ຈະແກ້ໄຂສະພາບນໍ້າຖ້ວມຂັງຫລັງຕະຫລາດສີໄຄແນວໃດ

- advert banner 728 90 728x90 - ຈະແກ້ໄຂສະພາບນໍ້າຖ້ວມຂັງຫລັງຕະຫລາດສີໄຄແນວໃດ

- Dirty water 300x225 - ຈະແກ້ໄຂສະພາບນໍ້າຖ້ວມຂັງຫລັງຕະຫລາດສີໄຄແນວໃດ  ປະຊາຊົນຫລາຍຄອບຄົວທີ່ອາໃສຢູ່ບໍລິເວນໃກ້ຄຽງຕະຫລາດສີໄຄ, ເມືອງສີໂຄດຕະບອງ, ນະຄອນຫລວງວຽງຈັນ, ພວມຜະເຊີນກັບສະພາບແວດລ້ອມທີ່ບໍ່ດີ, ຫລັງຈາກດ້ານຫລັງຕະຫລາດດັ່ງກ່າວມີສະພາບນໍ້າຖ້ວມຂັງເປີະເປື້ອນມາເປັນເວລາດົນ, ຊຶ່ງໃນໂອກາດລົງພົບປະຊາວບ້ານສີໄຄຂອງທ່ານນາງ ພອນເພັດ ບຸບຜາ ຮອງປະທານກໍາມາທິການວັດທະນາທໍາ-ສັງຄົມສະພາແຫ່ງຊາດ, ພ້ອມດ້ວຍສະມາຊິກສະພາປະຊາຊົນນະຄອນຫລວງວຽງຈັນຈໍານວນໜຶ່ງເມື່ອທ້າຍອາທິດຜ່ານມານີ້, ປະຊາຊົນກໍໄດ້ນໍາບັນຫາດັ່ງກ່າວສະເໜີເຖິງພາກສ່ວນກ່ຽວຂ້ອງເພື່ອລົງມາແກ້ໄຂ, ເນື່ອງຈາກວ່າສະພາບນໍ້າຖ້ວມຂັງ ແລະ ຄວາມເປື້ອນເປີະຫລັງຕະຫລາດແຫ່ງນີ້ແມ່ນເກີດຂຶ້ນມາດົນແລ້ວຍ້ອນຮ່ອງລະບາຍນໍ້າໃນບໍລິເວນດັ່ງກ່າວຖືກອັດຕັນ, ຊຶ່ງເກີດຈາກການຖີ້ມຂີ້ເຫຍື້ອແບບຊະຊາຍຂອງຊາວຄ້າຂາຍ ແລະ ປະຊາຊົນຈໍານວນໜຶ່ງ, ຂະນະດຽວກັນພາກສ່ວນຮັບຜິດຊອບຕະຫລາດກໍຖືເບົາຕໍ່ຄວາມສະອາດຂອງຕະຫລາດ.

- new3 - ຈະແກ້ໄຂສະພາບນໍ້າຖ້ວມຂັງຫລັງຕະຫລາດສີໄຄແນວໃດ

ປະຊາຊົນທີ່ອາໄສຢູ່ໃກ້ຄຽງຕະຫລາດດັ່ງກ່າວ ບອກວ່າ: ຄວາມເປີະເປື້ອນຢູ່ເຂດນີ້, ນອກຈາກສ້າງພາບພົດບໍ່ຈົບງາມແລ້ວ, ຍັງສົ່ງຜົນກະທົບອັນບໍ່ດີຫລາຍດ້ານຕໍ່ສິ່ງແວດລ້ອມ ແລະ ສັງຄົມ, ໂດຍສະເພາະມີກິ່ນເໝັນ, ເປັນແຫລ່ງແຜ່ເຊື້ອພະຍາດຕ່າງໆມາສູ່ຄົນອີກດ້ວຍ. ສະນັ້ນຈຶ່ງຂໍໃຫ້ໜ່ວຍງານກ່ຽວຂ້ອງຊ່ວຍລົງມາແກ້ໄຂບັນຫາດັ່ງກ່າວໂດຍໄວ, ເພື່ອຄວາມສະອາດຈົບງາມ ແລະ ເປັນລະບຽບຮຽບຮ້ອຍຂອງຕົວເມືອງ, ປະກອບສ່ວນຈັດຕັ້ງປະຕິບັດນະໂຍບາຍ 6 ສ, ໂດຍສະເພາະ ສ.ສະອາດ ຂອງນະຄອນຫລວງວຽງຈັນໃຫ້ປະກົດຜົນເປັນຈິງເທື່ອລະກ້າວ, ສ້າງໃຫ້ຕົວເມືອງວຽງຈັນເປັນຕົວເມືອງທີ່ໜ້າຢູ່ຫລາຍຂຶ້ນ.

error: Content is protected !!