ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ

- 2024 03 20t110332z 747333861 rc2ol4ats7ak rtrmadp 3 vietnam politics - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ
- kitchen vibe - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ

      ລັດຖະບານຫວຽດນາມອອກຖະແຫລງການໃນວັນທີ 20 ມີນາວ່າ: ພັກກອມມູນິດຫວຽດນາມໄດ້ອະນຸມັດການລາອອກຂອງປະທານປະເທດ ຫວໍ ວັນ ເຖືອງ ແລ້ວ. ພ້ອມອ້າງເຖິງຂໍ້ບົກພ່ອງຈາກການລະເມີດກົດລະບຽບຂອງພັກກອມມູນິດ ເຊິ່ງເປັນສັນຍານຄວາມວຸ້ນວາຍທາງການເມືອງທີ່ອາດສົ່ງຜົນກະທົບຕໍ່ຄວາມເຊື່ອໝັ້ນຂອງນັກລົງທຸກຕ່າງປະເທດໃນຫວຽດນາມ.

     ຖະແຫລງການຂອງລັດຖະບານລະບຸວ່າ: ຂໍ້ບົກພ່ອງດັ່ງກ່າວສ້າງຜົນກະທົບໃນທາງລົບຕໍ່ຄວາມຄິດເຫັນຂອງປະຊາຊົນ ແລະ ກະທົບຕໍ່ຊື່ສຽງຂອງພັກ, ລັດ ແລະ ຕົວທ່ານເອງ.

- Visit Laos Visit SALANA BOUTIQUE HOTEL - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ

     ທັງນີ້, ທ່ານ ຫວໍ ວັນ ເຖືອງ ດໍາລົງຕໍາແໜ່ງໄດ້ພຽງ 1 ປີ ຫລັງໄດ້ຮັບເລືອກຈາກສະພາແຫ່ງຊາດໃຫ້ດໍາລົງຕໍາແໜ່ງປະທານປະເທດນັບແຕ່ເດືອນມີນາປີຜ່ານມາ ແທນທ່ານ ຫງວຽນ ຊວນ ຟຸກ ປະທານປະເທດຄົນກ່ອນໜ້າ ທີ່ລາອອກຈາກຕໍາແໜ່ງເພື່ອຮັບຜິດຊອບການລະເມີດກົດໝາຍໃນຄະດີຮັບສິນບົນ.

     ການລາອອກຂອງທ່ານ ຫວໍ ວັນ ເຖືອງ ມີຂຶ້ນທ່າມກາງຄວາມພະຍາຍາມຂອງລັດຖະບານຫວຽດນາມໃນການກວາດລ້າງການກະທໍາຜິດກົດໝາຍຂອງສະມາຊິກອາວຸໂສຂອງພັກກອມມູນິດ ແລະ ເຈົ້າໜ້າທີ່ລະດັບສູງຂອງລັດ.

ອ້າງອີງ:https://www.reuters.com/world/asia-pacific/vietnam-communist-party-approves-presidents-resignation-says-state-media-2024-03-20/

- 5 - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ
- 3 - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ
- 4 - ຫວຽດນາມຢືນຢັນ ປະທານປະເທດ ຫວໍ ວັນ ເຖືອງ ລາອອກ ຫລັງດໍາລົງຕໍາແໜ່ງໄດ້ 1 ປີ