ລາວ​ສໍາ​ເລັດ​ການວາງ​ແຜນຜັງລວມ​ຂອງ 148 ຕົວເມືອງ​ໃນ​ຂອບ​ເຂດ​ທົ່ວ​ປະ​ເທດ.

- advert banner 728 90 728x90 - ລາວ​ສໍາ​ເລັດ​ການວາງ​ແຜນຜັງລວມ​ຂອງ 148 ຕົວເມືອງ​ໃນ​ຂອບ​ເຂດ​ທົ່ວ​ປະ​ເທດ.

ໃນ​ບົດ​ຄໍາ​ເຫັນ​ຂອງທ່ານ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ ບຸນ​ຈັນ ສິນ​ທະ​ວົງ ​​ເນື່ອງ​ໃນ​ໂອກາດ​ວັນ​ເຄຫາ​ສະ​​ຖານ​ໂລກ 7 ຕຸ​ລາ​ຜ່ານ​ມາ​ນີ້​ໃຫ້​ຮູ້​ວ່າ: ປັດຈຸ​ບັນ, ສ​ປປ ລາວ ​ໄດ້ສໍາ​ເລັດ​ການວາງ​ແຜນຜັງ​ລວມຂອງ​ 148 ຕົວ​ເມືອງ​ໃນ​ຂອບ​ເຂດ​ທົ່ວ​ປະ​ເທດ, ພ້ອມ​ນີ້ ກໍ​ໄດ້​ສ້າງ​ນິຕິ​ກໍາ​ຈໍານວນ​ໜຶ່ງ​ເພື່ອ​ຄຸ້ມ​ຄອງ​ຕົວ​​ເມືອງ​ໃຫ້​ມີ​ຄວາມ​ເປັນ​ລະບຽບ​ຮຽບຮ້ອຍ,​ ມີ​ຄວາມສະຫງົບ, ມີ​ສຸຂະ​ອະນາ​ໄມ, ຮັກສາ​ໄດ້​ມູນ​ເຊື້ອ​ວັດທະນາ​ທໍາ ​ແລະ ມີ​ສິ່ງ​ແວດ​ລ້ອມ​ທີ່​ດີ.

- new3 - ລາວ​ສໍາ​ເລັດ​ການວາງ​ແຜນຜັງລວມ​ຂອງ 148 ຕົວເມືອງ​ໃນ​ຂອບ​ເຂດ​ທົ່ວ​ປະ​ເທດ.

ການ​ມີ​​ແຜນຜັງ​​ເມືອງ​ທີ່​ດີ​ນັ້ນ,​ ຈະ​ຊ່ວຍ​ໃຫ້​ການ​ພັດທະນາ​ເສດຖະກິດ-ສັງຄົມ ​ແລະ ຊີວິດ​ການ​ເປັນ​ຢຸ່ຂອງ​ປະຊາຊົນ​ໄດ້​ຮັບ​ກາ​ນຍົກ​ລະດັບ​ດີ​ຂຶ້ນ ​ແລະ ​ໃນ​ຕໍ່ໜ້າ​ນີ້,​ ຂະ​ແໜງ​ການ​ກ່ຽວຂ້ອງ​ຈະ​ສຸມ​ໃສ່​ການ​ປັບປຸງ​ສິ່ງ​ແວດ​ລ້ອມ​ຂອງຕົວ​ເມືອງ, ​​ເອົາ​ໃຈ​ໃສ່​ບໍລິຫານ​ຈັດການ​ນໍ້າ​ເປື້ອນ, ຂີ້​ເຫຍື້ອ ​ແລະ ສິ່ງ​ເສດ​ເຫລືອ​ຕ່າງໆ​ຢ່າງ​ມີ​ປະສິດທິ​ພາບ, ​ແນ​ໃສ່​ປົກ​ປັກ​ຮັກສາ​ສິ່ງ​ແວດ​ລ້ອມ ​ແລະ ການ​ນໍາ​ໃຊ້ຊັບພະຍາກອນ​ຢ່າງ​ມີປະ​ສິດທິ​ຜົນ, ສ້າງ​ໃຫ້​ກາຍ​ເປັນ​ຕົວ​ເມືອງ​ທີ່​ໜ້າ​ຢູ່, ຍືນ​ຍົງ, ອັດ​ສະ​ລິ​ຍະ, ປາສະຈາກ​ມົນ​ລະພິດ ​ແລະ ​ເປັນ​ຕົວ​ເມືອງ​ສີ​ຂຽວ.

  ທ່ານ​ລັດຖະມົນຕີ​ກະຊວງ​ດັ່ງກ່າວ ​ໃຫ້​ຮູ້​ວ່າ: ປັດຈຸບັນ, ການວາງ​ແຜນຜັງ​ຕົວ​ເມືອງ​ເກືອ​ບທົ່ວ​ໂລກ ​ແມ່ນ​ເນັ້ນ​ໃສ່​ການ​ພັດທະນາ​ໂຄງ​ລ່າງ​ພື້ນຖານ​ດ້ານ​ຕ່າງໆ ​ແຕ່​ການ​ຄຸ້ມ​ຄອງ​, ການ​ກໍາ​ຈັດ ​ແລະ ການ​ຄົ້ນຄວ້າ​ນໍາ​ໃຊ້​ສິ່ງ​​ເສດ​ເຫລືອ​ໃນ​ຕົວ​ເມືອງ​ໃຫ້​ເກີດ​ປະ​ໂຫຍ​ດດ້ານ​ເສດຖະກິດ​ຍັງ​ຈໍາກັດ, ຂະນະ​ດຽວ​ກັນ​ການວາງ​ແຜນຜັງ​ເມືອງ​ສ່ວນ​ຫລາຍ​ມັກ​ຈະ​ແກ້​ໄຂ​ບັນຫາ​ທີ່​ເກີດ​ຂື້ນ​​ໃນ​ຕົວ​ເມືອງຕາມ​ມາ​​ເປັນ​ສ່ວນ​ໃຫຍ່, ສະ​ນັ້ນ ການ​ຄົ້ຮຄວ້າ​ວາງ​ແຜນຜັງ​ຕົວ​ເມືອງ​ລວມ​ໃນ​ຕໍ່ໜ້າ​ຕ້ອງ​ໄດ້​ຮັບ​ການ​ປັບປຸງ​ດີ​ຂຶ້ນ​ເທື່ອ​ລະ​ກ້າວ.

- lattana 1 - ລາວ​ສໍາ​ເລັດ​ການວາງ​ແຜນຜັງລວມ​ຂອງ 148 ຕົວເມືອງ​ໃນ​ຂອບ​ເຂດ​ທົ່ວ​ປະ​ເທດ.
error: Content is protected !!