ​ແຫ​ລ່ງກຳລັງ​ແຮງ​ຢ່າງ​ໃຫຍ່​ຫລວງ, ​ເປັນ​ຊັບ​ສົມບັດ​ອັນ​ລ້ຳຄ່າ​ທີ່​ພັກ ​ແລະ ປະຊາຊົນ​ສອງ​ປະ​ເທດ​ຍາມ​ໃດ​ກໍ​ນັບຖື​ຢ່າງ​ສູງ ​ແລະ ​ເພີ່ມ​ພູນ​ຄູນ​ສ້າງນັບມື້ກ້າວສູ່ລວງເລິກ. 55 ປີຜ່ານມາ, ຜ່ານ​ການ​ຜັນ​ແປ​ປ່ຽນ​ແປງ​ຂອງ​ປະຫວັດສາດບໍ່​ຈັກ​ວ່າ​ເທົ່າ​ໃດ, ບໍ່​ວ່າ​ໃນ​ສະພາບ​ການ​ໃດ, ບໍ່​ວ່າ​ສິ່ງ​ທົດ​ສອບ​ໃດ, ຄວາມ​ໄມຕີ​ຈິດ​ມິດຕະພາບ ​ແລະ ຄວາມ​ສາມັກຄີ​ແບບ​ພິ​ເສດ ລາວ-ຫວຽດນາມ ຍາມ​ໃດ​ກໍ​ຍັງ​ຄົງ​ໜັກ​ແໜ້ນ, ໝັ້ນ​ແກ່ນ, ​ເປັນ​ສາຍ​ພົວພັນ​ທີ່​ເປັນ​ແບບຢ່າງ, ສັດ​ຊື່​ບໍລິສຸດ ​ແລະ ຫາ​ຍາກ ຈະ “ຍືນ​ຍົງ​ກວ່າ​ພູ​ເຂົາ​ກ້າ, ກວ່າ​ແມ່ນ້ຳລຳ​ເຊ”. ຄວາມ​ຈິງ​ດັ່ງກ່າວ, ຄວາມ​ເຊື່ອ​ໝັ້ນດັ່ງກ່າວ ​ບັນດາ​ນັກ​ຂ່າວ, ນັກ​ໜັງສືພິມ​ສຳນັກ​ຂ່າວສານ​ຫວຽດນາມ​ໄດ້ສ່ອງ​ແສງ, ຢັ້ງຢືນ ​ແລະ ຝາກຝັງ​ໄວ້​ຜ່ານ​ງານ​ວາງສະ​ແດງ​ຄັ້ງສໍາຄັນນີ້.

+ຂ່າວສານ​ ລາວ-ຫວຽດນາມ ​ເພີ່ມ​ທະວີ​ຮ່ວມ​ມື​ສອງ​ຝ່າຍ

- Wave100S AD to Website 2020 0 - ໄຂງານວາງສະແດງຮູບພາບສາຍພົວພັນຫວຽດນາມ-ລາວ

+ກະຊວງຍຸຕິທໍາລາວ-ຫວຽດນາມສະຫຼອງການຮ່ວມມືຄົບຮອບ 35 ປີ

 

- WhatsApp Image 2020 05 27 at 5 - ໄຂງານວາງສະແດງຮູບພາບສາຍພົວພັນຫວຽດນາມ-ລາວ
- WhatsApp Image 2020 05 27 at 5 - ໄຂງານວາງສະແດງຮູບພາບສາຍພົວພັນຫວຽດນາມ-ລາວ
error: Alert: ເນື້ອຫາຂ່າວມີລິຂະສິດ !!