ທີມຊາດອີຣານ ປະກາດໃຊ້ກົດລະບຽບ ຫ້າມນັກເຕະມີຮອຍສັກລົງຮັບໃຊ້ທີມຊາດ
March 22, 2019 - 5:24 PM
ສະຫະພັນບານເຕະອີຣານ ກຽມອອກກົດລະບຽບບໍ່ໃຫ້ນັກເຕະທີ່ມີຮອຍສັກລົງສະໜາມຮັບໃຊ້ທີມຊາດ ບໍ່ວ່າຈະເປັນການແຂ່ງຂັນລະດັບມິດຕະພາບ ຫລື ລາຍການສຳຄັນອື່ນໆ ເພາະເຫັນວ່າເປັນເລື່ອງທີ່ບໍ່ເໝາະສົມ ແລະ ເປັນຕົວຢ່າງທີ່ບໍ່ດີ ທີ່ສຳຄັນເປັນການຂັດຕໍ່ວັດທະນະທຳອິດສະລາມ.
ເຖິງຢ່າງໃດກໍຕາມ, ເລື່ອງດັ່ງກ່າວໄດ້ມີການປຶກສາຫາລືກັນສຳລັບນັກເຕະທີ່ມີຮອຍສັກໃນທີມຊາດຊຸດປັດຈຸບັນທີ່ມີຮອຍສັກຢູ່ແຂນ ຈະຕ້ອງໃສ່ເສື້ອແຂນຍາວປົກປິດ ລວມຢູ່ຂາກໍຕ້ອງໃສ່ໂສ້ງປິດ.
ເຈົ້າໜ້າທີ່ລະດັບສູງຂອງ ສະຫະພັນບານເຕະອີຣານ ລົງຄວາມເຫັນວ່າ: ຮອຍສັກໃນຮ່າງກາຍຂອງນັກເຕະຄືສິ່ງທີ່ສະແດງໃຫ້ເຫັນເຖິງການຕໍ່ຕ້ານວັດທະນະທຳຂອງອີຣານ ແລະ ເປັນອັນຕະລາຍຕໍ່ສັງຄົມ.
