ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ

- advert banner 728 90 728x90 - ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ

  ໂດຍ: ຈານແຫຍ່ 

ໃນໄລຍະນີ້ ເວົ້າໄດ້ວ່າ ສື່ ທຸກຂະແໜງໄດ້ສຸມໃສ່ສະ ເໜີຂ່າວຕີລາຄາຄວາມຄືບ ໜ້າໃນການພື້ນຊີບ ຊາວເມືອງ ສະໜາມໄຊ ຢູ່ບັນດາບ້ານທີ່ ປະສົບກັບຄວາມຫາຍະນະ ຈາກນ້ຳເຂື່ອນແຕກພັງໄຫລຖ້ວມ ພ້ອມດຽວກັນກໍໄດ້ ສະ ຫລຸບສັງລວມເປັນຕົວເລກ ຕົວຜາເບື້ອງຕົ້ນກ່ຽວກັບຜົນ ເສຍຫາຍດ້ານຊັບສິນ ແລະ ຊີວິດ.

 

ເຂື່ອນແຕກເປັນບົດຮຽນອັນລ້ຳຄ່າສຳລັບພວກເຮົາ

ມວນນ້ຳຈາກເຂື່ອນແຕກໃນລາວ ໄຫລເຂົ້າສູ່ກຳປູເຈຍ

ສ່ວນຄໍລຳປະຈຳວັນນີ້ ຈານແຫຍ່ຂໍຫລຳຄືນຂໍ້ຄິດ, ຄວາມຮູ້ສຶກ ແລະ ບາງຄຳ ເຫັນທີ່ມີລັກສະນະຄຳສະ ເໜີທັງເປັນຂອງຕົນເອງ ແລະ ສ່ວນທີ່ໄດ້ມາຈາກສັງ ຄົມ ໂດຍລວມເພື່ອຖອດໄວ້ ເປັນບົດຮຽນ.

ອັນທີໜຶ່ງ: ໃນເຫດ ການເຂື່ອນເຊປຽນ-ເຊນ້ຳ ນ້ອຍແຕກພັງເທື່ອນີ້, ພວກ ເຮົາຕ່າງກໍໄດ້ເຫັນເຄົ້າພະ ລັງອັນຍິ່ງໃຫຍ່ຂອງອຳ ນາດສື່ມວນຊົນຂອງພາຍໃນ ແລະ ຕ່າງປະເທດທີ່ສະເໜີ ຂ່າວກ່ຽວກັບໄພພິບັດ ດັ່ງ ກ່າວ ເຊິ່ງພໍສະຫລຸບໄດ້ວ່າ ການທີ່ຂຽນຄວາມຈິງ-ເວົ້າຄວາມຈິງນັ້ນຕາຍບໍ່ເປັນ (ສັດຈັງເວອະມະຕະວາຈາ) ພ້ອມດຽວກັນນັ້ນ ພວກເຮົາ ກໍເຫັນທາດແທ້ຂອງບັນດາ ສື່ຂີ້ກະຈອກຫລອກລວງ, ທີ່ ຕົບເອີກຕີອາງວ່າຕົນເວົ້າ ຄວາມຈິງ.

ກຸ່ມສື່ປະເພດ “ເສຍຫຍ້າ ປົກຂີ້ໝາ” ເຫລົ່ານີ້ໄດ້ເຮັດ ສຸດຢຽດເພື່ອສ້າງຄວາມ ແຕກຕື່ນ, ເພື່ອແບ່ງແຍກ ຄວາມສາມັກຄີລະຫວ່າງ ຄົນລາວດ້ວຍກັນ, ລະຫວ່າງ ປະຊາຊົນ ກັບການນຳ ແລະ ລະຫວ່າງຄົນລາວກັບບັນດາປະເທດເພື່ອນມິດ.
ຈານແຫຍ່ ເຄີຍເວົ້າກັບ ບັນດາເພື່ອນຮ່ວມຄອງປາກກາວ່າ ດຽວນີ້ ພວກເຮົາເຫັນ ແຈ້ງຈ່າງປາງກວ່າເຫັນເສືອກາງເວັນ, ວ່າສື່ໃດຕາບອດ ສື່ໃດຕາດີຮຸ່ງແຈ້ງເປັນປົກ ກະຕິ.

- 1 1 - ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ
- lattana 1 - ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ

ແນວໃດກໍດີວົງການ ສື່ ຂອງພວກເຮົາກໍຄວນຖອດ ໄວ້ເປັນບົດຮຽນເລື່ອງຄວາມຊັດເຈນ, ຄວາມວ່ອງໄວ, ວິທີ ສີສັນ ແລະ ຕ້ອງຫລຸດຜ່ອນ ຂອດຂັ້ນທີ່ຈະພາໃຫ້ການ ສະເໜີຂ່າວຊັກຊ້າ.

ອັນທີສອງ: ພວກເຮົາ ເຫັນນ້ຳໃຈ “ບໍ່ຖິ້ມກັນ” ຂອງຄົນລາວແຕ່ເໜືອຕະ ຫລອດໃຕ້, ນ້ຳໃຈສາກົນ ອັນຜ່ອງໃສ ແຫ່ງມະນຸດສະ ທຳຂອງເພື່ອນຮ່ວມໂລກທີ່ທະຍານຜ່ານຊາຍແດນ, ເຂົ້າມາຊ່ວຍເຫລືອ ເມື່ອປະ ຊາຊົນລາວຕົກຢູ່ໃນສະພາບ ຈົນຕາແຈ.

