68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ

- Head of media - 68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ
- Untitled design - 68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ

​ໃນ​ວັນ​ທີ 8 ສິງຫານີ້, ທ່ານ ປິ່ນ​ປາດ​ຖ​ະໜາ ພັນທະ​ມາລີ ຫົວໜ້າກົມ​ສື່​ມວນ​ຊົນ ​ໄດ້​ໃຫ້​ສຳພາດ​ຕໍ່ສື່​ມວນ​ຊົນ​ເນື່ອງ​ໃນ​ໂອກາດ​ວັນ​ສ້າງ​ຕັ້ງ​ສື່​ມວນ​ຊົນລາວ​ຄົບຮອບ 68 ປີ (13 ສິງຫາ 1950-13 ສິງ​ຫາ 2018) ຢູ່ທີ່ກະຊວງຖະແຫລງຂ່າວວ່າ: ຜ່ານເສັ້ນທາງອັນຍືດເຍື້ອຍາວນານແຫ່ງການສ້າງ ແລະ ພັດທະນາ ສື່ມວນຊົນເຮົາໄດ້ມີການເຕີບໃຫຍ່ຂະຫຍາຍຕົວ ແລະ ຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະກ້າວ, ​ທັງ​ສື່​ສິ່ງ​ພິມ ​ແລະ ​ເອ​ເລັກ​ໂຕ​ນິກ, ຊຶ່ງໄດ້ກາຍ​​ເປັນ​ກະບອກ​ສຽງສໍາຄັນຂອງ​ພັກ-ລັດ ​ແລະ ສັງຄົມ, ​ມາ​ຮອດ​ປັດຈຸບັນ​ມີສື່​ສິ່ງ​ພິມ ​ແລະ ວາລະສານ 144 ສະບັບ, ​ໃນ​ນັ້ນມີໜັງສື​ພິມ 29 ສະບັບ, ສະ​ເພາະ​ລາຍ​ວັນ 11 ສະບັບ, ວິທະຍຸ​ກະຈາຍສຽງມີ 63 ສະຖານີ, ສູ​ນກາງ 11 ສະຖານີ ​ແລະ ທ້ອງ​ຖິ່ນ 52 ສະຖານີກະຈາຍສູ່ພາກພື້ນດິນກວມ 95%, ​ໂທລະພາບມີ 37 ສະຖານີ, ໃນນັ້ນຢູ່ສູນ​ກາງ​ມີ 9 ສະຖານີ ​ແລະ ທ້ອງ​ຖິ່ນ​ 28 ສະຖານີ, ສາມາດກະຈາຍຜ່ານດາວທຽມກວມ 100% ແລະ ຜ່ານມາ​ສັງ​ເກດ​ເຫັນໄດ້​ວ່າ: ສື່​ມວນ​ຊົນລາວ ​ໄດ້​ປະກອບ​ສ່ວນ​ຢ່າງ​ຕັ້ງໜ້າເຂົ້າ​ໃນ​ການ​ໂຄສະນາ​ແນວທາງ​ນະ​ໂຍບາຍ​ຂອງ​ພັກ-ລັດ ແລະ ແຜນພັດທະນາເສດຖະກິດ-ສັງຄົມຂອງຊາດ, ໂດຍ​ສະ​ເພາະ​ໃນ​ປີ 2018 ນີ້, ສື່​ມວນ​ຊົນ​ໄດ້​ສຸມ​ໃສ່​ໂຄສະນາ​ແກ່​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ຄັ້ງ​ທີ X ຂອງ​ພັກ​ເຄິ່ງສະ​ໄໝ, ການ​ຈັດ​ກິດຈະກຳ​ເປີດ​ປີ​ທ່ອງ​ທ່ຽວລາວ 2018 ທັງຢູ່ພາຍ​ໃນ ​ແລະ ຕ່າງປະ​ເທດ, ພິ​ເສດ​ແມ່ນ​ການສະ​ເຫລີ​ມສະຫລອງ​ສຽງ​ແຄນ​ເຊື້ອຊາດ​ລາວ​ເປັນ​ມໍລະດົກ​ໂລກ, ອັນ​ໄດ້​ເຮັດ​ໃຫ້​ທົ່ວ​ໂລກຮັບຮູ້​ສື່ສຽງ ​ແລະ ວັດທະນະທຳ​ຮີດຄອງປະເພນີອັນ​ດີງາມ​ຂອງ ສປປ ລາວ.

