ພຽງ 1 ເດືອນຕົ້ນປີ 2022 ນະຄອນຫລວງວຽງຈັນ ມີຜູ້ເສຍຊີວິດຈາກອຸບັດຕິເຫດ 18 ຄົນ

ທ່ານ ພັທ ສັງຄົມ ພົມມະລາດ ຮອງຫົວໜ້າພະແນກຕຳຫລວດຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນ 1 ເດືອນຕົ້ນປີ 2022 ຢູ່ນະຄອນຫລວງວຽງຈັນ ອຸບັດຕິເຫດທີ່ເກີດຂຶ້ນ 57 ກໍລະນີ ເຮັດໃຫ້ມີຜູ້ເສຍຊີວິດ 18 ຄົນ, ບາດເຈັບ 39 ຄົນ ແລະ ພາຫະນະເປ່ເພ 114 ຄັນ ໂດຍສາເຫດການເກີດອຸບັດຕິເຫດ ສ່ວນຫລາຍນັກຂັບຂີ່ປະໝາດ, ຂາດສະຕິ ບໍ່ປະຕິບັດກົດລະບຽບຈະລາຈອນຢ່າງເຂັ້ມງວດ, ດື່ມສິ່ງມຶນເມົາແລ້ວຂັບຂີ່ພາຫະນະ, ແລ່ນລົດໄວເກີນກໍານົດ, ຊີງຂຶ້ນໜ້າບໍ່ຮັບປະກັນ ແລະ ບໍ່ຮັກສາໄລຍະຫ່າງການຂັບຂີ່.

ທ່ານ ພັທ ສັງຄົມ ລາຍງານອີກວ່າ: ເພື່ອຫລຸດຜ່ອນອຸບັດຕິເຫດ, ຜູ້ໃຊ້ລົດໃຊ້ຖະໜົນ ຈົ່ງມີສະຕິການຂັບຂີ່ພາຫະນະ, ຊອກຮູ້ກົດລະບຽບຈະລາຈອນ, ສໍາຄັນເວລາດື່ມສິ່ງມຶນເມົາຫ້າມຂັບຂີ່ພາຫະນະ, ຄວນໃຊ້ຄວາມໄວຕາມກໍານົດ, ກ່ອນຈະປ່ຽນທິດທາງການສັນຈອນ ແລະ ຊິງຂຶ້ນໜ້າລົດຄັນອື່ນ ຕ້ອງຮັບປະ ກັນຄວາມປອດໄພ ພ້ອມທັງຂັບຂີ່ໂດຍການໃຫ້ກຽດກັນນຳອີກ.