ແຕ່ພ້ອມດຽວກັນພວກ ເຮົາກໍສາມາດໝາຍຫົວ ພວກທີ່ອ້າງຕົນເອງວ່າ ມີ ສາຍເລືອດລາວແຕ່ລືມຜືນ ດິນຖິ່ນກຳເນີດ, ເກີດເສຍ ຊາດ, ເປືອງເຂົ້າໜຽວ- ປາ ແດກລ້າໆ ຂໍບອກກົງໆ ໂລດ ວ່າ “ຕຳລາຮັກຊາດ” ຂອງ ພວກນີ້ນັ້ນມັນໝົດນ້ຳ ຢາແລ້ວ.

ອັນທີສາມ: ລັດຖະ ບານຂອງພວກເຮົາໄດ້ຖື ເຫດການ, ເຂື່ອນແຕກພັງ ຄັ້ງນີ້ເປັນເລື່ອງແສນແສບ ແລະ ເປັນບົດຮຽນລາຄາ ສຸດແພງສະແດງອອກໃນ ມາດຕະການກວດສອບຫາ ສາເຫດຕົວຈິງຂອງໄພພິ ບັດຢ່າງໂປ່ງໃສວ່ອງໄວ, ບໍ່ ໄວ້ໜ້າຜູ້ມີສ່ວນຮ່ວມສ້າງ ຄວາມຫາຍະນະບໍ່ວ່າຜູ້ນັ້ນ ຈະຢູ່ສູງພຽງຟ້າ ຫລື ເຕ້ຍ ຕ່ຳຈຳດິນກໍຕາມ, ທຸກຄົນມີ ຄວາມຫວັງຕັ້ງໃຈຢາກຮູ້ຜົນ ຂອງການກວດສອບດັ່ງກ່າວ, ຢາກເຫັນລາຍຊື່ໜ້າຕາຂອງ ເຫລົ່າບຸກຄົນ-ນິຕິບຸກຄົນທີ່ ເປັນຜູ້ຂ້າຊີວິດ ແລະ ທຳລາຍ ຊັບສິນຂອງຊາວສະໜາມໄຊ ຢ່າງໂຫດຫ້ຽມ.

ອັນທີສີ່: ເຫດການ ເຂື່ອນແຕກພັງຄັ້ງນີ້ຊ່ວຍ ໃຫ້ພວກເຮົາເຫັນ ແລະ ເຂົ້າ ໃຈແຈ້ງຕື່ມກ່ຽວກັບທິດທາງ ຂອງລັດຖະບານໃນພັດທະ ນາ ເສດຖະກິດ- ສັງຄົມຂອງ ປະເທດພວກເຮົາທີ່ຕ້ອງໄດ້ ຫັນອອກຈາກການເພິ່ງພາ, ຊັບພະຍາກອນທຳມະຊາດ ເທື່ອລະກ້າວ, ເພາະແຮ່ທາດ, ປ່າໄມ້ໝົດເປັນ.

ການເພິ່ງພາຊັບພະຍາ ກອນທຳມະຊາດໃດໜຶ່ງທີ່ໜັກ ເກີນໄປນັ້ນຈະມີຄວາມສ່ຽງ ແລະ ບໍ່ຍືນຍົງໂດຍສະເພາະ ແມ່ນຕໍ່ໜ້າການປ່ຽນແປງ ແລະ ແປປ່ວນຂອງສະພາບ ດິນຟ້າອາກາດໃນໂລກປັດ ຈຸບັນ, ບູຣານເຄີຍສັ່ງສອນ ໄວ້ວ່າ “ຫລິ້ນກັບໄຟ-ຫລິ້ນ ກັບນ້ຳນັ້ນ” ຕ້ອງໄດ້ລະວັງ ເປັນພິເສດ.

ອັນທີຫ້າ: ຂໍ້ນີ້ເປັນ ຄວາມຄິດນ້ອຍໆ ຂອງ ຈານແຫຍ່ ແຕ່ກໍເຊື່ອວ່າລັດ ຖະບານມີແຜນໄວ້ຮຽບຮ້ອຍແລ້ວຄືໃນທຸກໆ ບ້ານທີ່ຢູ່ ເຂດກ້ອງເຂື່ອນຕ້ອງຈັດ ໃຫ້ມີເຂດຫລົບໄພເຖິງແມ່ນ ວ່າ: ເຂື່ອນນັ້ນໆ ຈະຖືກ ຮັບປະກັນຄວາມປອດໄພ 1.000% ກໍຕາມ.
ເຂດຫລົບໄພຕ້ອງເປັນ ພື້ນທີ່ເນີນສູງ; ຫ້າມໃຜຈັບ ຈອງ, ຖ້າມີຜູ້ຈ່ອງເປັນເຈົ້າ ຂອງແລ້ວກໍຕ້ອງເວນຄືນ, ຕ້ອງມີທາງສະດວກເຂົ້າ ເຖິງບໍ່ຊັ້ນ… ທຸກຊີວິດຢູ່ບໍລິ ເວນ ກ້ອງເຂື່ອນກໍຍາກທີ່ ຈະຢຸດລາງຝັນຮ້າຍທີ່ເກີດ ຂຶ້ນກັບຊາວເມືອງສະໜາມ ໄຊ ແຂວງອັດຕະປື./.

- 8526 - ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ
(ພາບປະກອບ)
error: Content is protected !!