ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ

ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ - scdgglm3 copy - ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ
ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ - Untitled design - ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ

​​ພິທີ​ມອບ-ຮັບ​ໜ້າ​ທີ່​ຜູ້ອຳນວຍການ​ສະໜາມກິລາ​ແຫ່ງ​ຊາດ ລະຫວ່າງທ່ານ ສີທາ ຈູ​ຢາ​ປະ​ເສີດ ຮັກສາ​ການ​ຜູ້ອຳນວຍການ​ສະໜາມກິລາ​ແຫ່ງ​ຊາດ ​ແລະ ທ່ານ ສຸ​ລິ​ວັນ ​ເຊີນ​ວິ​ໄລ ຜູ້​ໃໝ່ ​ໄດ້​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ​ໂດຍການເຂົ້າຮ່ວມ​ຂອງ​ທ່ານ ບົວ​ລານ ສິລິ​ປັນຍາ ຮອງ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ.

​ທ່ານ ສີທາ ຈູ​ຢາ​ປະ​ເສີດ ລາຍ​ງານ​ວ່າ: ສະໜາມກິລາ​ແຫ່ງນີ້ປະກອບ​ມີກິລາ​ບານ​ເຕະ 2 ສະໜາມ, ກິລາ​ລອຍນ້ຳ 3 ສະໜາມ, ກິລາ​ເຕັນ​ນິສ 1 ສະໜາມ, ກິລາດອກ​ປີກ​ໄກ່ 1 ສະໜາມ, ກິລາ​ບານ​ສົ່ງ 1 ສະໜາມ, ກິລາ​ບານ​ສົ່ງ​ຫາດ​ຊາຍ 1 ສະໜາມ, ກິລາ​ຍິງ​ປືນ 1 ສະໜາມ ​ແລະ ກິລາ​ຍິງ​ທະນູ 1 ສະໜາມ. ພາຍຫລັງ​ສິ້ນສຸດ​ງານ​ແຂ່ງຂັນ​ກິລາ​ຊີ​ເກ​ມ ຄັ້ງທີ 25 ​ໃນ​ປີ 2009, ສະໜາມ​ແຫ່ງນີ້​ຍັງ​ໄດ້​ຮອງ​ຮັບການຈັດ​ງານ​ສະ​ເຫລີ​ມສະຫລອງ​ນະຄອນຫລວງ​ວຽງ​ຈັນ ຄົບຮອບ 450 ປີ ​ໃນ​ປີ 2010 ​ຈົນ​ໄດ້​ຮັບ​ຜົນສຳ​ເລັດ​ຈົບງາມ.

ທ່ານ ສຸ​ລິວ​ັນ ​ເຊີນ​ວິ​ໄລ ກ່າ​ວວ່າ: ສຳລັບ​ແຜນພັດທະນາ​ຄຸ້ມ​ຄອງ​ໃນ​ຕໍ່​ໜ້ານີ້ ຈະ​​ເລັ່ງ​​ໃສ່​ການ​ອະນາ​ໄມ​ອາຄານ​ສະ​ລອຍນ້ຳທັງ​ໝົດ ​ແລະ ບຳບັດ​ນ້ຳ​ໃຫ້​ສາມາດ​ນຳ​ໃຊ້​ໄດ້ ​ເພື່ອເປີດ​ບໍລິການຮັບ​ໃຊ້​ງານ​ແຂ່ງຂັນ​ກິລາ​ແຫ່ງ​ຊາດ ຄັ້ງທີ 11 ​ໃນ​ເດືອນ​ພະຈິກ 2018 ​ແລະ ການ​ຝຶກ​ສອນ​ນັກ​ກິລາລອຍນ້ຳ​ເຍົາວະ​ຊົນ ພ້ອມ​ທັງ​ຮັບ​ໃຊ້​ການ​ຝຶ​ກ​ແອບ​ນັກ​ກິລາ​ທີ​ມຊາດ, ສ້ອມ​ແປງ​ແກ້​ໄຂ​ລະບົບ​ນ້ຳປະປາ​ທີ່​ເປ່​ເພ​ເສຍ​ຫາຍ ​ເພື່ອ​ຮັບປະກັນ​ການ​ໃຊ້​ຈ່າຍ​ຄ່າ​ນ້ຳ​ໃຫ້​ປະຢັດ ​ແລະ ​ໄຟຟ້າ​ແສງ​ສະຫວ່າງ​ພາຍ​ໃນ​ສະໜາມກິລາ​ຈຳນວນ​ໜຶ່ງ, ບົວລະບັດ​ສະໜາມ​ຫຍ້າ ​ແລະ ສວນ​ດອກ​ໄມ້​ໃຫ້​ມີ​ສີຂຽວ​ກາຍ​ເປັນ​ສວນ​ສຸຂະພາບ ພ້ອມ​ທັງ​ສາມາດ​ຈັດ​ກິດຈະກຳ​ຕ່າງໆ​ດ້ານ​ກິລາ ​ເພື່ອນຳ​ໃຊ້ໃຫ້​ເກີດ​ປະ​ໂຫຍ​ດສູງ​ສຸດ ​ແລະ ​ເປີດ​ກວ້າງ​ການ​ບໍລິການ​ສັງຄົມ​ໃນ​ການ​ສ້າງ​ກິດຈະກຳ​ຕ່າງໆ​ໃຫ້​ໄດ້​ດີ​ຍິ່ງ​ຂຶ້ນ.

ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ - Wave100S AD to Website 2020 0 - ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ
ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ - WhatsApp Image 2020 05 27 at 5 - ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ
ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ - WhatsApp Image 2020 05 27 at 5 - ມອບ-ຮັບໜ້າທີ່ຜູ້ອຳນວຍການ ສະໜາມກິລາແຫ່ງຊາດ
error: Alert: ເນື້ອຫາຂ່າວມີລິຂະສິດ !!