ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ

ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ - advert banner 728 90 728x90 - ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ

      ການ​ແຂ່ງຂັນ​ຄັ້ງນີ້​ຈັດ​ຂຶ້ນ​ໂດຍສະຫະພັນ​ກິລາ​ມວຍ​ປ້ຳ​ແຫ່ງ​ຊາດ​ລາວ ຮ່ວມ​ກັບ ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ ​ເພື່ອ​ເປັນ​ການ​ສືບ​ຕໍ່​ພັດທະນາ​ກິລາ​ມວຍ​ປ້ຳລາວ​ໃຫ້​ກວ້າງຂວາງ ​ແລະ ມີ​ຂະ​ບວນການ​ຟົດຟື້ນ ທັງ​ເປັນ​ການຄົ້ນຫາ​ນັກ​ກິລາ​ລຸ້ນສືບ​ທອດ​ທົດ​ແທນ​ທີ​ມຊາດ​ໃນ​ອະນາຄົດ ​ໂດຍ​ສະ​ເພາະ​ການ​ກະກຽມ​ຄວາມ​ພ້ອມ​ຮອບດ້ານ​ສູ່​ການ​ແຂ່ງຂັນ​ລະດັບ​ຕ່າງໆ​ທັງ​ພາຍ​ໃນ ​ແລະ ຕ່າງປະ​ເທດ ​ເປັນຕົ້ນການ​ແຂ່ງຂັນ​ກິລາ​ແຫ່ງ​ຊາດ ຄັ້ງທີ 11 ທີ່​ແຂວງ​ຊຽງ​ຂວາງ ​ແລະ ຊີ​ເກ​ມ ຄັ້ງທີ 30 ທີ່​ປະ​ເທດ​ຟີ​ລິບ​ປິນ ​ໃນ​ທ້າຍ​ປີ​ນີ້.

      ການ​ແຂ່ງຂັນ​ຄັ້ງນີ້​ຈັດ​ຂຶ້ນ​ໃນ​ວັນ​ທີ 2 ກຸມພາຜ່ານ​ມາ ​ໂດຍ​ມີ​ນັກ​ກິລາ​ຈາກ 4 ສະ​ໂມ​ສອນ​ເຂົ້າຮ່ວມ​ຄື: ກະຊວງ​ປ້ອງ​ກັນ​ປະ​ເທດ, ກະຊວງ​ປ້ອງ​ກັນ​ຄວາມ​ສະຫງົບ, ​ແຂວງ​ຊຽງ​ຂວາງ ​ແລະ ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ ​ເຈົ້າພາບ. ​ແຂ່ງຂັນ 2 ປະ​ເພດ​ຄື: ຟຣີສະ​ຕາຍ ​ແລະ ​ເກັກ​ໂກໂຣມັນ ລວມ 12 ລຸ້ນນ້ຳໜັກ, ຍິງ 4 ລຸ້ນ, ປະ​ເພດ​ຟຣີສະ​ຕາຍ 49 ກິ​ໂລ, 50 ກິ​ໂລ, 54 ກິ​ໂລ, 56 ກິ​ໂລ, ປະ​ເພດ​ຊາຍ 8 ລຸ້ນ: ​ເກັກ​ໂກ-​ໂຣມັນ ລຸ້ນ 50 ກິ​ໂລ, 60 ກິ​ໂລ, 70 ກິ​ໂລ, 80 ກິ​ໂລ, ຟຣີສະ​ຕາຍ ລຸ້ນ 50 ກິ​ໂລ, 60 ກິ​ໂລ, 69 ກິ​ໂລ, 80 ກິ​ໂລ.

      ຜ່ານ​ການ​ແຂ່ງຂັນ ຊະນະ​ເລີດ​ໄດ້​ແກ່ ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ ​ໄດ້ 7 ຫລຽນ​ຄຳ 3 ຫລຽນ​ເງິນ ​ແລະ 1 ຫລຽນ​ທອງ ລວມ 11 ຫລຽນ, ທີ 2 ກະຊວງ​ປ້ອງ​ກັນ​ປະ​ເທດ ​ໄດ້ 4 ຫລຽນ​ຄຳ 6 ຫລຽນ​ເງິນ ​ແລະ 2 ຫລຽນ​ທອງ, ທີ 3 ​ແຂວງ​ຊຽງ​ຂວາງ ​ໄດ້ 1 ຫລຽນ​ຄຳ 3 ຫລຽນ​ເງິນ ​ແລະ 5 ຫລຽນ​ທອງ ​ແລະ ທີ 4 ກະຊວງ​ປ້ອງ​ກັນ​ຄວາມ​ສະຫງົບ ​ໄດ້ 1 ຫລຽນ​ຄຳ 1 ຫລຽນ​ເງິນ ​ແລະ 5 ຫລຽນ​ທອງ.

ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ - lattana 1 - ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ
ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ - 1 1 - ໂຮງຮຽນພອນສະຫວັນກິລາ-ກາຍະກຳ ຄວ້າຂັນຊະນະເລີດກິລາມວຍປ້ຳລາວ

       ​ເປັນ​ກຽດ​ເຂົ້າຮ່ວມ ​ແລະ ມອບ​ລາງວັນ​ຄັ້ງນີ້​ມີ​ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ ທັງ​ເປັນ​ຮອງ​ປະທານ ​ແລະ ​ເລຂາທິການ​ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ, ທ່ານ ​ແສງ​ພອນ ພົນ​ອາມາດ ຫົວໜ້າ​ກົມ​ກິລາ​ລະດັບ​ສູງ ກະຊວງ​ສຶກສາ​ທິການ ​ແລະ ກິລາ, ທ່ານ ກະ​ເສມ ອິນ​ທະລາ ຮອງ​ເລຂາທິການ​ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ, ທ່ານ ຄຳ​​ແສນ ສີສະ​ວົງ ປະທານ​ສະຫະພັນ​ມວຍ​ປ້ຳ​ແຫ່ງ​ຊາດ​ລາວ ພ້ອມ​ຄະນະ​ຮັບຜິດຊອບ​ການ​ແຂ່ງຂັນ.

error: Content is protected !!