ສ.ເກົາຫລີ ອົດເຂົ້າຊີງບານໂລກ U20 ຫລັງເສຍໃຫ້ທີມຊາດ ອີຕາລີ 1-2
ເປັນທີ່ໜ້າເສຍດາຍຊາດຈາກທະວີບອາຊີໜຶ່ງດຽວເທົ່ານັ້ນທີ່ໄດ້ຜ່ານເຂົ້າຮອບຮອງຊະນະເລີດ. ສ.ເກົາຫລີ ອົດສ້າງປະຫວັດສາດໃນຮອບຊີງຊະນະເລີດ ເປັນໄລຍະທີສອງຕິດຕໍ່ກັນ. ຫລັງຈາກເສຍໃຫ້ອີຕາລີໃນຮອບຮອງຊະນະເລີດ.
ຕະຫລອດການແຂ່ງຂັນ, ສ.ເກົາຫລີ ເຮັດຜົນງານໄດ້ດີໃນຮອບທຳອິດ ເຂົ້າຮອບເປັນອັນດັບາອງຂອງກຸ່ມ F ເອົາຊະນະ ຝຣັ່ງ 2-1 ປະຕູ, ສະເໝີກັບ ຮອນດູຣັສ 2-2 ແລະ ສະເໝີກັບ ແກມເບຍ 0-0, ຈາກນັ້ນ ຊະນະ ເອກົວດໍ 3-2 ໃນຮອບ 16 ທີມສຸດທ້າຍ ແລະ ຊະນະ ໄນຈີເຣຍ 1-0 (ຕໍ່ເວລາພິເສດ). ໃນຮອບ 8 ທີມສຸດທ້າຍ.
ຮອບຮອງຊະນະເລີດ ສ.ເກົາຫລີ ໂຄຈອນມາພົບກັບອີຕາລີ, ໃນເກມນີ້ ອີຕາລີ ໄດ້ປະຕູຂຶ້ນນຳກ່ອນຈາກ ເຊຊາເຣ ຄາເຊເດ ໃນນາທີ 14 ກ່ອນທີ່ ສ.ເກົາຫລີ ໄລ່ຕີສະເໝີຈາກ ລີ ຊຸງວອນ (ຈຸດໂທດ) ໃນນາທີ 23 ແຕ່ ອີຕາລີ ໄດ້ປະຕູຊະນະຈາກ ຊີໂມເນ ປາຟຸນດີ້ ໃນນາທີ 86 ເຮັດໃຫ້ ອີຕາລີ ຊະນະ ສ.ເກົາຫລີ 2-1 ແລະ ຜ່ານເຂົ້າຮອບສຸດທ້າຍ ພົບກັບ ອູຣູກວາຍ ທີ່ເອົາຊະນະມ້າມືດຢ່າງ ອິສຣາແອລ 1-0.
ການແຂ່ງຂັນນັດສຸດທ້າຍລະຫວ່າງ ອີຕາລີ ກັບ ອູຣູກວາຍ ຈະແຂ່ງຂັນໃນຄືນວັນທີ 11 ມິຖຸນາ ເວລາ 04:00 ໂມງ, ຂະນະທີ່ ສ.ເກົາຫລີ ປີ 2019 ເຂົ້າຊີງຊະນະເລີດກັບ ຢູເຄຣນ ກ່ອນຈະເສຍໃນຮອບຊີງ 1-3 ຖືວ່າໜ້າເສຍດາຍທີ່ ສ.ເກົາຫລີ ບໍ່ສາມາດເຂົ້າຊີງເປັນສະໄໝທີ່ສອງຕິດຕໍ່ກັນ.
