ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ

- 36 1 - ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ
- Untitled design - ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ

​ໃນ​ວັນ​ທີ 24 ທັນວາ​ນີ້, ກົມ​ຄຸ້ມ​ຄອງ​ແຮງ​ງານ ກະຊວງ​ແຮງ​ງານ ​ແລະ ສະຫວັດດີສັງຄົ​ມ ​ໄດ້ຈັດ​ກອງ​ປະຊຸມ​ສະຫລຸບວຽກງານ​ຄຸ້ມ​ຄອງ​​ແຮງ​ງານ ປະຈຳ​ປີ 2019 ​​ໂດຍ​ການ​ເຂົ້າຮ່ວມ​ຂອງ​ທ່ານ ຄຳ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ. ກອງ​ປະຊຸມ​ໄດ້​ຍົກ​ໃຫ້​ເຫັນ​ວ່າ: ​ປີນີ້ກົມ​ຄຸ້ມ​ຄອງ​ແຮງ​ງານສາມາດ​ກວດກາ​ແຮງ​ງານ​ໄດ້​ທັງ​ໝົດ 3.187 ຫົວໜ່ວຍ ລື່ນ​ຄາດໝາຍ 27%, ພ້ອມ​ທັງ​ໄດ້​ຮັບ​ການ​ຮ້ອງ​ຮຽນໃຫ້​ແກ້​ໄຂ​ຂໍ້​ຂັດ​ແຍ່ງ​ແຮງ​ງານ ຈຳນວນ 119 ກໍລະນີ, ສາມາດ​ແກ້​ໄຂ​ໄດ້ 100%, ຊຸກຍູ້​​ບັນດາ​ຫົວໜ່ວຍ​ແຮງ​ງານ​ໃຫ້ມີ​ກົດ​ລະບຽບ​ໃນ​ການ​ຄຸ້ມ​ຄອງ ​ແລະ ນຳ​ໃຊ້​ແຮງ​ງານ​ພາຍ​ໃນ​ຫົວໜ່ວຍ​ແຮງ​ງານຂອງ​ຕົນ​ໄດ້ 437 ຫົວໜ່ວຍ ລື່ນ​ຄາດໝາຍ 49%, ຊຸກຍູ້​ຫົວໜ່ວຍ​ແຮງ​ງານ​ທີ່​ນຳ​ໃຊ້​ແຮງ​ງານ 50 ຄົນ​ຂຶ້ນ​ໄປ ​ໃຫ້​ມີ​ສັນຍາ​ແຮງ​ງານ​ໄດ້ 175 ຫົວໜ່ວຍ ​ແລະ ຫົວໜ່ວຍ​ແຮງ​ງານ​ທີ່​ນຳ​ໃຊ້​ແຮງ​ງານ 100 ຄົນ​ຂຶ້ນ​ໄປ ສ້າງ​ຕັ້ງ​ຄະນະ​ຮັບຜິດຊອບ​ຄວາມ​ປອດ​ໄພ ​ແລະ ສຸຂະພາບ​ແຮງ​ງານ​ພາຍ​ໃນ​ຫົວໜ່ວຍ​ແຮງ​ງານ​ໄດ້ 2 ​ແຫ່ງ.

​ໂອກາດ​ນີ້, ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີການສັງຄົ​ມ ໄດ້​ເນັ້ນ​ໃຫ້ກົມ​ຄຸ້ມ​ຄອງ​ແຮງ​ງານ​ເອົາ​ໃຈ​ໃສ່​ໃນ​ການ​ປົກ​ປ້ອງ​ສິດ ​ແລະ ຜົນ​ປະ​ໂຫຍ​ດຂອງ​ຜູ້​ອອກ​ແຮງ​ງານ​ລາວທີ່​​ເຮັດ​ວຽກ​ຢູ່​ຕ່າງປະ​ເທດ​ຕາມ​ກົດໝາຍ, ຖ້າ​ມີ​ບັນຫາ ຫລື ​ສິ່ງ​ທ້າ​ທາຍກໍ​ໃຫ້​ຄົ້ນຄວ້າ ​ແລະ ສະ​ເໜີຄະນະ​ນຳ​ເພື່ອ​ປັບ​ປຸງ​​ແກ້​ໄຂ, ການ​ຄຸ້ມ​ຄອງ​ແຮງ​ງານ​ຕ່າງປະ​ເທດ​ແມ່ນ​ໃຫ້​ປະຕິບັດ​ຄຳ​ສັ່ງ​ຂອງ​ນາຍົກລັດຖະມົນຕີ ​ເລກທີ 62/ນຍ ​​ໃນ​ການສະ​ເໜີ​ວິທີ​ແກ້​ໄຂ​ໃຫ້​ໄວ ​ເພາະ​ສັງຄົມ​ກຳລັງ​ໃຫ້​ຄວາມ​ສົນ​ໃຈ​ກ່ຽວ​ກັບ​ບັນຫາ​ນີ້​ຢ່າງ​ຫລວງຫລາຍ ​ແລະ ວິທີ​ການ​ແກ້​ໄຂ​ກໍ​ພະຍາຍາມ​ເຮັດ​ໃຫ້​ເກີດ​ຜົນ​ປະ​ໂຫຍ​ດ​ແກ່​ປະ​ເທດ ​ແລະ ກຳລັງ​ແຮງ​ງານ​ລາວ. ພ້ອມ​ກັນ​ນີ້ ກໍ​ໃຫ້​ເອົາ​ໃຈ​ໃສ່ກ່ຽວ​ກັບ​ວຽກ​ງານ​ຄວາມ​ປອດ​ໄພສຸຂະພາບ​ແຮງ​ງານ ​ໂດຍ​ສະ​ເພາະແມ່ນ​ການກວດ​ສຸຂະພາບຂອງ​ແຮງ​ງານ​ປະຈຳ​ທຸກໆປີ.

- Wave100S AD to Website 2020 0 - ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ
- WhatsApp Image 2020 05 27 at 5 - ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ
- WhatsApp Image 2020 05 27 at 5 - ລາວ​ເອົາ​ໃຈ​ໃສ່​ຄຸ້ມ​ຄອງ ​ແລະ ປົກ​ປ້ອງແຮງ​ງານ
error: Alert: ເນື້ອຫາຂ່າວມີລິຂະສິດ !!