ຫົວໜ້າກົມ​ສື່​ມວນ​ຊົນ ​ໃຫ້​ຮູ້​ວ່າ: ປັດຈຸບັນ, ສື່​ມວນ​ຊົນ​ພາກພື້ນ ​ແລະ ​ໃນ​ໂລກມີ​ການ​ຂະຫຍາຍຕົວ​ຢ່າງ​ວ່ອງ​ໄວ, ​ໃນ​ການ​ເຊື່ອມຕົວ​ເຂົ້າ​ສູ່​ລະບົບ​ທັນ​ສະ​ໄໝ, ​ເຊິ່ງ​ເປັນ​ການ​ຊຸກ​ຍູ້​ໃຫ້​ສື່​ມວນ​ຊົນ​ລາວຕ້ອງ​ໄດ້​ບຸກບືນ ​ແລະ ປັບປຸງ​ຕົນ​ເອງ​ໃຫ້​ທັນ​ສະ​ໄໝກັບ​ຍຸກ​ເຕັກ​ໂນ​ໂລ​ຊີ. ພ້ອມ​ນັ້ນ ການ​ພັດທະນາ​ບຸກຄະລາ​ກອນໃນ​ທຸກ​ດ້ານ​ກໍ​ຕ້ອງ​​ໃຫ້​ມີ​ຄວາມ​ຮູ້, ຄວາມ​ສາມາດ, ເອົາໃຈໃສ່ພັດທະນາ​ພຶ້ນຖານ​ໂຄງ​ລ່າງ, ຕອບສະໜອງວັດຖຸ​ອຸປະກອນ​ຮັບ​ໃຊ້ໜ້າທີ່​ວຽກງານຂອງສື່ມີຄຸນນະພາບດີຂຶ້ນ ແລະ ສາມາດຮອງຮັບ​ຄວາມ​ຮຽກຮ້ອງ​ຕ້ອງການ​ຂອງ​ວຽກງານໃນໄລຍະໃໝ່ນີ້, ພິເສດແມ່ນຈະຕ້ອງໄດ້ເພີ່ມທະວີ​ນຳພາ​ແນວ​ຄິດ​ການ​ເມືອງໃຫ້ຜູ້ເຮັດວຽກງານສື່ໃຫ້ໜັກແໜ້ນ ຖ້າ​ບໍ່​ກໍ​ຈະ​ນຳ​ໃຊ້​ໄປ​ໃນ​ທາງ​ທີ່​ຜິດ ​ແລະ ບໍ່ມີ​ປະສິດທິ​ຜົນ, ພ້ອມກັນນັ້ນກໍຕ້ອງ​ເຊີດ​ຊູ​ຄວາມ​ຮັບຜິດຊອບ​ທາງ​ດ້ານ​ການ​ເມືອງ​ໃຫ້​ສູງ ແລະ ​ຢຶດໝັ້ນຕາມ​ກົດໝາຍວ່າ​ດ້ວຍສື່​ມວນ​ຊົນ ແລະ ສ້າງຕົນເອງໃຫ້​ເປັນ​ເວທີ​ສະ​ແດງ​ຄວາມ​ຄິດ​ເຫັນ ​ແລະ ສ່ອງ​ແສງ​ສັງຄົມ​ຮັບ​ຮູ້ ​ແລະ ​ເຂົ້າ​ໃຈບັນຫາຕ່າງໆໄດ້ຖືກຕ້ອງ.

- Wave100S AD to Website 2020 0 - 68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ
- WhatsApp Image 2020 05 27 at 5 - 68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ
- WhatsApp Image 2020 05 27 at 5 - 68 ປີສື່​ມວນ​ຊົນ​ລາວໄດ້​ເຕີບ​ໃຫຍ່ຂະຫຍາຍຕົວ
error: Alert: ເນື້ອຫາຂ່າວມີລິຂະສິດ !!