ເຮືອບິນAmerican Airlines ຕໍາກັບເຮລິກອບເຕີແບັກຮໍກາງອາກາດ ກ່ອນຕົກລົງໃນແມ່ນໍ້າ
ເກີດເຫດເຮືອບິນໂດຍສານແບບ CRJ-700 ຖ້ຽວບິນທີ່ 5342 ຂອງສາຍການບິນ American Airlines ພ້ອມຜູ້ໂດຍສານ 60 ຄົນ ແລະ ຈຸບິນ 4 ຄົນ ຕໍາກັນກາງອາກາດກັບເຮລິກອບເຕີແບັກຮໍຂອງກອງທັບອາເມລິກາ ຢູ່ບໍລິເວນໃກ້ສະໜາມບິນສາກົນເຣແກນ ນອກນະຄອນຫລວງວໍຊິງຕັນ ກ່ອນຕົກລົງໃນແມ່ນໍ້າໂພໂທແມກ (Potomac River).
ເຈົ້າໜ້າທີ່ປ້ອງກັນຄວາມສະຫງົບອາເມລິກາ ກ່າວວ່າ: ມີທະຫານຢູ່ໃນເຮລິກອບເຕີແບັກຮໍ 3 ຄົນ.
ຖ້ຽວບິນດັ່ງກ່າວເດີນທາງມາຈາກເມືອງວິຊິຕາ (Wichita) ໃນລັດແຄນຊັສ ໂດຍສໍານັກງານບໍລິຫານການບິນແຫ່ງຊາດ (FAA) ລະບຸວ່າ: ເຫດເກີດໃນຂະນະທີ່ເຮືອບິນກໍາລັງເຂົ້າໃກ້ລັນເວຂອງສະໜາມບິນ ຊ່ວງເວລາປະມານ 21:00 ໂມງ ຕາມເວລາທ້ອງຖິ່ນ.
ເບື້ອງຕົ້ນຍັງບໍ່ຮູ້ຊະຕາກໍາຂອງຜູ້ໂດຍສານ ແລະ ຈຸບິນທັງໝົດ. ຂະນະທີ່ຫລັງເກີດເຫດ ສະໜາມບິນສັ່ງຢຸດການຂຶ້ນ ແລະ ລົງເຮືອບິນທັງໝົດ ໂດຍໜ່ວຍສຸກເສີນພ້ອມເຮືອກູ້ໄພກໍາລັງເລັ່ງປະຕິບັດການຄົ້ນຫາຜູ້ລອດຊີວິດໃນແມ່ນໍ້າ.
ອ້າງອີງ:
- https://edition.cnn.com/us/live-news/plane-crash-dca-potomac-washington-dc-01-29-25/index.html?t=1738208685420
- https://www.bbc.com/news/live/cy7kxx74yxlt
