ຣັດເຊຍປະກາດຖອນຕົວ ຈາກສະຖານີອະວະກາດນາໆຊາດ ກຽມສ້າງສະຖານີແຫ່ງໃໝ່ຂຶ້ນເອງ

ໜ່ວຍງານອະວະກາດຣັດເຊຍແຈ້ງທ່ານ ປູຕິນ ເຖິງແຜນຈະຍົກເລີກການເປັນສະມາຊິກຂອງສະຖານີອະວະກາດນາໆຊາດໃນອີກ 2 ປີຕໍ່ໜ້າ.

ທ່ານ ຢູຣິ ບໍຣິຊອບ ຜູ້ອຳນວຍການຄົນໃໝ່ຂອງ Roscosmos ໜ່ວຍງານດ້ານກິດຈະການອະວະກາດຣັດເຊຍ ປະກາດກຽມຢຸດການຮ່ວມມືໃນໂຄງການສະຖານີອະວະກາດນາໆຊາດ (ISS) ຫລັງປີ 2024 ແລະ ຫັນມາເລັ່ງໃສ່ການສ້າງສະຖານີອະວະກາດຂອງຕົນເອງ.

ໂດຍທ່ານ ບໍຣິຊອບ ໄດ້ແຈ້ງຕໍ່ປະທານາທິບໍດີ ວະລາດິເມຍ ປູຕິນ ຂອງຣັດເຊຍ ເຖິງການຕັດສິນໃຈດັ່ງກ່າວແລ້ວໃນວັນທີ 26 ກໍລະກົດ 2022 ເຊິ່ງທາງປະທານາທິບໍດີເອງໄດ້ໃຫ້ການສະໜັບສະໜູນເປັນຢ່າງດີ.

ຂະນະທີ່ອົງການສຳຫລວດອະວະກາດຂອງອາເມລິກາ (NASA) ເຜີຍວ່າ: ໄດ້ຮັບຮູ້ເຖິງຄວາມເຫັນດັ່ງກ່າວຜ່ານສື່ແລ້ວ, ແຕ່ປັດຈຸບັນຍັງບໍ່ໄດ້ຮັບການແຈ້ງເຕືອນຢ່າງເປັນທາງການຈາກຣັດເຊຍ.

ອ້າງອີງ:

https://www.nytimes.com/…/sci…/russia-space-station.html

https://edition.cnn.com/…/russia-quit-iss-scn/index.html