9 ມາດຕະການ ຕ້ານ ແລະ ສະກັດກັ້ນ ເຊື້ອໄວຣັດ COVID-19
ຮອງລັດຖະມົນຕີ ກະຊວງສາທາລະນະສຸກໃຫ້ຮູ້ ວ່າ: ມາຮອດປັດຈຸບັນ ເຊື້ອພະຍາດ COVID-19 ໄດ້ແຜ່ລາມໄປ 100 ກວ່າປະເທດ ໃນທົ່ວໂລກ, ມີຜູ້ຕິດເຊື້ອທັງໝົດ 1ແສນກວ່າກໍລະນີ ແລະ ມີຜູ້ເສຍຊີວິດແລ້ວ3ພັນກວ່າຄົນ.
ສຳລັບປະເທດເຮົາເຖິງວ່າຍັງບໍ່ມີກໍລະນີຜູ້ຕິດເຊື້ອພະຍາດນີ້,ແຕ່ກະຊວງສາທາລະນະສຸກ ກໍຄື ລັດຖະບານ ແລະ ພາກສ່ວນກ່ຽວຂ້ອງຕ່າງໆ ກໍໄດ້ມີການເຝົ້າລະວັງຢ່າງໃກ້ສິດ ໂດຍປະຕິບັດ 9 ມາດຕະການຄວບຄຸມຄື: ການວາງແຜນ ແລະ ການບໍລິຫານກັບກໍລະນີຜູ້ຕ້ອງສົງໃສ, ການເຝົ້າລະວັງ ແລະ ການປະເມີນຄວາມສ່ຽງ, ດ້ານຫ້ອງທົດລອງວິເຄາະ,ການປ້ອງກັນ ແລະ ຄວບຄຸມການຕິດເຊື້ອ, ມາດຕະການທາງດ້ານສາທາລະນະສຸກ ທີ່ບໍ່ແມ່ນການແພດຕໍ່ຊຸມຊົນ, ການສື່ສານໂຄສະນາສຸຂະສຶກສາ, ກວດ ແລະກັ່ນກອງຈຸດຜ່ານແດນເຂົ້າປະເທດ ແລະ ພາລະທິການ.
ປັດຈຸບັນຢູ່ທົ່ວປະເທດໄດ້ນໍາໃຊ້ເຄື່ອງວັດອຸນຫະພູມແບບມືຖື (Infrared) ໃນການກວດເພື່ອກັ່ນກອງຜູ້ຕ້ອງສົງໃສຕິດເຊື້ອ COVID-19, ມີຫ້ອງກັກກັນຊົ່ວຄາວ ປະຈຳຢູ່ບາງດ່ານ ທີ່ມີຄົນເຂົ້າ – ອອກຫລາຍ ເພື່ອນຳໃຊ້ໃນເວລາມີກໍລະນີສົງໃສ ແລະ ມີລົດນໍາສົ່ງຄົນເຈັບ ປະຈຳຢູ່ແຕ່ລະດ່ານຜ່ານແດນໄປ ຫາ ໂຮງໝໍ ທີ່ຈັດກຽມໄວ້ຢ່າງທົ່ວເຖິງ.
