ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

- 27 2 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ
- AGL banner - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

ແຫລ່ງຂ່າວຕ່າງປະເທດລາຍງານໃຫ້ຮູ້ວ່າ: ຈາກເຫດການເຮືອບິນແບບແອບັສ A320 ຂອງສາຍການບິນປາກິດສະຖານ (Pakistan International Airlines) ເຊິ່ງປະສົບອຸປະຕິເຫດຕົກລົງໃສ່ກາງຊຸມຊົນໃກ້ກັບສະໜາມບິນໃນນະຄອນຫລວງກາຣາຈີ ແລະ ຫລ້າສຸດໃນວັນທີ 23 ພຶດສະພານີ້, ມີລາຍງານຜູ້ເສຍຊີວິດແລ້ວຢ່າງໜ້ອຍ 97 ຄົນ ໃນນີ້ສ່ວນໃຫຍ່ແມ່ນເປັນຜູ້ໂດຍສານ ແລະ ພະນັກງານຕ້ອນຮັບຢູ່ໃນເຮືອບິນ   ແລະ ມີຜູ້ໂດຍສານລອດຊີວິດ 2 ຄົນ, ແຕ່ຍັງບໍ່ທັນຊັດເຈນວ່າມີປະຊາຊົນໃນຊຸມຊົນບາດເຈັບ ຫລື ເສຍຊີວິດເທົ່າໃດ.

- Capture 1 300x296 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

ສຳລັບຖ້ຽວບິນ PK 8303  ເດີນທາງອອກຈາກເມືອງລາຮໍ ພາກເໜືອຂອງປະເທດໃນເວລາປະມານ 13:00 ໂມງ ຂອງວັນທີ 22 ພຶດສະພາ, ມີກຳນົດການເດີນທາງຮອດສະໜາມບິນນາໆຊາດຕິຈິນນາ ເວລາ 14:45 ໂມງ ແຕ່ລະຫວ່າງທີ່ຍົນຢູ່ໃນຊ່ວງສຸດທ້າຍຂອງການຫລຸດລະດັບເພື່ອແລນດິ້ງ, ນັກບິນໄດ້ແຈ້ງຕໍ່ຫໍບັງຄັບການບິນຂໍຈອດລົງສຸກເສີນ ເນື່ອງຈາກສູນເສຍແຮງຂັບຂອງເຮືອບິນກ່ອນຈະຂາດການຕິດຕໍ່.

- 392B2211BC7E0CB6D55AD8623295AC62 1000 300x200 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

ພາຍຫລັງມີພາບຈາກກ້ອງ CCTV ທີ່ສາມາດບັນທຶກວິນາທີ ທີ່ເຮືອບິນຕົກໃສ່ຊຸມຊົນ Model Colony ເຊິ່ງຢູ່ຕິດກັບປາຍລັນເວຂອງສະໜາມບິນ ກາຣາຈີ ຈົນມີລາຍງານບ້ານເຮືອນຂອງປະຊາຊົນໄດ້ຮັບຄວາມເສຍຫາຍຢ່າງໜ້ອຍ 6 ຫລັງ. ສ່ວນສາເຫດການຕົກນັ້ນຍັງບໍ່ທັນຊັດເຈນ ແຕ່ຈາກການເປີດເຜີຍຂອງສື່ທ້ອງຖິ່ນໃນເບື້ອງຕົ້ນພົບວ່າ: ເຮືອບິນລຳດັ່ງກ່າວພະຍາຍາມຈອດ 2 ຄັ້ງຫລັງຈາກການລົງຈອດໃນຄັ້ງທຳອິດບໍ່ປະສົບຜົນສຳເລັດ, ນັກບິນຈຶ່ງຕັດສິນໃຈລົງຈອດໃນຄັ້ງທີ 2 ແຕ່ພົບວ່າເຮືອບິນຂັດຂ້ອງ ແລະ ສູນເສຍແຮງຂັບ ຈຶ່ງເຮັດໃຫ້ໄປບໍ່ຮອດລັນເວ ແລະ ປະສົບອຸປະຕິເຫດຕົກໃນຊຸມຊົນໃກ້ສະໜາມບິນກ່ອນ.

- 609AB6601C9517663CCE858C40FAC7CB 1000 300x200 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

- Wave100S AD to Website 2020 0 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

ແນວໃດກໍດີ, ຍັງບໍ່ຮູ້ສາເຫດທີ່ແທ້ຈິງຂອງການສູນເສຍເຮືອບິນ ແຕ່ປາກົດເຫັນຄລິບວີດີໂອອີກຊຸດໜຶ່ງຈາກກຸ່ມນັກສັງເກດການເຮືອບິນທີ່ຖ່າຍບັນທຶກເຫດການໄດ້ ສະແດງໃຫ້ເຫັນຮ່ອງຮອຍໃໝ່ຂອງເຮືອບິນທັງສອງຢ່າງຊັດເຈນ.

- 6BA5210133CE659F003A7AD21C8CBDF1 1000 300x200 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ- 392B2211BC7E0CB6D55AD8623295AC62 1000 1 300x200 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ

ທັງນີ້, ເຫດການດັ່ງກ່າວມີຂຶ້ນຫລັງຈາກທາງການປາກິດສະຖານໄດ້ປະກາດຜ່ອນຜັນມາດຕະການປິດປະເທດໄດ້ພຽງໜຶ່ງວັນ ເຊິ່ງລວມທັງການອະນຸຍາດໃຫ້ສາຍການບິນກັບມາເປີດບໍລິການເສັ້ນທາງໃນປະເທດໄດ້ເປັນປົກກະຕິແລ້ວ, ຖ້ຽວບິນດັ່ງກ່າວຂອງ​ເຮືອບິນ A320 ສາມາດຮອງຮັບຜູ້ໂດຍສານໄດ້ປະມານ 160 ຄົນ ແຕ່ຈາກມາດຕະການຮັກສາໄລຍະຫ່າງ, ສາຍການບິນຈຶ່ງຈຳກັດບ່ອນນັ່ງເທິງເຮືອບິນໃຫ້ຮອງຮັບໄດ້ພຽງ 91 ຄົນ ພ້ອມພະນັກງານຈຸບິນ 8 ຄົນເທົ່ານັ້ນ.

- lattana 1 - ເຮືອບິນປາກິດສະຖານຕົກໃສ່ກາງຊຸມຊົນ ມີຜູ້ເສຍຊີວິດແລ້ວ 97 ຄົນ
error: Alert: Content is protected !!